ئۆتتى شۇنچە ئاي ۋە شۇنچە يىللار،
بولدۇم بىر دەرەخ ھېچ مېۋىسىزلا.
تۆھپە-ئەجىردە چىقماي ئىسىملار ،
خىجالەت يامان قىلدىغۇ تىلسىز.
بەزىلەر سورار نەچچە يېشىمنى،
سورار خاماندا قالغان چېشىمنى.
سورار ھوسۇلسىز كۈزۇ- قىشىمنى،
خىجالەت يامان قىلدىغۇ تىلسىز.
بەزىلەر باغدا بولۇپتۇ تېرەك،
ۋە يەنە بوپتۇ بىر ئۆيگە تېرەك.
ئۆزۈڭ قەيەردە بولىسەن كېرەك؟
خىجالەت يامان قىلدىغۇ تىلسىز.
تۇغۇلماق گويا ئۇرۇققا مىسال،
مېۋىلەيلى يا بولايلى قاقشال.
كېيىن بىلىنەر قەيەردە بۇ ھال؟
خىجالەت يامان قىلىدۇ تىلسىز.
"خىجالەت":ھەبىبۇللا سىيىت يەشىن,
2013-يىل 7-ئاينىڭ 21-كۈنى كەچتە مازارغوجامدا يېزىلدى | 
يوللىغان ۋاقتى 
يوللىغان ۋاقتى 