قازاقىستان زۇڭتۇڭى نەزەربايوفنىڭ دىن ۋە ھىجاپ توغرىسىدىكى نۇتۇقى

阿里木2009

    قازاقىستان زۇڭتۇڭى نەزەربايوفنىڭ قازاق قىزلارتوغرىسىدا سۆزلىگەن نۇتۇقى :
     بىزنىڭ ئەجدادىمىز ئەزەلدىن ئۆز قىزلىرىنىڭ يۈزىنى ياپقۇزمىغان، شۇڭا بىز ھازىرقى دەۋىر كىشىلىرى ئىسلام ئەقىدىلىرنى ھۆرمەت قىلىش بىلەن بىرگە، ئوخشاشلا ئۆز مىللىتىمىزنىڭ ئەنئەنىۋى ئۆرپ-ئادەتلىرىنىمۇ ھۆرمەتلىشىمىز كېرەك. ھازىر بىرقىسىم كىشىلەر بەزى خاتا تونۇۋالغان نەزىرىيەلەر بىلەن ياشلىرىمىزنى ئازدۇرۋاتىدۇ، بۇ ئىسلام دىنىنىڭ ھەقىقى ماھىيتى ئەمەس. ئەگەر بىز ئۇلارغا ئەگەشسەك ئاقىۋەتتە بىز ئۆز قىز-ئاياللىرىمىزنىڭ يۈزىنى يېپىشتىن سىرت، يەنە بىر داستىخاندا بىللە تاماق يېيىش ھوقۇقىدىنمۇ مەھرۇم قالىمىز، ئۇلار ئۆزى يالغۇز قاتناش قوراللىرىنى ئىشلىتەلمەيدۇ، ئۆز ئىختىيارى بىلەن سىرتقا چىقالمايدۇ، نورمال مائارىپ تەربىيەسى ئالالمايدۇ، ئۇنداقتا بىز پەرزەنتلىرىمىزنى قانداق تەربىيلەيمىز؟! بىز بۇنداق ناتوغرا ئىدىيەلەردىن يىراق تۇرىشىمىز كېرەك. بىزنىڭ بۇرچىمىز ياشلىرىمىزنى 21-ئەسىرگە باشلاپ كىرىش، ھەرگىزمۇ بۇ خاتا ئىدىيە سەۋەپلىك ئۇلارنى ئوتتۇرا ئەسىرگە قايتۇرمايمىز. ئەرەپچە ھىجاپلىق كىينىش بىزنىڭ ئەنئەنىمىز ئەمەس، بىز ھەقىقەتەن تەقۋا مۇسۇلمان، ئەمما بىزنىڭ ئەلمىساقتىن تارتىپ ۋارىسلىق قىلىپ كەلگەن ئەنئەنىمىز بار. بىز باشقا مۇسۇلمانلارنىڭ ئەنئەنىۋىي ئۆرۈپ ئادىتىگە ھۆرمەت قىلىمىز، بىزنىڭ ئانىلىرىمىز ۋە ئالدىنقى ئەجداتلىرىمىزنىڭ قانداق كىيىنىشى ئۇلارنىڭ ئەركىنلىكى، بىراق ئوقۇۋاتقان ياشلىرىمىزنى ھەرگىزمۇ ھىجاپلىنىشقا تەلەپ قىلماڭلار. بىز قازاقلار يايلاق مىللىتى، ئات ئۈستىدىكى مىللەت، ئات ئۈستىدە جەڭ قىلىۋاتقان باتۇرلارنىڭ ھەمراھى دەل ئۇلارنىڭ ئايالى ۋە ئۇلارنىڭ ئۇغۇل-قىزلىرى، مانا بۇ ھەقىقي قازاق مىللىتى، مانا بۇ بىزنىڭ ئەنئەنىمىز!
http://v.youku.com/v_show/id_XNDc3MTMyOTY4.html


مەنبەسى:http://bbs.alkuyi.com/thread-37887-1-1.html

كۆرەشچان

زورو چە نىقاپلانغان قىز ئاياللارنىڭ ھەممىسىلا تەقۋادار مۇسۇلمان بۇلىشى ناتايىن.

Erkman

كۈرەشچانغا باھا سۆز يازغان «تەۋىپ» بۇرادەر، سىزنىڭچە ئەتلەس كۆينەك، چىمەن دوپپا بىلەن چىققان قىز-چوكانلار يالىڭاچ چىققان بولامدىكەن؟ مۇسۇلمان قىز-چوكانلىرى ياشايدىغان مەملىكەتلەردىكى ياغلىقنى يارىشىملىق چىگىپ چىقسا يالىڭاچ چىققان بولامدىكەن؟ گەپنى سەل دەڭسەۋرەك قىلسىڭىز بولاتتى. مۇشۇ گېپىڭىز بىلەن ئۆزىڭىز شۇنچە پاك-ساپ دىل، تەقۋادار مۇسۇلمان بولۇپ كېتەلەرسىزمۇ؟ سىز  بىراۋغا بۇقەدەر ئازارلىق تىللار بىلەن دەشنەم بېرىش بەدىلىگە ئۆزىڭىز ھەم سىزگە ئەگىشىدىغان بىراۋلار شۇنداق مۇسۇلمان بولۇپ كېتەرسىزلەرمۇ؟ ناۋادا سىز ھەممە ئۇيغۇرغا ئۆزىڭىزنىڭ ئاشۇ ئىدىيەڭىزنى تېڭىپ ئۆزگەرتەلەيمەن، دەپ قارىسىڭىز، ئەۋۋەلى ئەمەلىي ھەرىكىتىڭىز، ھەق مۇسۇلمانغا لايىق مېھر-مۇشفىقارغا تولغان خۇش تىلىڭىز بىلەن پۈتكۈل ئۇيغۇرنى تەسىرلەندۈرۈڭ، شۇ چاغدا ئاندىن سىزگە نەسىھەتگۇيلۇق يارىشىدۇ. بولمىسا قاراپ تۇرۇپ بۇنداق ناباب سۆز بىلەن بىراۋلار دىلىنى ئازارلىسىڭىز، شۇ تۇرق-ھالىڭىز بىلەن مۇسۇلماننىڭ سۈپەتلىرىنى بۇلغىغان بولىسىز! بىلىسىز، بىلىمىز، كائىنات-كائىناھتىكى كۈللى مەۋجۇداتنىڭ ياراتقۇچىسى ھەققادىرئاللاھ ھەممىنى بىلگۈچى، كۆرگۈچى، ئوتنى كىم تۇتسا شۇنىڭ قولى كۆيۈدۇ، سىز ئەيىبلەۋاتقان، سىز ناباب، ھاقارەتلىك سۆزلەن دىلىغا ئازار بېرىۋاتقان بۇرادىرىمىزنىڭ ئېيتقانلىرى خاتا بولسا، ئۇ دۇنيادىكى سوراقتا جاۋابىنى ئۆزى بېرىدۇ.

م ئاقتۇ

ۋاھ،نىمىدىگەن ئولچەملىك جاۋاپ بۇ،ناھيىتى ياخشى جاۋاپ بىلەن ئىنكاس قايتۇرۇپسىز،يالىڭاچلىق بىلەن مىللىيچە كىينىشىنىڭ پەرقىنى بىلەلمىگەن بۇ «تىۋىپ» بۇرادەر ئاتا-بوۋىسىنىڭ بىر پارچە تەۋەرۇك سۇرىتى بولسا شۇننى كورۇپ بىقىشنى تەۋسىيە قىلمەن

阿里木2009

       
       
بىز خەقمۇزە،ئالدىراڭغۇ،ھاۋاغا مۇشت ئېتىپ،شەھەر ئېلىشنىلا بىلىمىز.موشۇ تېمىغىمۇ شۇنچىلىك كېسىلىپ ئۆزئارا
ئاق تاغلىق-قاراتاغلىق بولۇشۇپ بىر-بىرىمىزنى ھاقارەتلىشىپ كېتىشنىڭ ھاجىتى بارمۇ؟
نەزەر بايۇفنىڭ ئېيتقانلىرى ئورۇنلۇق.چۈنكى مىللەتنىڭ مىللى كىملىكى بولىدۇ ئەلۋەتتە،ھەممە كىشى (ئايال زاتى)ھىجابلانسۇن دەيدىغان ھۆكۈم «قۇر ئان كېرىم»نىڭ نەچچىنچى بېتى قانچىنچى سۆرىسىدە بار .سىلەر شۇنى بىلىپ قېلىشىڭلار كېرەككى خىرىستىيان دىنى مۇخلىسلىرى(مۇناخلارمۇ )ھىجابلىنىدۇ .شۇنۇڭ ئۈچۈن مىللەت چوقۇم دىندىن چەتنىمىگەن يۇسۇندا ئۆز مىللىي كىيىمىنى كېيىپ تۈرۈش كېرەك ئۇنداق بولمىغاندا،بىزنىڭ ئاياللىرىمىزمۇ ئەتلەس كۆينەك،دوپپا دىگەنلەرنى كىيسە بولمايدۇ،ئەرلەرمۇ چوقۇم بېشىغا ياغلىق ئارتىپ ئۈستىگە چەمبىرەك قويۇشى كېرەك...

Jackie

ھازىر بەزىلەردىن مىللىتىڭ نېمە دەپ سورىسا، مەن مۇسۇلمان دەپ جاۋاپ بېرىدىكەن. قايتۇرۇپ مەن مىللىتىڭنى سوراۋاتىمەن، سەن ئۇيغۇرمۇ؟ دېسە، ياق مەن مۇسۇلمان دەپ جاۋاپ بېرىدىكەن.
بۇيىلنىڭ بېشىدا ماڭا راستىنلا مۇشۇنداق ئىش ئۇچىرىدى. سوئال سورىغۇچى مەن، جاۋاپ بەرگۈچى بىر مۇسۇلمان. باياقى دىئالوەدىن كېيىن مەن بەك ئۇ ساۋاتسىز ساياقنى تىللىۋەتتىم(ئۇرۇپ سالغىلى تاسلا قالدىم).قارىسام ئەتىراپتىكى ئامما(توغرىسى ئۆزىنىڭ مىللىتىنى مۇسۇلماندەپ ئويلايدىغان ئۇيغۇرلار) مېنى بەكلا ئەيىپلەپ كەتتى. مەن ئاخىرىدا ئاچچىقىمدا  قىلغىلى گەپ تاپالماي، ‹ھەر قايسىڭىنىڭ دادىسى ئوغۇل دەپ تاپقان، ئەر دەپ چوڭ قىلغان بالىسىنىڭ  ئۇيغۇر مىللىتى ئىكەنلىگىدىن تانغانلىقىنى بىلسە چوقۇم ھەر قايسىڭىنى تاپقان نېمىسىنى كېسىپ ئىتقا تاشلاپ بېرىدۇ› دەپ قويۇپ كېتىپ قالدىم. لېكىن مۇشۇ ئىش نەچچە ئايغىچە كۈندە كاللامغا كىرىۋېلىپ مېنى بەك ئازاپلىۋەتتى. ھازىرقى ھەممىلا يەر ئىلىم پەن بىلەن تولغان زاماندىمۇ مىللىتىمىز ئىچىدە مۇشۇنداق دەرىجىدە نادان ئادەملەرنىڭ يەر شارىغا يۈك بولۇپ ھايات يۈرىشى.................  بولدىلا ، سۆزلىسەم بەكرەك چېچىلىپ قالىدىغاندەك قىلىمەن.

Erkman

Jackie يوللىغان ۋاقتى  2013-6-20 18:41
ھازىر بەزىلەردىن مىللىتىڭ نېمە دەپ سورىسا، مەن مۇسۇلم ...

ئېي ھۆرمىتى زىيادە بۇرادەر، بۇ ئىش ماڭا ھەم ئۇچرىغان، مەن بىر ئۇيغۇر بىلەن خۇشسۆھبەت قىلىش داۋامىدا، ئۇ مىللىتىنىڭ مۇسۇلمان ئىكەنلىكىنى ئېيتتى، كۈلۈپ كەتتىم ھەم «بۇرادەر، سىز ئۇيغۇر، ئەمما ئۇ دۇنيادىكى سوراقتا ‹مىللىتىڭ نېمە› دېگەن سوراققا ‹ئىبراھىم خەلىلۇللاھ› دەپ جاۋاب بېرىشنى بىزمۇ بىلىمىز! ناۋادا سىز ئۆزىڭىزنى مۇسۇلمان مىللىتى، دەپ تۇرۇۋالسىڭىز ئۇمۇ مەيلى، ئەمما سىز بۇ زېمىندا ئەمەس، بەلكى بوسىنىيە-گېرتسوگىۋىنادا تۇغۇلغان، تۈركلەر بىلەن سېربلارنىڭ بىرىكىشىدىن ئاپرىدە بولغان مۇسۇلمان مىللىتى بولىىسىز» دەپ چاقچاق قىلدىم ھەم «سىز سېرب تىلىدا سۆزلىشىڭىز كېرەك، ئۇۇيغۇر تىلى سىزگە ھارام» دەپ چاقچاقنى سەل كىنايىگە كۆتۈردۈم.
نېمىشقىدۇر، كۈنىمىزدە ئىشتىنى ئوشۇقىدىن ئاشمايدىغان، ئىشتىنىنىڭ لېپىزىنى تۈرۈۋالىدىغان «راج» سۈپەت ئەرلەر ۋە «زورو» سۈپەت قىز-چوكانلار ھەقىقەتەن كۆپىيىپ قالدى.

تەڭرىتاغ

تەڭرىتاغ مۇنبىرى ئىلمىي مۇنازىرە سورۇنى، گەپ ئارقىلىق ئۆزگىنى قايىل قىلىدىغان جاي، شۇڭا كۆپچىلىكنىڭ ئىلمىي بەس-مۇنازىرە قىلىشىنى ئۈمىد قىلىمەن.

راستچى

مۇنازىرە ئەلكۇيىدە  قىزىپتۇhttp://bbs.alkuyi.com/thread-37887-16-1.html

Erkman

راستچى يوللىغان ۋاقتى  2013-6-21 14:06
مۇنازىرە ئەلكۇيىدە  قىزىپتۇhttp://bbs.alkuyi.com/thread-37887-16-1.html

ئەلكۈيىدىكى كۆپ سانلىقلارنىڭ مىللىتى «مۇسۇلمان» ئىكەن!