مۇنبەرداشلار ، سالام سىلەرگە ! بۇ مۇنبەر بىزگە نۇرغۇن بىلىم ھەم خۇشاللىق ، شۇنداقلا دوستلۇق ئاتا قىلدى . مۇنبەرداشلارنىڭ يازمىلىرىمىزغا بەرگەن سەمىمى تەكلىپ پىكىرلىرى ۋە باھالىرى قەلبىمىزنى باھار ئاپتىپىدەك ئىللىتتى ، باشقىلارنىڭ ئىللىق مۇئامىلىسىگە ، ئېتىراپ قىلىشىغا ، مەدەت بېرىشىگە ئېرىشىش مېنىڭچە ، بىباھا خۇشاللىقتۇر .
مۇنبەردە مۇشائىرە يېزىشمىغىلى ئۇزۇن بوپتۇ ، شۇڭا مۇشائىرە باشلايلى دېسەم ، مۇنبەرداشلار ئەيىپكە بۇيرارمۇ دېگەن خىيالدا بەكلا خىجالەتچىلىكتە باشلىدىم ، ئەمىسە مۇنبەرداشلار قىزغىنلىق بىلەن قەدەم تەشرىپ قىلغايسىلەر !
مۇشائىرە قائىيدىسى : ئەڭ ئاخىرقى كوبلىتنىڭ بىرىنچى مىسراسىدىن باشلاپ داۋاملاشتۇرىلىشى ، بۇغۇم سانى ، رېتىم قاتارلىقلارغا ئەھمىيەت بېرىلىشى كېرەك .
يۈرىكىمدىن ئۆرلىدى تۈتۈن ،
غۇۋالاشتى زەڭگەر ئاسمىنىم .
قاتتى مۇز بوپ ئوتتەك ۋۇجۇدۇم ،
يىراقلارغا كەتتى ئارمىنىم .
* * *
ئاي كۈمۈشرەڭ نۇر تۆككەن ئاخشام ،
پىغان بىلەن تۆكۈلدى ناخشام .
مۇھەببەتسىز تېنىڭگە جېنىم ،
قاتتى جىسمىم باغرىمنى ياقسام .
* * *
باغلىرىڭدا سۆيگۈدىن ئېچىلدۇرسام قىزىل گۈل ،
خازان قىلىپ سەن ئۇنى يىراقلارغا كەتتىڭمۇ ؟!
سېنىڭ ئۈچۈن خۇشاللىق بولسا ئەگەر ئازابىم ،
دەرتكە سېلىپ سەن مېنى مۇرادىڭغا يەتتىڭمۇ ؟!
* * *
شادلىق بەرگىن دېسەم مەن ،
ماڭا ئازاپ بەردىڭمۇ ؟!
يوللىرىمغا گۈل تەرمەي ،
تىكەنلەرنى تەردىڭمۇ ؟!
كېيىنكى ئىككى كوبلېتنى سوئال - جاۋاپ شەكلىدە داۋاملاشتۇرساق قانداق ؟
| 
يوللىغان ۋاقتى 2013-6-16 21:14:40
