تەڭرىتاغ مۇنبىرىگە باشقۇرغۇچى تەكلىپ قىلىندى
كەڭ تورداشلارنىڭ كۈنسايىن ئېشىپ بېرىۋاتقان مەنىۋىي ئېھتىياجىنى قاندۇرۇش يۈزىسىدىن تەڭرىتاغ مۇنبىرىنىڭ بەت شەكلى ئۈچىنچى قېتىم ئۆزگەرتىلىپ تېمىلار قاتارى 50 كە ئۇزارتىلدى. ئۇنىڭدىن باشقا مۇنبەردىكى تېمىلارنىڭ تەستىقلىنىش سۈرئىتىنى تېزلىتىش، مۇنبەرگە نىسبەتەن نازارەتچىلىكنى كۈچەيتىپ، قانۇنسىز ۋە شۇنداقلا ئەخلەت تېمىلارنى مۇنبىرىمىزدىن مۇستەسنا قىلىش، مۇنبەرنىڭ ئومۇمىي كەيپىياتىنى يۇقىرى كۆتۈرۈپ، ساغلام، يېشىل تور مۇھىتى بەرپا قىلىش مەقسىتىدە جەمئىيىتىمىزدىكى بىر قىسىم تور باشقۇرغۇچىلىرى تەڭرىتاغ مۇنبىرىنىڭ باشقۇرغۇچىلىقىغا تەكلىپ قىلىندى. بۇلارنىڭ تىزىملىكى تۆۋەندىكىچە: 1. ئابلا ئىسھاق پەروزان - مۇنبەردىكى ئىسمى ablajan ، سائادەت ساتتار ئايتۇغ- مۇنبەردىكى ئىسمى سائادەت ، ئەزىز ئىمىر يانغىن- مۇنبەردىكى ئىسمى يانغىن ، ئېلى بۇراۋىدىن بۈركۈت- مۇنبەردىكى ئىسمى بۈركۈت. تەڭرىتاغدىكى بارلىق باشقۇرغۇچىلار تورداشلارنىڭ مەنپەئەتىنى بىرىنچى ئورۇنغا قويۇپ، تورداشلارغا ئادىل مۇئامىلە قىلىپ، ئەڭ تېز ۋاقىت ئىچىدە تورداشلار يوللىغان تېمىلارغا ئىنكاس قايتۇرۇپ ياكى ئۆچۈرۈلگەن تېمىلارنىڭ سەۋەبىنى ئەسكەرتىپ مۇنبىرىمىزنى تېخىمۇ ياخشى مۇنبەر قىلىپ قۇرۇپ چىقىش ئۈچۈن تىرىشىمىز. كۆپچىلىكنىڭ ياراملىق، ئىقتىدارلىق باشقۇرغۇچىلارنى تەۋسىيە قىلىپ، مۇنبەر باشقۇرغۇچىلار قوشۇنىنى كۈچەيتىش ئۈچۈن كۈچ چىقىرىشىنى ئۈمىد قىلىمىز. يۇقىرىدىكى باشقۇرغۇچىلارغا نىسبەتەن كۆپچىلىكنىڭ قانداق تەكلىپ-پىكىرلىرى بولسا مەن بىلەن بىۋاستە ئالاقىلاشساڭلار بولىدۇ. ئالاھىدە ئۇقتۇرۇش چىقىرىلدى. تەڭرىتاغ ئۇيغۇرچە مۇنبىرى 2013.6.8
|