قىرىق ياشتا
مەخمۇت سەلەي (مەيپۇرۇچ)
قىرىق ياشتا كىرگەنلىرىم قىرىقتۇر،
ئەل رىسقىچۈن يۈرگەنلىرىم ئېرىقتۇر.
بۇغداي تاپسام باشقىلارغا بېرىپمەن،
ئۆزۈم ئۈچۈن ئەپقالغىنىم تېرىقتۇر.
قىرىق ياشتا كىرگەنلىرىم قىرىقتۇر،
ھايات ماڭا ئېقىن ياكى ئېرىقتۇر.
شۇ ئېرىقنى ياقلىغىنىم كۆل ئۈچۈن،
شۇ كۆللەردە باققانلىرىم بېلىقتۇر.
شۇ ياشلاردا تاڭغا ئۇلاپ كېچىنى،
ئارىلاپتىمەن ئېتىز - ئېرىق ئىچىنى.
ئوتتىن ئايرىپ زىغىر، زاغۇن قىچىنى،
ئەمگەك قىلدىم ئالقانلىرىم يېرىقتۇر.
ئاز رىسىقتا ئۈمىدۋارلار ئەر ئەمەس،
ئوت - چۆپ ئۈچۈن ئىتەك يايغان يەر ئەمەس.
زىننەتنى دەپ يالتىرىغان زەر ئەمەس،
شۇ نەپ ئۈچۈن سۇنسا قولى تېڭىقتۇر.
مەنبە: ئۆز ئىجادىيىتىم
| 
يوللىغان ۋاقتى 2013-4-18 10:01:46
