يېڭى مۇنبەرنىڭ بىر قىسىم ئالاھىدىلىكلىرى
ھۆرمەتلىك مۇنبەرداشلار، شۇنداق قىلىپ يېڭى مۇنبەرگىمۇ كۆچۈۋالدۇق، بەلكىم نۇرغۇنلىغان مۇنبەرداشلار يېڭى مۇنبەرگە كۆنەلمەيۋاتقان بولۇشى مۇمكىن، بىراق ۋاقىتنىڭ ئۆتۈشى بىلەن مۇنبەرداشلار چوقۇم بۇ مۇنبەرنىڭ ئىقتىدارلىرىدىن رازى بولىدۇ. تۆۋەندە مەن يېڭى مۇنبەرنىڭ بەزى مۇنبەرداشلار تېخى بايقاپ بولالمىغان ئالاھىدىلىكلىرىنى تونۇشتۇرۇپ ئۆتىمەن.
نۇرغۇنلىغان مۇنبەرداشلار يېڭى تېمىلار تىزىملىكى قاتارىدىكى بەلگىلەنگەن تېمىلار سانى ئاز بولۇپ قاپتۇ دېگەن پىكىرنى بەردى، تورداشلارنىڭ بۇ ئېھتىياجىنى بەت ئۈستىدىكى ‹‹تېما يېتەكچىسى›› دېگەن سەھىپە قاندۇرالايدۇ، يەنى بۇ سەھىپىنى چەكسىڭىز سىز بۇ يەردىن يېڭى تېمىلار، ئاۋات تېمىلار، جەۋھەر تېمىلارنىڭ ھەممىسىنى ئىستون بويىچە ئىزدىيەلەيسىز، ئۇنىڭدىن باشقا ئۆزىڭىز مۇنبەردە ئېلان قىلغان تېمىلىرىڭىزنىمۇ تاپالايسىز. مۇنبەرداشلارنىڭ ئىشلىتىپ بېقىشىنى تەۋسىيە قىلىمەن.
ئاڭلىتىش سەھىپىسىدە مۇنبەرگە بىلوگ ئىقتىدارىنىڭ قوشۇلغانلىقىنى ھېس قىلالايسىز. بەلكىم بەزى مۇنبەرداشلار ھەر بىر ئەزانىڭ باش سۈرىتى ئاستىدا كۆك رەڭلىك ‹‹ئەگىشىش›› دېگەن خەتلىك بەلگىنى كۆرمىگەن بولۇشى مۇمكىن، بۇ بەلگىنىڭ رولى مۇنبەردە سىز ھۆرمەتلەيدىغان، مۇشۇ ئەزانىڭ ئارقىسىدىن ئەگەشسەم بولىدۇ دەيدىغان ئەزالارغا نىسبەتەن مۇشۇ بەلگىنى باسسىڭىز سىز شۇ ئەزاغا ئەگىشىسىز. ئەمدى ئەگەشسەك قانداق بولىدۇ دەيدىغان سوئال تۇغۇلۇشى مۇمكىن. ئەگەر سىز شۇ ئەزاغا ئەگەشسىڭىز شۇ ئەزانىڭ يوللىغان تېمىلىرى ۋە شۇ ئەزا يوللىغان سۈرەت، خاتىرىلەرنى كۆرەلەيسىز ۋە شۇ ئەزا يوللىغان مەزمۇننى تارقىتالايسىز، ھەمبەھرلىيەلەيسىز.
ئۇنىڭدىن باشقا مۇنبەرگە QQ ئارقىلىق تىزىملىتىش ئىقتىدارى ئېچىۋېتىلدى، كۆپچىلىكنىڭ ئەزالىق نومۇرىنى QQنومۇرى بىلەن باغلىۋېلىشىنىمۇ تەۋسىيە قىلىمەن.
بەت ئۈستىدىكى ‹‹ خاتىرە ›› سەھىپىسىنىڭ ئىقتىدارى مىكروبىلوگنىڭ ئىقتىدارى بىلەن تەڭ ئورۇندا بولۇپ، تورداشلار بۇ يەردە 280 ھەرپ چەكلىمىسى دائىرىسى ئىچىدە ئۇچۇر يوللىيالايدۇ، سىزنىڭ ئەگەشكۈچىلىرىڭىز سىز يوللىغان بۇ مىكروبىلوگنى تارقىتالايدۇ، ئەگەشكۈچىلىرىڭىز كۆپ بولسا، سىزنىڭ ئۇچۇرلىرىڭىزنى تېخىمۇ كۆپ ئادەم كۆرەلەيدۇ. | 
[ئۇلانما كۆچۈرۈش]
يوللىغان ۋاقتى 2012-11-29 10:49:13
يوللىغان ۋاقتى 2012-11-29 16:24:03
