گۇمانتارلىق
تەر تامچىتماي چىكەڭدىن يېگەن ئاشتا گۇمان بار،
مەنبەسى شۇ ھورۇنلۇق، قاتقان باشتا گۇمان بار، مۇھتاجمەن دەپ ئاچ يۈرۈپ ئاققان ياشتا گۇمان بار، تېجەي دېسەڭ ئاز - ئازدىن قىلغىن ناشتا، گۇمان بار، بولغان بولسا پۇل مېلىڭ بۇزۇپ چاچما، گۇمان بار.
ھالال يېسەڭ ئىشلىسەڭ، نەپەسلەنسەڭ ھاۋادىن،
بوش ۋاقتىڭدا ئولتۇرۇپ ھۇزۇر ئالساڭ ناۋادىن، كاستيۇم كەيمەي، بوز رەختىن تەلپەك كەيسەڭ تاۋادىن، شۇ ھالىتىڭ كىمدىن كەم؟ خوجايىن سەن، چاكار كىم؟ ھە! شۇلاردىن باشقىسى غالدا - غاشتا، گۇمان بار.
ئىشلەپ ھارساڭ بەش مىنۇت پۇرسەت تاپساڭ ئوينىۋال،
يېڭى - ياچە پۇتۇڭغا ئۆتۈك ساپساڭ ئوينىۋال، ئات، خىچىرغا يەتكۈچە ئېشەك چاپساڭ ئوينىۋال، ھاياتىڭدا بىر ېىتىم ئۆگزە ياپساڭ ئوينىۋال، بىلىپ ئوينا شۇندىمۇ، شۇ ئويناشتا گۇمان بار.
تەكلىپ قىلاي ئۆيۈمگە، كېلىپ - كەتكىن مېھمان بول،
كەيپىياتىڭ كۆتۈرۈلۈپ ئۈستىمنى باس، ئاسمان بول، مېنىڭ بىلەن ئېتىزدا بىر كۈن ئىشلەپ دېھقان بول، ئەتىيازدا بىر مايسا كۈز كەلگەندە مىڭ دان بول، ياخشىلارغا يار بولماي، تىڭىرقاشتا گۇمان بار.
ئەمەل تۇتما قىلچىلىك ئەمەلدارغا ئىشەنمە،
قىلار ساڭا كۈنچىلىك، يار - ھەمكارغا ئىشەنمە، يار - ھەمكارىڭ مەن - مەن دەپ سالغان جارغا ئىشەنمە، كەڭرى يەردە مۇشت يىگىن، بارما تارغا ئىشەنمە، زامان ئۇنچە تار ئەمەس، زامانداشتا گۇمان بار...
مەنبە: ئۆز ئىجادىيىتىم مەخمۇت سەلەي (مەيپۇرۇچ) | 
يوللىغان ۋاقتى 2013-3-18 10:04:11
