مەھەللەڭگە باردىم نەچچە رەت

قەلەمىي

مەھەللەڭگە باردىم نەچچە رەت

ئوبۇل ئوغلى قەلەمىي

مەھەللەڭگە باردىم نەچچە رەت ،
ھىدلىرىڭنى پۇرايمىكىن دەپ .
كۆزلىرىمدىن ئۇچقانلىرىڭدا ،
يوللىرىڭنى تورايمىكىن دەپ .

مەھەللەڭگە باردىم نەچچە رەت ،
كۆرۈپ -كۆرۈپ  قانايمىكىن دەپ .
ئېچىپ قالساڭ قۇچاقلىرىڭنى ،
ئۆز-ئۆزۈمنى ئاتايمىكىن دەپ .

مەھەللەڭگە باردىم نەچچە رەت ،
بىر ئايلىنىپ كېلەيمىكىن دەپ .
بىرگە بولۇپ قالساق ناۋادا ،
بەختىمىزنى تىلەيمىكىن دەپ .

مەھەللەڭگە باردىم نەچچە رەت .
پاك مىھرىمنى بېرەيمىكىن دەپ .
چىن ئەقىدەم غورۇرۇم بىلەن ،
سۆيگۈ ئۇرغىن تېرەيمىكىن دەپ .

ئىزدەن1

ياخشى كەن ،
مەن خەقنىڭ مەھەلسىگە ماشىنامنى ھەيدەپ بېرىپ بىر ئاخشام تۇنىۋاتقان

sakra

ياخشى يىزىلىپتۇ،

ئاينۇر841300

مەھەللەڭگە باردىم نەچچە رەت،

سەندىن ئىنىق جاۋاپ ئالاي دەپ.
   
بەرسەڭ كۆڭۈل بېغىڭنى ماڭا ،

ۋىسال تاپساق پاك سۆيگۈدىن دەپ.