مۇبالىغچىلىكنىڭ سىرى
تۆت چاسا دېيىلگەننى بىر سىقسىلا يۇمىلاق بولۇپ قالىدۇ. يۇمىلاق دېيىلگەننى بىر سىقسىلا ياپىلاق بولۇپ كېتىدۇ. ئېغىز: پولات - تۆمۈردىنمۇ چىڭ. پاكىت: خېمىردىنمۇ يۇمشاق. نەتىجە: باش قاتۇرۇپ توقۇپ چىقىرىلغان. تەجرىبە: كۈچ سەرپ قىلىپ ئويدۇرۇپ چىقىرىلغان. شۇم خەۋەر: ئانچە - مۇنچىلا سۆزلەپ قويۇلغان. خۇش خەۋەر: ئالاھىدە سۆزلەنگەن.
ئىشچى قوبۇل قىلىش ئېلانىنىڭ سىرى
1. ئايلىق ئىش ھەققى 1000-300 يۈەنگىچە (ئۇ چوقۇم 300 يۈەن).
2. ئىسمېنا قوشۇپ ئىشلىمەيدۇ (ئۇ چوقۇم 12 سائەتلىك ئىش تۈزۈمى).
3. پىرسەنت بېرىلىدۇ (چوقۇم 12سائەتنىڭ سىرتىغا پىرسەنت بېرىلىدۇ).
4. دەم ئېلىش ۋاقتى بار (ئىش بولمىغاندا پۈتۈنلەي دەم ئېلىشقا قويۇپ بېرىلىدۇ، ئىش ھەققى تۇتۇپ قېلىنىدۇ)
يېڭىچە «قاراش، پۇراش، سوراش، تومۇر تۇتۇش» ئارقىلىق كېسەل كۆرۈش
تېبابەتچىلىكتە ئەسلىدە دوختۇر - تېۋىپلار كېسەللەرنى «قاراش، پۇراش، سوراش، تومۇر تۇتۇش» پىرىنسىپى بويىچە تەكشۈرەتتى. ھازىر بەزى دوختۇرلار كىلىنىكىدا ئۆزگىچە يېڭىلىق يارىتىپ، يېڭىچە «قاراش، پۇراش، سوراش، تومۇر تۇتۇش» ئارقىلىق دىياگنوز قويۇش ئۇسۇلىنى ئىجاد قىلغان.
قاراش: بىمارلارنىڭ كەسپى ۋە ئۆز كېسىلىگە جىددىي قاراش دەرىجىسىگە قاراپ، قانچە پۇللۇق دورا يېزىش ئۈچۈن ھازىرلىنىش.
پۇراش: بىمارنىڭ ئىدارىسىنىڭ ئىقتىسادىي ئەھۋالى، ھۆكۈمەت خىراجىتى ياكى ئۆز خىراجىتى بىلەن داۋالىنىدىغانلىقىنى ئىگىلەپ، ئۇنىڭغا قانچىلىك دورا ساتالايدىغانلىقىنى بېكىتىش.
سوراش: بىمار ماگنېتلىق رېزونانىس ئاپپاراتى ياكى پۈتۈن ئەزاسىنى س ت دا تەكشۈرەمدۇ، بالنىتسىدا ياتامدۇ سوراپ بىلىش.
تومۇرىنى تۇتۇش: بىمارنىڭ تومۇرىنى تۇتۇپ كۆرۈپ، قەلىمىنى بىر ئوينىتىپلا مەيلى ئۇ زۇكام بولۇپ قىزىپ قالغان بولسۇن، مەيلى ئاشقازان كېسىلى، قەۋزىيەت بولسۇن، ئۇنىڭدىن 4-5 مىڭ يۈەننى سۇغۇرۇپ ئالماي قويۇپ بەرمەسلىك.
مەنبە: ئەدەبىي تەرجىمىلەر 2003 - يىل 5 - سانىدىن | 
يوللىغان ۋاقتى 
