ئايالنىڭ يەنە بىر تەرىپى
توغرا كەلسە ئېرىقتىن پۈتۈن بىر كۈن ئاتلايدۇ،
ئورۇن سالسا سەھەردىن پۈتۈن بىر كۈن قاتلايدۇ، ئۆزى تۇغقان بالىنىمۇ ئۆگەيلەيدۇ، ياتلايدۇ، جىدەل قىلسا ئۇ مېنى ئۇرالمىسا تاتلايدۇ، ئاندىن مېنىڭ ئۈستۈمدىن باشقىلارغا داتلايدۇ.
ئۇنىڭغا ھېچ يات ئەمەس ياسىنىش ھەم تارىنىش،
باشقىسىغا تاۋى بوش، ئۇرۇش جىدەل - زارلىنىش، ئىش توغرىلىق گەپ بولسا، ئاغرىنىش يا ھار ئېلىش، ئۆلۈش ئۈچۈن توك تۇتۇپ، ئۇ ئاقمىسا دار سېلىش، تۇتۇپ قالسام ياش تۆكۈپ باش - كۆزىنى پاتلايدۇ.
ئۇنىڭ ئۇششاق سۆزىدىن كېچە ماڭا ئۇيقۇ يوق،
تىل تاشلىسا ئۇ ماڭا ئېغىزىدىن ياغار ئوق، - بۇنداق ئايال كىمنىمۇ سۆيۈندۈرۈپ قوزغار زوق؟ -
دېسەم دەيدۇ شەيتىنىم، - ئەدەبلىگىن، ئۇرۇپ - سوق، - ياق، ياق، - دەيدۇ پەرىشتەم ئېغىزىمنى چاپلايدۇ.
ئويلاپ قالدىم يىل ئۆتۈپ، چوڭ بوپ بارسا بالىمىز،
قوزا، قويلار كۆپىيىپ، ئاۋۇپ قالسا كالىمىز، جىدەل قىلساق ئىككىمىز، نېمە بولار ھالىمىز؟ قولۇم - قوشنا ئالدىدا بەك ئۇياتقا قالىمىز، دېسەم، ئاڭلاپ سۈزۈمگە، ئەسلا قۇلاق سالمايدۇ.
ئانچىكى بىر ئىشلارغا توۋلىشىمىز تالىمىز،
بولسا كاناي سىقىشىپ ئورنىمىزدا قالىمىز، ئۇرۇش - جىدەل تۈگەيدۇ، بىز ئىككىمىز قالىمىز، شادلىنىمىز تۇرمۇشتىن، يەنە ناغرا چالىمىز، شۇ كۈنلەردە ئايالىم چاۋاك چېلىپ ھارمايدۇ.
مەنبە ئۆز ئىجادىيىتىم مەخمۇت سەلەي (مەيپۇرۇچ)
| 
يوللىغان ۋاقتى 2013-3-15 10:53:30
