چېچەك پەسلى
چېچەك پەسلىدە گۈل بەرگىلەر شامالغا كەل! سوقۇل دەرلەر،
بېرىپ ۋەسلىمگە شەبنەملەر ئۆزۈڭمۇ ھەم يۇيۇن دەرلەر.
تىرەنلىك ئىزدىسەم گۈلدىن قېتىدا دەيدۇ بەرگىمنىڭ،
كىرىپ رەڭلەن ئىچىمگە ئوت، ھۇزۇرلانغىن - تويۇن دەرلەر.
ئىشارەت ئەيلىدى تىلسىز، قىزىل تۇمشۇقلىرىن ئۇشلاپ،
ئويۇن ئەرمەكلىرى ئىچرە ئۆزىنى بىر ئويۇن دەرلەر.
ئىجازەت ئەيلىگەن دەمدە تۇرامتىم تاقىتىم تەگسىز،
قىلىچلار قاڭقىسا مەندىن، ئەجەپ قاتقان بويۇن دەرلەر.
سۆيۈلگەن، سۆيگىنىم راسىتتۇر ئۆمۈرلۈك قىسمىتىم بىرلەن،
لىۋىدىن ئۇ بېرىپ زەمزەم، ماڭا شادلان سۆيۈن دەرلەر.
ئايالغ
خىيالىمدا ئاسمان سەنكى، يۇلتۇزلىرى چاقنىغان، پىنھاندىكى بىر كان سەنكى زەر - دۇرلىرى چاقنىغان.
ئاجايىپ بىر ئىنسان سەنكى، جاپا تېغى باسسىمۇ،
چىداملىقتا مىڭجان سەنكى، ئۈمىد نۇرى چاقنىغان.
نىھايەتكى پەرىزات سەن، ئۆي ئىچىدە بىر ئايال،
ئۆي تۇتۇشقا يارالغانكى ئۆي تۇرمۇشى چاقنىغان.
نەپىسەدەك قەددى - قامەت، نادىرەدەك بار سۇبات،
نۇزۇگۇمدەك چاقماق سەنكى چاچقۇلىرى چاقنىغان.
سەن بار ئۆينىڭ دېرىزىسى كېچە ھەم كۈندۈز يورۇق،
قاراڭغۇلۇق باسماس مەڭگۈ، مەپكۇرلىرى چاقنىغان...
مەنبە: ئۆز ئىجادىيىتىم مەخمۇت سەلەي (مەيپۇرۇچ) | 
يوللىغان ۋاقتى 2013-3-12 20:03:05
