مەنمۇ شۇلار قاتارى ئىش باشلىدىم ئېتىزدا،
ئىش قوينىدا مېنىڭدەك يانار كەلگەن ئوخشايدۇ..
شەۋكىتى باشقا
كۈلگۈنچەك شۇ قىزنىڭ كۈلكىسى كەبى،
ئەتىياز قۇياشى باقسا شۇ گۈلگە.
قۇشلارغا بېغىشلار ئۆزگىچە شاتلىق،
سۈكۈتلەر بۇزۇلسا-پەيزى ئۆزگىچە..
شۇ گۈلنىڭ ھىدىدىن جان كىرگەي ھامان،
قۇرۇتقا،قوڭغۇزغا،ھەتتاكى تاشقا.
ياپراقتىن شەبنەملەر، بەرگىلەردىن رەڭ،
ئالغان شۇ روھنىڭمۇ شەۋكىتى باشقا..
لەززەت
ئېقىپ كەلسە مەزمۇت قاشلاردىن،
ئالغاچ كەلسە گۆھەر،-تاشلاردىن.
رەڭگىمىزدە رازىمەنلىك يار،
ئېتىزدىكى ئاشلىق-ماشلاردىن.
سىڭىشىشتە يىتەلمەس ئاڭا،
شەبنەب يەردە تىزلىك تالىشىپ.
لاي بولسىمۇ ئىچسە كىشىلەر ،
لەۋلىرىنى ،كەتكەي يالىشىپ..
ئىشىگىڭ بولاي
مېنىلا ئۇرغىنا، ئۇرماي ھايۋاننى،
ماڭىلا قاتقىنا سۆرەم-ساپاننى.
خالىساڭ ئىشىگىڭ ئورنىدا بولاي،
قېنى يۈر!ئۈستۈمگە تاشلا چاپاننى..
بولمىسا،بۇجاننى ئورنۇمدا كۆرگىن،
قوسقىنى ئاچ قويماي قوغلىغىن-سۈرگىن.
نېمىلەر قىل مەيلى-يۈكلەر ئارت لېكىن،
ئۆزۈڭنىڭ يۈكىنى ئۆزۈڭ كۆتۈرگىن..
شەپقەت قىل
بىر خاسلىق ياراتساڭ،سۆيۈشلەردە سەن،
بىزلەرگە نەكېرەك چىراي ۋە ئەڭلىك.
خىياللار ئىلكىدە بەدەنگە-بەدەن-
تېگىشسە،تارتمايمىز ئەمەسمۇ تەڭلىك..
توڭلىساڭ تېنىڭگە يەتكۈزۈپ ئىللىق،
ئوت بولۇپ بېرىمەن پىنھاندا ساڭا.
بارلىقىم،ھاياتىم ساڭىلا تالىق،
سۆيۈشۈپ ئۆتىمىز،شەپقەت قىل ماڭا..
دوملاتماس دەپ تاش
چاقماقتەك يېنىشقا قىلىمەن جۈرئەت،
سېنىڭدىن ئايرىلغان دەملەرگە ئەبەت.
كەينىمچە ماڭساممۇ ئالدىڭدىن يەنە،
يىراقلاپ بارىمەن ئاشۇرۇپ سۈرئەت.
چىقارغۇم كەلمەيدۇ بىھۇدە غەۋغا،
ئىچىمگە سالساڭمۇ تەڭسىز-تىڭىرقاش.
ئازاپلىق بولسىمۇ سۆيدۈم نىمىشقا؟
چۈنكى شۇ، يولۇمغا دوملاتماس دەپ تاش..
مەنبە ئۆز ئىجادىيىتىم مەخمۇت سەلەي(مەيپۇرۇچ)
يوللىغان ۋاقتى 2013-3-12 09:39:45
