خىزمەت گۇرۇپپىسىدىكى كادىرلار توقمەھەللە كەنتىدىكى
دېھقانلارنىڭ مەنىۋى تۇرمۇشىنى بېيىتتى
ئاپتونوم رايون ۋە ۋىلايەتلىك پارتكومنىڭ پارتىيە 18 - قۇرۇلتىيى روھىنى كەنت، ئائىلىلەرگىچە يەتكۈزۈش تەشۋىقات - تەربىيە خىزمىتىنىڭ تەلىپىگە ئاساسەن، ئاپتونوم رايون ۋە ئاقسۇ كەسپىي تېخنىكا ئىنستىتۇتىدىن ئارقا - ئارقىدىن باي ناھىيە سايرام بازىرى توقمەھەللە كەنتىگە چۈشكەن خىزمەت گۇرۇپپىسىدىكى كادىرلار نۇقتىغا يېتىپ كەلگەندىن بۇيان، ئاساسىي قاتلامغا، ئامما ئارىسىغا چوڭقۇر چۆكۈپ، بىر تەرەپتىن ئائىلىلەرگىچە كىرىپ، دېھقانلار بىلەن خىزمەتتە، تۇرمۇشتا، ئۆگىنىشتە بىرگە بولۇپ، پارتىيە 18 - قۇرۇلتىيى روھىنى ۋە پارتىيەنىڭ خەلققە نەپ يەتكۈزۈش سىياسەتلىرىنى كەڭ تەشۋىق قىلسا، يەنە بىر تەرەپتىن خەلق ئاممىسى بىلەن ئەستايىدىل سۆھبەتلىشىپ، ئۇلارنىڭ ئىشلەپچىقىرىش، تۇرمۇش ئەھۋاللىرى، ئارزۇ - ئۈمىدلىرىنى ئىگىلەپ، ئىگىلىگەن ئەھۋاللاردىن ئەستايىدىل خاتىرە قالدۇرۇپ، تەشۋىقات - تەربىيە خىزمىتىنىڭ ئۈنۈمىنى ئاشۇردى. كەنتنىڭ 2013 - يىللىق ۋە كەلگۈسى پىلانىنى ئىلمىي تۈزۈشكە ياردەملىشىپ، كەنتنىڭ ئىلمىي تەرەققىياتىغا تۈرتكە بولدى. نامرات، قىيىنچىلىقى بار ئائىلىلەرنى ئىنچىكىلىك بىلەن ئېنىقلاپ، ئۇلارگە يار - يۆلەك بولدى، 10 - مارت بۇ خىزمەت گۇرۇپپىسىدىكى كادىرلار 2500 يۈەن چىقىم قىلىپ، ۋالىبول، تىكتاكتوپ، ئارقان تارتىشىش، توخۇ سوقۇشتۇرۇش، مىللىي مەشرەپ، زېھىن سىناش مۇسابىقە پائالىيىتىنى تەشكىللەپ، بۇ كەنتتىكى دېھقانلارنىڭ مەنىۋى تۇرمۇشىنى بېيىتتى.
پائالىيەتتىن كۆرۈنۈشلەر:
تىكتاكتوپ مۇسابىقىسى
توخۇ سوقۇشتۇرۇش مۇسابىقىسى
ۋالىبول مۇسابىقىسى
ئارقان تارتىشىش مۇسابىقىسى
مىللىي مەشرەپ
ئاپتونوم رايون ۋە ۋىلايەتتىن چۈشكەن خىزمەت گۇرۇپپىسدىكى كادىرلار يېزا، كەنت كادىرلىرى
بىلەن خاتىرە سۈرەتكە چۈشتى | 
يوللىغان ۋاقتى 2013-3-11 21:06:34
