بىر دام - دام بەرسەم
مەخمۇت سەلەي(مەيپۇرۇچ)
پىغانلىرىڭ بېسىقمىغاي بىر ئىمكان بەرسەم، شۇمۇ ساڭا ئازلىق قىلغاي، بەلكىم جان بەرسەم، ئۆمرۈم بويى كېچە - كۈندۈز ھەم ئاسمان بەرسەم، ساغلام بولساڭ تومۇرۇڭدىن قىزىل قان بەرسەم، ئوغرى كىرمەس ئۈچۈن ئۆيگە پاسىبان بەرسەم.
نېمە قىلسام شۇنى ساڭا بىلىندۈرمىسەم،
سېنى ياتلار قارمىقىغا ئېلىندۇرمىسام، مۇھتاجلىقتىن باشقىلارغا يىلىندۇرمىسام، سەن كەيگەننى باشقا يارغا كىيىندۈرمىسەم، چارۋا باقسام توخۇلارغا خەشەك دان بەرسەم.
سەھەردە سەن ئۇخلاپ ياتساڭ ئۆزۈم ئويغىنىپ،
تال چىۋىقتەك ئەۋرىشىم بوپ يۈرسەم تولغىنىپ، ئەمگەك قىلسام ئېتىزلىقتا تەرگە چۆمۈلۈپ، سۇ - سەل تۇتۇپ لاتقىلارغا كەتسەم بۇلغۇنۇپ، سەن ئويغانساڭ ئاش، چاي ئىتىپ يەنە نان بەرسەم.
باشقا ئەرلەر مەندەك قىلسا سېنىڭ قەدرىڭنى،
باشقا ئەرلەر مەندەك تارتسا سېنىڭ دەردىڭنى، سۈكۈت قىلىپ ئاڭلىسا ھەم تەنقىد - زەردىڭنى، سۇ - سەل سېپىپ ئاسرىسا ھەم ياپراق بەرگىڭنى، مۇسابىقە ئۇيۇشتۇرساڭ ئىمتىھان بەرسەم.
قىلمىشىمدىن رازى بولساڭ ماڭا قول قويۇپ،
سەۋدايىلىق مىجەزىمگە يۈرسەڭ يول قويۇپ، باي بولىمىز بانكىلارغا جىق - جىق پۇل قويۇپ، يارىشامدۇ بويتاق يۈرسەم سېنى تۇل قويۇپ، توي قىلامدۇق؟ - تويلۇقۇڭغا بىر دام - دام بەرسەم.
مەنبە: ئۆز ئىجادىيىتىم
| 
يوللىغان ۋاقتى 2013-3-7 12:04:58
سەھەردە سەن ئۇخلاپ ياتساڭ ئۆزۈم ئويغىنىپ،