ئادەمنى ئەڭ بىزار قىلىدىغان قاتناش قائىدىسىگە خىلاپ قىلمىشلار

nesimi

    مەيلى ئاپتوموبىل ھەيدىگەندە بولسۇن، ياكى ئاپتوموبىلدا ئولتۇرغاندا بولسۇن، ياكى يول يۈرگەندە بولسۇن، ھەر خىل قاتناش قائىدىسىگە خىلاپ قىلمىشلارنى ئۇچرىتىپ تۇرىمىز، بەزىدە شوپۇرلار ياكى كوچىدا كېتىۋاتقان ئادەملەر ھەتتا بىر - بىرىنى سەت گەپلەر بىلەپ تىللىشىپ كېتىدىغان ئەھۋاللارمۇ مەۋجۇت، مېنىڭچە ئەدەبلىك يول يۈرۈش ھەممىدىن مۇھىم، بۇنىڭدا ھەممەيلەننىڭ ئورتاق تىرىشچانلىق كۆرسىتىشىگە توغرا كېلىدۇ.
    ئەمدى تۆۋەندە ھەممەيلەن ئادەمنى ئەڭ بىزار قىلىدىغان قاتناش قائىدىسىگە خىلاپ قىلمىشلار توغرىسىدا بىر مۇنازىرە ئېلىپ بارساق قانداق دەيسىلەر؟
    مەن باشلاي ئەمىسە، مېنى ئەڭ بىزار قىلىدىغىنى تۇيۇقسىزلا ئاپتوموبىلىنى قىستاپ كىرىش، بۇ خۇددىي بېلەت ئېلىشتا رەت تەرتىپىنى ساقلىماي قىسىلىۋالغانغا ئوخشاش ناھايىتى ئەدەبسىز قىلىق دەپ ئويلايمەن. قېنى ھەممەيلەن پىكىر قاتناشتۇرۇپ باقايلى!

بۇغداي

قىزىل چىراق ئۆچۈپ يېشىل چىراق يانغاندا،ماشىنىنى قوزغۇتۇپ ماڭغۇچە،  ئارقىدىكى شوپۇرنىڭ توختىماي سېگىنال بىرىۋىرىشى مېنى بەكلا بىزار قىلىدۇ.

جۇلالە

مەن ئەجەب ئەسكە ئالالمىدىما.........چۈشتە دادامدىن سوراپ ئاندىن دەي_ھە

ئىپار

ماشىنىلارنىڭ قايرىلىش چىرىقىنى ياندۇرمايلا ئوڭ سولغا قايرىلىپ مېڭىشى مىنى بەكلا بىزار قىلىدۇ، شۇنداق ئەھۋاللارغا يۇلۇقۇپ قالسام ئىچىمدە نەچچىنى تىللىۋىتىمەن، ئالدىڭىزدا بىر ئوبدان مېڭىۋېتىپ بەلگە بەرمەيلا تۇساتتىن ئوڭغا ياكى سولغا قايرىلىدۇ، سىز تۇرمۇز تۇتۇشقا ئۆلگۈرەلمەي تاس قالىسىز ئۈسسۈپ سالغىلى....لېكىن بۇ قېتىمقى يېڭىدىن تەڭشەلگەن قاتناش قائىدىسىدە بۇنى يەنە تەكىتلىمەپتۇ، مىنىڭچە مۇشۇنداق تەربىيلەشكە قاتناشمايلا كىنىشكە ئالغان شوپۇرلاردىن جىق نۇمۇر تارتىپ تازا بىر ئەدىبىنى بەرسە بۇلاتتى....

بۇغداي

بەزى تاكسى شوپۇرلىرى بىرەر خىرىدارنىڭ ماشىنىسىنى توسقىنىنى كۆرۈپ قالسا كەينىدىكى بىلەن كارى يوق غاچچىدە چەتكە توختۇتۇپ( بەزىدە كىتىۋاتقان جايىدىلا توختايدۇ) شۇنىڭ بىلەن كەينىدىكسى سوقۇلۇپ بىر مەيدان جىدەلگە سەۋەپ بولىدۇ. مەنمۇ  شۇنداق ئالدۇراڭغۇ  تاكسىغا بىر قېتىم ئۈسسىگەن.

sarwi

مەنغۇ ماشىنا ھەيدەشنى بىلمەيمەن ، بىراق بەزى شوپۇرلارنىڭ  كېچىدە  ماشىنا ھەيدىگەندە ، ئۇدۇلدىن ماشىنا كېلىۋاتسا چوڭ چىراقنى ئۆچۈرمەيدىغانلىقى ، يەنە قاراملىق بىلەن ئالدىدىكى ماشىنىنى يانداپ ئۆتىدىغانلىقى، ئادەم كۆپ  ئۆتىشىدىغان كوچىلاردا ماشىنىنى تېز سۈرئەتتە ھەيدەيدىغانلىقىدىن بىزارمەن ، چۈنكى بىز دائىم بۇنداق ئەھۋاللارغا يولۇقۇپ تۇرىمىز .
بىر قېتىم كەچتە  يولغا چىقىپ قالدۇق   ، تاغ  يولى ھەم تار ھەم   ئەگىر - توقاي بولغاچقا ،  ماشىنىنى تېز ھەيدەشكە بولمايتتى ، كىم بىلسۇن ؟ بىر ماشىنا قاتناش قائىيدىسىگە خىلاپ ھالدا ، ئالدىمىزدىن تۇيۇقسىزلا ناھايىتى تېز سۈرئەتتە چىقىپ كەلدى ، يولدىشىم چاقماقتەك تېزلىكتە ماشىنىنىڭ رولىنى  ئوڭ تەرەپكە بۇرىدى ، ئەگەر ئۇدۇل ماڭساق ، ئۇ ماشىنىغا سوقۇلىشىمىز تۇرغانلا گەپ ئىدى . جالاق - جۇلۇق ، تاراق - تۇرۇق قىلغان ئاۋازلار بىلەن تەڭ ، بىز ئولتۇرغان ماشىنا ، يولنىڭ بويىدىكى ئازگالغىلا چۈشۈپ كەتتى ، خۇداغا شۈكرى !چۈشۈپ قارىساق ئازگال بەكمۇ چوڭقۇر ئەمەس ئىكەن . شۇنداق قورقۇپ كەتتىم ،لېكىن  بىخەتەرلىك تاسمىسىنى باغلىۋالغان بولغاچقا ئازراقمۇ زەخمىلەنمىدۇق . دىمەك بەزى شوپۇرلار تاغ يوللىرىدىمۇ ماشىنىنى قۇيۇندەك ھەيدەيدۇ ، مۇشۇنداق ناچار ئادەتلەرمۇ كىشىنى بىزار قىلىدۇ .

(نۇر)

يۇقۇرىدا يولداشلار ياخشى مۇلايىزىلەرنى ئوتۇرغا قويۇپتۇ،مىنىڭچە شەھەر ئىچىدە تېز سۈرەتتە يول يۈرۈش ئەڭ ئەدەپسىزلىكمىكىن دەپ قارايمەن.

almas123

توكسىكىلىت مىنگەنلەرنىڭ قاتناش قائىدىسىگە قىلچىمۇ رېئايەقىلماسلىقى، بولۇپمۇ قىزىل چىراغ بىلەن كارى بولماسلىقى مېنى بەك بىزار قىلىدۇ. بۇلارنىڭ كۆپىنچىسى قىز- ئاياللار،تېخى.

未来和田

ئادەمنى ئەڭ بىزار قىلىدىغىنى، شەھەرلەردىكى ئادەم تۇشۇپ، بېيىشنى ئويلاۋاتقان 3چاقىسى بار كىرا موتولىرىنىڭ پۈتۈن يوللارنى ئىگەللەپ، ئىگىسى يوق شەھەردەك، قانۇنلۇق يول يۈرىۋاتقان باشقا قاتناش ۋاستىلىرىغا يول بەرمەيۋاتقانلىغى، ئۇششاق تىجارەتچىلەرنىڭمۇ شەھەر يوللىرىنى قالايمىقان ئىگەللەپ، تىجارەت قىلىش قىلمىشى، مۇھىم نۇقتىلار مەسىلەن: مەكتەپ ئالدىلىرى، ئوتۈشمە يوللار، دائىم سودا-سېتىق بولىدىغان بازار ئالدىدىكى دوقمۇشلاردا، پىيادىلىكلەر كۆۋرىگىنىڭ بولماسلىغى.

ئۇيغارى

شەھەر ئىچىدە كېتىۋاتقان بەزى ماشىنىلارنىڭ كوچا دوقمۇشىغا يېقىنلىشىپ قالغاندا
ئۇشتۇمتۇت ۋېلىسىپىت يولىغا كىرىۋېلىپ باشقا ماشىنىلارنى يانداپ ئالدىغا ئۆتىۋېلىشى
مىنى بەك بىزار قىلىدۇ . كوچا دوقمۇشىدىكى پىيادىلارنىڭ توغرا كېسىپ ئۆتىدىغان جايىدا
ۋە پىيادىلەر يولىدا ماشىنىلارنى قالايمىقان توختىتىش ئەھۋالىمۇ مىنى بەك بىزار قىلىدۇ .