گېزىتچىلىكىنى قاچانغىچە داۋاملاشتۇرىمىز؟

rahatmakan

    گېزىت ئۆز نۆۋىتىدە دۇنيا مىقياسىدا ئىنسانىيەت جەمىئىيتىگە ناھايىتى زور تۆھپىلەرنى قوشۇپ كەلدى.گەرچە تۇنجى گېزىت مەيدانغا كېلىپ ھازىرغىچە نۇرغۇن ئىسىسق - سوغۇقنى باشتىن ئۆتكۈزۈپ، 80-يىللاردىن كېيىن رادىيو-تېلېۋىزورلارنىڭ كەسكىن رىقابىتىگە دۇچ كەلگەن بولسىمۇ تا بۈگۈنكىچە تارقىتىلىپ كېلىۋاتىدۇ، بىراق گېزىتلەرنى ھۆكۈمەت قوللاپ بەرمىسە ئۆز -ئۆزىنى ئىقتىسادىي جەھەتتىن قامداپ نورمال ماڭالماسلىقى مۇمكىن. چۈنكى بۈگۈنكى دەۋر ئۆتمۈشكە، تەرەققى قىلمىغان ۋاقىتلارغا ئوخشىمايدۇ، بۈگۈنكى دەۋر جاھاننىڭ ئۇ تەرىپىدىكى ئىش بولسىمۇ ھازىرلا خەۋەر تاپالايدىغان، شەرت شارائىت ھازىرلانغان ئىنتېرنىت ئۇچۇر دەۋرى. شۇڭا بۇ دەۋردە قەغەز گېزىتچىلىكى زامانغا ماسلىشالمايدىغان بولۇپ قالدى، سەۋەب گېزىتنى بېسىپ پوچتا ئارقىلىق يولغا سېلىپ گېزىت قوبۇل قىلغۇچىغا تەگكۈچە مۇئەييەن ۋاقىت كېتىدۇ، قەغەزگە نۇرغۇن پۇل سەرپ قىلىدۇ، پوچتىغا پۇل سەرپ قىلىدۇ، بېسىشقا پۇل كېتىدۇ، تەننەرخىمۇ ئاشىدۇ، ۋاقىتمۇ ئىسراپ بولىدۇ. مەن يېقىندا مەلۇم ھۆكۈمەت ئورگىنىغا ئىش بېجىرگىلى بېرىپ نۇرغۇن گېزىتلەرنىڭ دۆۋىلىشىپ تۇرغانلىقىنى پوچتىدىن كەلگەن پېتى ئورامدىن يېشىلىپ باقمىغانلىقىنى كۆردۈم. گېزىتلەرنى توپا بىسىپ كەتكەن ئىدى .بۇ شۇ يەردىكى كىشلەرنىڭ خەۋەرگە قىزىقماس بولۇپ قالغانلىقىدىن ئەمەس بەلكى ھەممە ئىشخاندا تور بولغانلىقى سەۋەپلىك .مېنىڭچە قەغەز گېزىتچىلىكىگە خوش دەيدىغان ۋاقىت بوپ قالدىغۇ دەيمەن، چۈنكى تورغا چىقالايدىغان ئەقلىفۇن  ئىشلەتكۈچىلەرنىڭ سانى ئومۇمىي تېلېفون ئىشلەتكۈچىلەرنىڭ نىسپىتى ئىچىدە بۇ يىل 50%دىن ئاشىتى. دېمەك ئەمدى گېزىتنى يانفوندىن كۆرىدىغان ۋاقىت كەلدى .شىنجاڭ گېزىتى،شىنجاڭ قانۇنچىلىق گېزىتى ھەرقايسى ۋىلايەت گېزىتلىرىنى يانفونىمىزدا كۆرسەك تېخمۇ ياخشى ئەمەسمۇ؟ بۇنىڭدا گېزىتمۇ دەۋر بىلەن ماس قەدەمدە تەرەققىي قىلىدۇ، خەلىقنىڭ مەنىۋىي ئېھتىياجىمۇ تېخمۇ يۇقىرى دەرىجىدە قانىدۇ، شۇڭا تورداشلارنىڭ بۇ ھەقتىكى كۆز-قاراشلىرىنى ئوتتۇرىغا قويۇپ بېقىشىنى ئۈمىد قىلىمەن.

قۇتيار

قىلىدىغانغا ئىشىڭىز يوقمۇ سىزنىڭ؟ توۋا.....

qaptikax

بىزدك ئىختىيارىي مۇخبىرلار نىمىش قىلىمىز ئۇ چاغدا

قۇتيار يوللىغان ۋاقتى  2013-3-25 16:57
قىلىدىغانغا ئىشىڭىز يوقمۇ سىزنىڭ؟ توۋا.....

بۇ نىمە دىگىنىڭىز ؟؟؟   راس گەپنى قىپتىغۇ  

sarbax

يەنىلا گېىزت نۇسخسقنق كۆرەيلى

xipayi

گېزىتچىلىكنىڭ داۋاملىشىشى ئۈچۈن خەلقنىڭ كۆڭۈل تۆرىدىن ئۇرۇن ئىلىشى خەلق ئاممىسىغا تىخىمۇ يىقىن بولىشى خەلق ئويلىغاننى ئويلىشى ئەدەبى ئەسەرلەرگە كۆپراق ئورۇن بىرىشى كىرەك ،شۇنداق قىلغاندا تىخىمۇ جاللىنىپ ئۇزۇن مۇددەت داۋاملىشالايدۇ.

ئۇيغارى

گېزىت دەۋىرگە ماسلىشىشى، ھەقىقى خەۋەرلەرنى تېز يەتكۈزۈشكە تىرىشىشى،
ئاۋامنىڭ ساداسىنى ئىنكاس قىلىشى، ئۆزىنىڭ باشقا ئاخبارات ۋاستىلىرىغا
ئوخشىمايدىغان ئالاھىدىلىكىنى جارى قىلدۇرۇشقا ئەھمىيەت بېرىشى كېرەك.
شۇنداق قىلغاندىلا رىقابەتتە پۇت تىرەپ تۇرالايدۇ.

328583842

تىما ئىگىسى سىزنڭچە ھەممە ئادەم تورغا چىقالايدىغان ئەقلىفۇن  ئىشلىتەلەمۇ؟ ياشانغانلار قانداق قىلىدۇ؟ سىز بۇرنىڭىزنىڭ ئۈچىىنىلا كۆردىغان ئوخشايسىز.

سەدەف

Rahetmakan tordash!

ئۇيغۇرلاردا  گېزىت كۆرۈشمۇ ئومۇملاشمىدى. كومپيۇتېر  %100 ئومۇملاشمىدى.بۇنىڭغا خېلى جەريان كېتىدۇ.
گېزىتلەر ھەقسىز تارقىتىلىدىغان دەۋرنى باشتىن كەچۈرمىدۇق-تېخى .غەرپ ئەللىرىدىمۇ گېزىت قارشى ئېلىنىدىغان تەشۋىقات قورالىلىق سالاھىيىتىدىن قالغىنى يوق.

سەدەف

گېزىتچىلىك غەرپ ئەللىرىدىمۇ مودىدىن قالمىدى. بىز ئالدىرىمايلى.