خېجىڭ ناھىيەلىك 3-باشلانغۇچ مەكتەپتە «نورۇز» بايرىمىنى تەبرىكلەپ، «مىللەتلەر ئىتتىپاقلىقى تەرەققىياتىنى» ئىلگىرى سۈرۈش پائالىيىتى ئېلىپ بېرىلدى 
ئىختىيارى مۇخبىرىمىز ۋەلىجان جاپپار فوتوسى، خەۋىرى 2016-يىلى 3-ئاينىڭ 18-كۈنى مەرىپەت بۆشۈكى بولغان خېجىڭ ناھىيەلىك 3-باشلانغۇچ مەكتەپتە «نورۇز» بايرىمىنى تەبرىكلەپ، «مىللەتلەر ئىتتىپاقلىقى تەرەققىياتىنى» ئىلگىرى سۈرۈش پائالىيىتى تەنتەنىلىك ئۆتكۈزۈلدى. بۇ بايرامغا پۈتۈن مەكتەپتىكى ئوقۇتقۇچى-ئوقۇغۇچىلار پېنسىيىگە چىققان ئوقۇتقۇچىلار، ئاتا-ئانىلار قاتنىشىپ، ئۆزلىرى تەييارلىغان نورۇزلۇق ئەدەبىي-سەنئەت پائالىيەتلىرى شۇنىڭدەك تەنتەربىيە تۈرلىرىدىن چېلىشىش ، ئارغامچا سەكرەش ، قىسقا ئارىلىققا توپنى كۆتۈرۈپ يۈگۈرۈش، ئارغامچا تارتىشىش قاتارلىق پائالىيەتلەر ئوقۇغۇچلارنى نورۇز شاتلىقىغا چۆمدۈردى. مەكتىۋىمىزدىكى 1600دىن ئارتۇق ئوقۇغۇچى، 150 تىن ئارتۇق ئىشچى- خىزمەتچىلەر نورۇز ئېشىدىن ئېغىز تەگدى. پۈتۈن مەكتەپ بايرام شاتلىقىغا چۆمدى. بۇ بايرام ئوقۇغۇچىلارغا مەنىۋى ئوزۇق ئاتا قىلدى. شۇنىڭ بىلەن بىرگە ئەجدادلىرىمىز ئەلمىساقتىن تارتىپ داۋاملاشتۇرۇپ كېلىۋاتقان بۇ قۇتلۇق بايرامنى ئازراق بولسىمۇ تونۇپ يەتتى. مەكتەپ مۇدىرى سەمەتجان سامساق بىلەن مەكتەپ سېكىرتارى لى چىڭ بو «نورۇز » بايرىمىغا بېغىشلىما ئوقۇپ بەردى.
| 
يوللىغان ۋاقتى 2016-3-21 09:58:43
