تۇمانلىق يول
ئاپتورى:تۇرسۇن ھۈسەيىن بۇژغۇن
قۇياش كۈلدى،
قۇياش چىققىلى خىلى چاغ بولدى،
ئۆيدىن چىقىپ،
بوسۇغا ئاتلاپ،
ھەر ياقلارغا كېتىۋاتىمىز.
ئالدىمىزدا نېمە بار،
كۆرەلمەيۋاتىمىز....! كۈن-چاي ۋاقتىدىن ئاشقان،
ئالەم كۈندۈز لىباسى بىلەن ئىدى،
ئىشقا ئالدىراپ مېڭىۋاتىمىز،
ئەمما،
يولنى كۆرەلمەيۋاتىمىز.
ھەممە ياقنى تۇمان پەردىسى،
توسۇۋالغان ، قويۇق بەك قويۇق.
ئادەملەرغۇ پىيادە،
ماشىنىلار-چۈمۈلىدەك ئۆمۈلەپ،
كۆزلىرىنى پارقىرىتىپ،
يۇمانلىق يولدا،
مەنزىلىگە كېتىۋاتىدۇ...
بىزمۇ ،
ئەشۇ ماشىنىلارنى،
پات-پات يانداپ كېتىپ بارىمىز. تۇمانلىق يوللار،
يول قىرىدا سومكا كۆتۈرگەن كىچىك بوغۇنلار،
تىترىشىدۇ، قورقۇپ ماڭالماي...!
لاغىلداپ پۇتلار،
تىترىشىپ قوللار...! تۇمانلىق يوللار،
يالمار-بوغۇنلار....!
2016-يىلى 2-ئاينىڭ 24-كۈنى ئۈرۈمچى
| 
يوللىغان ۋاقتى 2016-3-19 15:14:36