فونتان :نورۇز كەلدى

فونتان

نورۇز كەلدى

ئابلىز ئوبۇل فونتان

بۇت-بۇت چالدى بالىلار نورۇز كەلدى،   

گۈلگە تولدى دالىلارنورۇز كەلدى.

بۇلبۇل سايراپ باغلاردا خەندان ئۇرۇپ،   

زەپ خۇشپۇراق لالىلار نورۇز كەلدى.      

قابىل دېھقاننىڭ ئوغلى كەتمەن چاپتى ،  

ساپان سۆرەپ كالىلار نورۇز كەلدى  .   

قان -قېنىغا پاتماستىن قىز چاچ سېلىپ،

سۆيۈندى دىل خانىلار نورۇز كەلدى.

ئات ئۈستىدە ئوغلاقنى تارتىپ يىگىت،

ماھاز بولغان دادىلار نورۇز كەلدى.  

ئۇسسۇل ئويناپ شاد-خۇرام نەزمە بىلەن،

ھەر بىر دىلدا يادلىنار نورۇز كەلدى .