ھىندىستان 24 يۈەنلىك ئەقلىي ئىقتىدارلىق يانفون ئىشلەپچىقاردى
جۇڭگو ئاخبارات تورى 28-فېۋرال تېلېگراممىسى: چەت ئەل تاراتقۇلىرىنىڭ خەۋەر قىلىشىچە، ھىندىستاندىكى بىر شىركەت دۇنيا بويىچە ئەڭ ئەرزان ئەقلىي ئىقتىدارلىق يانفوننى ئىشلەپچىقارغان، ئۇنىڭ يەككە باھاسى تۆت ئامېرىكا دوللىرىغىمۇ يەتمەيدىغان بولۇپ، ئادەتتىكى مېترو تېز تامىقىدىنمۇ ئەرزان ئىكەن.
ئىگىلىنىشىچە، بۇ يانفوننىڭ ھىندىستاندىكى باھاسى 251 رۇپىيە بولۇپ، تەخمىنەن 24 يۈەن خەلق پۇلىغا باراۋەر كېلىدىكەن، شۇنداقلا نۆۋەتتە ھىندىستاندىكى ئەڭ ئەرزان يانفون ھېسابلىنىدىكەن.
يانفوننىڭ ئىسمى «ئەركىنلىك 251» بولۇپ، Android 5.1 سىستېمىسى ئورنىتىلغان، تۆت ديۇيملۇق ئېكران ۋە 1.3G بىر تەرەپ قىلغۇچ، ئالدىغا بىر، كەينىگە بىر 300 مىڭ ۋە 3 مىليون 200 مىڭ پىكسېللىق ئىككى كامېرا لىنزىسى سەپلەنگەن.
شىركەتنىڭ ئېيتىشىچە، بۇ يانفون ھىندىستان زۇڭلىسى مودىنىڭ زور كۈچ بىلەن قوللىشى ئاستىدا تەتقىق قىلىپ ياسالغان ئىكەن. چۈنكى مودى «تەخت»كە چىققاندىن كېيىن «ھىندىستاندا ياسالغان» مەھسۇلاتلارنى ئىشلەپچىقىرىشقا ئالاھىدە كۆڭۈل بۆلگەن ۋە يۇقىرى سەۋىيەدىكى مەھسۇلاتلارنىڭ كۆپلەپ مەيدانغا كېلىپ، خەلقئارا بازارغا كىرىشىنى ئۈمىد قىلغان. | 
يوللىغان ۋاقتى 2016-2-19 10:35:01
