شىنجاڭدا ئالاھىدە پۇتبول مەكتىپىدىن 900 ى قۇرۇلىدۇ
كەلگۈسى بەش يىلدا، ياش-ئۆسمۈرلەر پۇتبول ھەرىكىتى پۈتۈن شىنجاڭدا يەنىمۇ بىر قەدەم ئىلگىرلىگەن ھالدا ئومۇملاشتۇرۇلىدۇ. ئاپتونوم رايونلۇق مائارىپ نازارىتىنىڭ «13-بەش يىللىق پىلان» لايىھەسىدە كۆرسىتىلىشىچە، 2020-يىلىغىچە شىنجاڭدا ئالاھىدە پۇتبول مەكتىپىدىن 900 ى قۇرۇلۇپ، تېخىمۇ كۆپ بالىلارنىڭ پۇتبول ئارزۇسى رېئاللىققا ئايلىنىدىكەن.
يېقىنقى يىللاردىن بۇيان، ئاپتونوم رايونىمىز ئۈزلۈكسىز ياش-ئۆسمۈرلەر مەكتەپ پۇتبولچىلىقىنى تەرەققىي قىلدۇرۇپ، ئاپتونوم رايون، ھەرقايسى ۋىلايەت-ئوبلاست، شەھەر يىلىغا مەخسۇس تۈر خىراجىتى ئاجرىتىپ، ياش-ئۆسمۈرلەر مەكتەپ پۇتبولچىلىقىنى ئومۇملاشتۇرۇش قۇرۇلۇشىغا ئىشلەتكەن. ئىگىلىنىشىچە، 2010-يىلى ياش-ئۆسمۈرلەر مەكتەپ پۇتبولچىلىقى قۇرۇلۇشى ئەمەلىيلەشكەندىن بۇيان، ئوتتۇرا-باشلانغۇچ مەكتەپ ئوقۇغۇچىلىرىدىن مەكتەپ پۇتبول كوماندىسىغا قاتناشقان ئادەم سانى 10 مىڭدىن ئېشىپ ھازىرقى 300 مىڭغا كۆپەيگەن. پۈتۈن ئاپتونوم رايون تەۋەلىكىدىكى ئوتتۇرا-باشلانغۇچ مەكتەپ پۇتبول كوماندىسى ئىلگىرىكى 200 دىن 1000 غا كۆپەيگەن. | 
يوللىغان ۋاقتى 2016-2-19 10:33:26
