پۇلۇم بار
(ساتېرا)
ئالىمجان ياسىن ئارمانى
بايۋەتچىمەن بانكىدا دەپ كەتكۈدەك پۇلۇم بار، نەچچە ئۆمۈر ياشىسام ھەم يەتكۈدەك پۇلۇم بار.
قېنى قايسىڭ مەن بىلەن چۈشەلەيسەن دوئىلغا، ئۆلۈپ كەتسەم قەۋرەمنى قاتۇرغىدەك پۇلۇم بار.
ياشايدىكەن بەزىلەر بۇزۇپ-چېچىپ پۇلىنى، مەن تېپىشنىڭ كويىدا يەپ كەتكۈدەك پۇلۇم بار.
ئېسقىرتسام كېلىدۇ نەچچە ئازغۇن نازىنىن، كۆرپە قىلىپ ئاستىغا ھەم سالغۇدەك پۇلۇم بار
.
يولىمايدۇ يامانمۇ ھەم چىقىشىپ مەن بىلەن، ئەدىبىنى شۇ ھامان ھەم بەرگۈدەك پۇلۇم بار.
دۇنيادىكى ئالتۇننىڭ بارچە كانى مېنىڭدە، قاتۇرساممۇ خانەمنى ھەم يەتكۈدەك پۇلۇم بار.
«پۇلى بارنىڭ گېپى چوڭ»،خوش دېيىشەر ھەممىسى، چاچسام يەرنىڭ يۈزىنى كۆمىۋەتكۈدەك پۇلۇم بار.
قادىر ئەمەس پۇل دىگەن ھەممە ئىشقا دىيىشمە، ئاچكۆزلەرنىڭ نەپسىنى ئېتىۋەتكۈدەك پۇلۇم بار.
بىر پۇڭنىمۇ شۇڭلاشقا باشقىلارغا بەرمەيمەن، ۋاقتى كەلسە جان بىلەن ئېپكەتكۈدەك پۇلۇم بار.
نىمە دىسە دەۋەرسۇن،ھېچكىم بىلەن كارىم يوق، پەقەت ماڭا بىر ئۆمۈر يار بولغۇدەك پۇلۇم بار. | 
نامسىز يوللىغان ۋاقتى 2016-2-28 14:32:05
