كۈتۈش

eznar

ئىزنار  مۇختەرجان  مۇھەممەت

ئۇچماقتا شاماللار يۈزۈمنى سۆيۈپ،

مەجنۇن تال لەرزان ئۇسسۇلغا چۈشكەندە.

ساپ ھاۋا يۈرەگنى لەرزىگە سالدى،

تۇنجى رەت مەن سىنى غۇۋا كۆرگەندە.

بىلمىدىم كۆيدىمۇ يۈرۈگۈم ساڭا،

تەلمۈرۈپ قالدىم شۇ كوچىغا بىر رەت.

ئىزلەيدۇ كۆزلىرىم غۇبارسىز سىنى،

تونۇردەك ئىسسىقتا چۈشسە قار لەپ–لەپ.

كۆزۈمنى توسۇشقا ئامالسىزدۇرمەن،

چۈنكى مەن مۇھەببەت يولىدا بەندە.

قۇل ئەمەس لېكىن قۇل كەبى كۈتىمەن،

مەندىكى شۇ سۆيگۈ يەنىلا  سەندە.

2015-يىلى 15– مارت.

لەنجۇ.

دەۋرانى

ياخشى يىزىپسىز تەشەككۇر . ئوزىڭىز لەنجۇدىما ؟

فونتان

ياخشى يېزىپسىز شېئرنى قارىغاندا ئوقۇغۇچىدەك قىلىسىز   ياخشى ئوقۇپ نادىر ئەسەرنى كۆپرەك يازغايسىز ئالى مەكتەپ ئوقۇش يېزىشقا تازاماس كىلىدۇ؟؟؟؟؟؟

سەرتۇغ1

ياخشى يېزىلغان ئەسەرلىرىڭىز ئۈزۈلۈپ قالمىسۇن،ھارمىغايسىز.

eznar

تورداشلارنىڭ كەمچىلكىمنى ئەستاھىدىل كۆرسىتىپ بىرشىنى ئۈمۈد قىلمەن.
ھەئە - مەن لەنجۇدا ئوقۇۋاتىمەن.

eznar

داۋامىلق كەمچىلكىمنى كۆرسىتىپ بەرگەسىلەر..

kadirdin

كۇتكەن يېرىڭ خىلۋەتتە بولسا،
ھېچكىم كۇرمەس يىغلىغىنىڭنى.
يىغلىماقچى بولساڭ سەھنىدە،
بۇلۇتلاردىن تىلە يامغۇرنى.

كۇتكەن يېرىڭ بولسا باغچىدا،
جۇپلەر ساڭا بىرىدۇ ئىلھام.
يۇلتۇز بۇلۇپ قۇنۇپ ئاسمانغا،
سەن شۇ كېچە ئالمايسەن ئارام.

كۇتكەن يېرىڭ بولسا چوللەردە.
تەشنا بۇلۇپ ئوتكىن سۇيۇگە.
توغراقلاردەك قۇرۇپ كەتسەڭمۇ،
چوغ بۇلۇسەن بەلكىم گۇلۇڭگە...

eznar

رەخمەت.