جۇڭگو مەركىزى بانكىسى 2 - پەسىلدە يەنە بىر قېتىم ئۆسۈم نىسبىتىنى تۆۋەنلىتىشى مۇمكىن
مورگان شىدەنلى (MS) باشلىقى جۇڭگو ئىقتىسادشۇناسىنىڭ 3 - ئاينىڭ 12 - كۈندىكى دوكلاتىدا كۆرسىتىلىشىچە، جۇڭگو M2 نىڭ ئېشىش ئەھۋالى بازار مۆلچەردىكى بىلەن ئوخشاش بولۇپ، ئاساسلىق سەۋەبى مەركىزى بانكا كەڭ پۇل سىياسەت تەدبىرىنى قوللانغاندىن كېيىن، يېڭىدىن كۆپەيتكەن قەرز بېرىش ئەھۋالى مۆلچەردىكىدىن ياخشى بولغان. لېكىن، مەبلەغ سېلىش بانكىسىنىڭ قارىشىچە جۇڭگو يەنە تېخىمۇ كۆپ كەڭ پۇل سىياسەت تەبىرىنى قوللىنىشى كېرەك.
مورگان شىدەنلىنىڭ كۆرسەتمە بېرىشىچە، 2015 - يىلى 2 - ئايدا جۇڭگو بانكىسى ئارىسىدىكى ئۆسۈم نىسبىتى ئۆرلىگەن بولۇپ، ئەمەلىي ئىقتىساد ئىچىدىكى مەبلەغ يۈرۈشتۈرۈش تەننەرخى يۇقىرى ئۆرلەش بېسىمى پەيدا قىلىشى مۇمكىن.
بۇ بانكا يەنە تەكىتلەپ، ئەگەر تاشقى پېرېۋوتنىڭ ئېقىپ كىرىشى يەنىلا ئاجىز بولسا، جۇڭگو خەلق مەركىزى بانكىسى (PBOC) بۇ يىل 2 - پەسىلدە يەنە بىر قېتىم ئۆسۈم نىسبىتىنى تۆۋەنلىتىشى، ھەم تېخىمۇ كۆپ ئامانەت پۇل تەييارلىق فوندى نىسبىتىنى تۆۋەنلىتىشى مۇمكىن.
ئامېرىكىنىڭ ADP سانلىق مەلۇماتىنىڭ ئالتۇنغا مەبلەغ سالغۇچىلارغا نىسبەتەن قانداق تەسىرى بار ؟
ئادەتتىكى قىلىپ ئېيتقاندا ، ئەگەر ئىشقا ئورۇنلىشىش ئادەم سانى يۇقىرى بولسا ، ئىقتىساد تەرەققىياتى ياخشىلىنىدۇ ، ھەم دوللار كۆرسەتكۈچىگە نىسبەتەن پايدىلىق ئۇچۇر ؛ ئەكسىچە ، ئىشقا ئورۇنلىشىش ئادەم سانى تۆۋەن بولسا ، پايدىسىز ئامىل بولدۇ . لېكىن ئىككىسىنىڭ ئارىسىدا قىسقا ۋاقىت ئىچىدە ئالاھىدە باغلىنىش يوق ، چۈنكى ئىشقا ئورۇنلىشىش ئادەم سانى پەقەت ماكرو ئىقتىساد ئەھۋالى بىلەنلا مۇناسىۋەتلىك. باشقا ساھە جەھەتتە ، مەسلەن يۇقىرى پەن-تېخنىكا كەسپىنىڭ تېز تەرەققى قىلىشى ئەمگەك كۈچىنىڭ ئېھتىياجىنى ئازايتىۋىتىشى مۇمكىن، لېكىن يەر شارى ئىقتىساد ئېشىشىنىڭ جانلىنىشى يۇقىرى كۆتۈرۈلۈشى مۇمكىن.
1. غەيرى يېزا ئىگلىك ئىشقا ئورۇنلىشىش ئادەم سانى
غەيرى يېزا ئىگلىك ئىشقا ئورۇنلىشىش قىممىتى كېمىيىپ كەتسە ، ئىقتىساد كاساتلىشىشقا قەدەم قويىدۇ ،كارخانىلارنىڭ ئىشلەپچىقىرىشى كېمىيىپ كېتىدۇ. دوللارغا پايدىسىز ، ئالتۇنغا پايدىلىق بولىدىغانلىقىنى بىلدۈرىدۇ. غەيرى يېزا ئىگلىك ئىشقا ئورۇنلىشىش قىممىتى كۆپەيسە ، ئىقتىساد ھالىتى ياخشىلىنىدۇ. ئۆسۈم نىسبىتى يۇقىرى ئۆرلىشىگە پايدىلىق ، دوللارغا پايدىلىق ، ئالتۇنغا پايدىسىز بولىدىغانلىقىنى بىلدۈرىدۇ.
2. ئىشسىزلىق نىسبىتى
ئىشسىزلىق نىسبىتى تۆۋەنلىشى ، ئومۇمىي ئىقتىساد ھالىتى ياخشىلىنىپ تەرەققى قىلىشىغا ۋەكىللىك قىلىدۇ ، دوللارغا پايدىلىق ، ئالتۇنغا پايدىسىز بولدۇ.
ئىشسىزلىق نىسبىتى يۇقىرى ئۆرلىسە ، ئىقتىسادنىڭ تەرەققى قىلىشى ئاجىزلىشىپ زاۋاللىققا يۈزلىنىشىگە ۋەكىللىك قىلىدۇ. دوللارغا پايدىسىز ، ئالتۇنغا پايدىلىق بولدۇ .
سانلىق مەلۇمات ئېلان قىلىنغاندىن كېيىنكى مۇھىم نۇقتا بازارنىڭ ئىنكاسى ۋە مەبلەغ سالغۇچىلارنىڭ كەيپىيات ئۆزگىرىشى ، بازارنىڭ تەۋرىنىش ئەھۋالىغا ئاساسەن ، ئۆلۈك ھالدا قوبۇل قىلىشنى " قانۇنىيەت " دەپ ئاتاش مۇۋاپىق ئەمەس. ئەگەر سانلىق مەلۇمات ئېلان قىلىشنىڭ ئالدى كەينىدە ئېھتىياتچانلىق بىلەن مەشغۇلات قىلىپ ، كۆپ كۆرۈپ ئاز ھەركەت قىلسا ، چوقۇم زىياننىڭ ئالدىنى ئالغىلى بولدۇ. سانلىق مەلۇمات ئېلان قىلىنغاندىن كېيىنكى ياكى سانلىق مەلۇمات ئېلان قىلىشتىن ئىلگىرىكى ئەھۋالغا قاراپ ئالدىنئالا تۆۋەنلەتكەنلىكىنى بىلگىلى بولدۇ ، لېكىن بۇ بازارنىڭ كۈچلۈك بولغان ئىشەنچ ئىقتىدارىنىڭ ئېھتىياجى ، شۇنداقلا خەۋپ-خەتەرنى باشقۇرۇش ۋە كونترول قىلىشنىڭ ئېھتىياجى.
ئەسكەرتىش:
نۆۋەتتە 1 گىرام نەق ئالتۇننىڭ خەلق پۇلدىكى باھاسى 228.85 يۈەن ؛
1 گىرام نەق كۈمۈشنىڭ خەلق پۇلدىكى باھاسى 3.08 يۈەن ؛
1 ئۇنسىيە ئالتۇن 31.1035 گىرامغا تەڭ ؛
بۇ بىر ھەپتىلىك خەلق پۇلى پېرېۋوت نىسبىتى 6.1430 يۈەن ؛
( تېما يوللىغۇچى ئىلكان ئىقتىساد تورىدىن رابىگۈل ) ئەسلى مەنبە : ئىلكان ئىقتىساد تورى | 
يوللىغان ۋاقتى 2015-3-13 13:02:24
