«نورۇز» لۇق مۇشائىرەگە مەرھەمەت(ئېلى)

ئېلى

تەلەپ: مۇشۇ كۇپلىتنىڭ ئاخىردىكى مىسراسىنى ئۆزىڭىز يازغان شېئىرنىڭ بىرىنجى مىسراسى قىلىپ داۋاملاشتۇرۇڭ.

«نورۇز» مۇبارەك

قۇياشنىڭ چىھرىدىن تارار تەبەسسۇم،

دىللارغا زوق بىرەر كۆكلەم كۈيلىرى.

يۈرەكنى ئوينىتار، ئېقىنلاردىكى،

ھەر ياققا يول ئالغان ئەگىز سۇلىرى.

بۇژغۇن

سۇناي مەنمۇ -«نەۋرۇز»لۇق


ئاپتورى:تۇرسۇن ھۈسەيىن بۇژغۇن


باھار كېلىپ،يۇرتىمىزنىڭ باغرى ئىللىدى،
سوقۇشماققا تەييارلانغان خوراز چىللىدى.
بارچە قەۋم يېڭى يىلنى قۇتلاپ كۈيلىدى،
                   «نەۋرۇز»ئۈچۈن ھەممە تىنەش،كۈلۈپ يايرىدى.
«نەۋرۇز»كېلىپ قۇشلار بۇندا زوق-شوخ سايرىدى.

تالاي ئەسىر ئۆتۈپ بىزگە  بولدى تەۋەرۈك،
خاسىيەتلىك «نەۋرۇز»ئىشقى-خەلقىمگە بۈيۈك.
ئۆچ-ئاداۋەت يۇيۇلغاچقا قەلپلەر-سۈزۈك.
«زاراخەتمە» ئۇنىڭ ئۈچۈن تارتىلغان ئوزۇق.
شۇ ۋەجىدىن قۇشلارمۇ بۇندا زوق-شوخ سايرىدى.

«ئاققۇزا ئېيى»باشلىنىپ،كۈن بىلەن تۈن تەڭلەشكەن،
شۇبۇ كۈندە«نەۋرۇز»نى ئەل-يۇرت قېنىپ كۈيلەشكەن.
ساخاۋەتنى ئۇلۇغلاپ،بىخىللىقنى چەكلەشكەن...
ئوغلاق تارتىپ ئاتىلار،ئادىللىقتا بەسلەشكەن...
شۇ ۋەجىدىن قۇشلارمۇ بۇندا زوق-شوخ سايرىدى.


يېڭى يىلنىڭ شەنىگە ياڭرار«نەۋرۇز ناغرىسى»،
ئىشلىنىدۇ ھەرياقتا قىزغىن-«نەۋرۇز تازلىقى».
مۇدھىش سوغنى قوغلۇشۇپ،كۈلەر«نەۋرۇز نازلىقى»،
ئاجىزلارنى،چوڭلارنى يوقلاش-«نەۋرۇز ئادىتى»،
               شۇ خۇشاللىق كەيپىدە قۇشلار زوق-شوخ سايرىدى.

ئانىلارمۇ بوش كەلمەس «نەۋرۇز ئېشى» ئېتىشىپ،
بۇغداي،ئارپا،قوناق ھەم نوقۇت،تېرىق سېلىشىپ.
گۇرۇچ،ماش ھەم پۇرچاقمۇ پىشىپ چىقار سېڭىشىپ،
              نەۋرۇز ئەھلى مەزى قىپ ئۆتەر تەمىن تېتىشىپ...!
شۇ ۋەجىدىن قۇشلارمۇ بۇندا زوق-شوخ سايرىدى.

«نەۋرۇز سۈيى» تەييارلاپ ھارماس ئىشچان ئانىلار،
چىلان،شاپتۇل قېقى ھەم گۆش تەييارلار ئاتىلار.
بوش كەلمەيدۇ سامساق ۋە سىركە،جىگدە،چوققىلار،
ئۇندا مەمنۇن،شادىمان،قىز-ئوغۇل ھەم بالىلار،
شۇ ۋەجىدىن قۇشلارمۇ بۇندا زوق-شوخ سايرىدى.

مانا بۈگۈن قىززىدى يۇرتتا «نەۋرۇز سەيلىسى»،
مەھەللىلەردە قاينىدى كاتتا«نەۋرۇز پەتىسى».
ئوغلاق تارتىپ ئاتىلار قىلدى«نەۋرۇز بەيگىسى،»
چىلىشچىلار  سەپ تۈزۈپ،چىقتى «نەۋرۇز سەركىسى.»
شۇ ۋەجىدىن قۇشلارمۇ بۇندا زوق-شوخ سايرىدى.

ئەلنەغمىچى نەۋرۇزلۇق نەغمە-ناۋا ئوقۇشتى،
داستانچىلار باھارغا بېيت-قوشاقلار توقۇشتى.
قوچقار،خوراز مەيداندا ھەۋەس بىلەن سوقۇشتى،
قىزلارمۇ بوش كەلمەستىن گۈل-كەشتىلەر توقۇشتى.
شۇ ۋەجىدىن قۇشلارمۇ بۇندا زوق-شوخ سايرىدى.

مەزمۇنى مول «نەۋرۇز»نىڭ،ئېيتسا ھەرگىز تۈگۈمەس،
«نەۋرۇز بۇلاق»كۈيلىرى ئەل ئىچىدە ئۆكسۈمەس.
ئىتتىپاقلىق،ئۆملۈكمۇ ئۇنىڭسىز ھېچ كۆكلۈمەس،
ئۇنىڭ بىلەن مول-ھوسۇل ئارمانلىرى تۈگۈمەس.
شۇ ۋەجىدىن قۇشلارمۇ بۇندا زوق-شوخ سايرىدى.

2014-يىلى 3-ئاينىڭ 5-كۈنى ئۈرۈمچى

گۈل 908

manmu bir nuruzluk tayyarligan birak    hatni kathy   uygurqa yizixka ozgartalmidim maga yardam kirak kandak kilsam hatni uygurqa yazalayman

sarwi

           ھەر ياققا يول ئالغان ئەگىز سۇلىرى.
           دېھقاننى چىللايدۇ ئېتىز- قىرلىرى .
           نەۋ باھار شامىلى كەلگەندە ئۇچۇپ ،
           شات يايرار سەھرانىڭ ئوغۇل - قىزلىرى.
            

ئېلى

شات يايرار سەھرانىڭ ئوغۇل-قىزلىرى،
قولىدا تۆت قۇلاق، قىيا بېقىشىپ.
يۈرەكتىن يۈرەككە تۇتىشىپ ئوتلار،
يۈرمەكتە قوغلىشىپ، «چالما» ئېتىشىپ.

كۆرەشچان

گۈل 908 يوللىغان ۋاقتى  2015-3-12 18:42
manmu bir nuruzluk tayyarligan birak    hatni kathy   uygurqa yizixka ozgartalmidim maga yardam kira ...

ئۇيغۇرچە يېزىق كىرگۈزۇش دىتالى قاچىلايسىز   مەسىلەن ؛ئەلپىدا   ياكى   ئەلكاتىپ  دىگەندەك.

دىل كۆيى

    يۈرمەكتە قوغلىشىپ ، چالما ئېتىشىپ ،
    يېزامنىڭ يولىدا سەبى بالىلار .
    يۈرمەكتە يايلىشىپ ھەمدە مۆرىشىپ ،
    بىپايان دالىدا قوي ھەم كالىلار .

Erkman

بىپايان دالىدا قوي ھەم كالىلار،
كەينىدە يۈرەركەن چوپان بالىلار.
قاچقاننى قوغلىشىپ يۈرەگەنلىرىدە،
چىۋىقنى ئات قىلىپ شوخ-شوخ قىيغىتار.

دېھقانى

چىۋىقنى ئات قىلىپ شوخ-شوخ قىيغىتار،
مەسۈملەر مەلىنى بېشىغا كىيىپ...
باھارىنىڭ ئەلچىسى-قارلىغاچلار شوخ
ۋىچىرلاپ سايرايدۇ نەغمىلەر قىلىپ!

دەۋرانى

دېھقانى يوللىغان ۋاقتى  2015-3-16 20:10
چىۋىقنى ئات قىلىپ شوخ-شوخ قىيغىتار،
مەسۈملەر مەلىنى بې ...

ۋىچىرلاپ سايرايدۇ نەغمىلەر قىتىپ ،
باھارنىڭ ھىدىدىن ئويغانغان زىمىن .
دىھقان خۇشلۇقتا نەۋرۇز ئاش ئىتىپ ،
كۇتۇشكە تەييادۇر داستىخان سىلىپ .