نورۇز كەلدى(ئېلى فوتۇسى)

ئېلى

خەتتات

سۈرەتلارنى ياخشى تارتىپسىز،ماھارىتىڭىزگە بارىكاللا!

بۇژغۇن

سۇناي مەنمۇ -«نەۋرۇز»لۇق
ئاپتورى:تۇرسۇن ھۈسەيىن بۇژغۇن

باھار كېلىپ،يۇرتىمىزنىڭ باغرى ئىللىدى،
سوقۇشماققا تەييارلانغان خوراز چىللىدى.
بارچە قەۋم يېڭى يىلنى قۇتلاپ كۈيلىدى،
                   «نەۋرۇز»ئۈچۈن ھەممە تىنەش،كۈلۈپ يايرىدى.
«نەۋرۇز»كېلىپ قۇشلار بۇندا زوق-شوخ سايرىدى.

تالاي ئەسىر ئۆتۈپ بىزگە  بولدى تەۋەرۈك،
خاسىيەتلىك «نەۋرۇز»ئىشقى-خەلقىمگە بۈيۈك.
ئۆچ-ئاداۋەت يۇيۇلغاچقا قەلپلەر-سۈزۈك.
«زاراخەتمە» ئۇنىڭ ئۈچۈن تارتىلغان ئوزۇق.
شۇ ۋەجىدىن قۇشلارمۇ بۇندا زوق-شوخ سايرىدى.

«ئاققۇزا ئېيى»باشلىنىپ،كۈن بىلەن تۈن تەڭلەشكەن،
شۇبۇ كۈندە«نەۋرۇز»نى ئەل-يۇرت قېنىپ كۈيلەشكەن.
ساخاۋەتنى ئۇلۇغلاپ،بىخىللىقنى چەكلەشكەن...
ئوغلاق تارتىپ ئاتىلار،ئادىللىقتا بەسلەشكەن...
شۇ ۋەجىدىن قۇشلارمۇ بۇندا زوق-شوخ سايرىدى.


يېڭى يىلنىڭ شەنىگە ياڭرار«نەۋرۇز ناغرىسى»،
ئىشلىنىدۇ ھەرياقتا قىزغىن-«نەۋرۇز تازلىقى».
مۇدھىش سوغنى قوغلۇشۇپ،كۈلەر«نەۋرۇز نازلىقى»،
ئاجىزلارنى،چوڭلارنى يوقلاش-«نەۋرۇز ئادىتى»،
               شۇ خۇشاللىق كەيپىدە قۇشلار زوق-شوخ سايرىدى.

ئانىلارمۇ بوش كەلمەس «نەۋرۇز ئېشى» ئېتىشىپ،
بۇغداي،ئارپا،قوناق ھەم نوقۇت،تېرىق سېلىشىپ.
گۇرۇچ،ماش ھەم پۇرچاقمۇ پىشىپ چىقار سېڭىشىپ،
              نەۋرۇز ئەھلى مەزى قىپ ئۆتەر تەمىن تېتىشىپ...!
شۇ ۋەجىدىن قۇشلارمۇ بۇندا زوق-شوخ سايرىدى.

«نەۋرۇز سۈيى» تەييارلاپ ھارماس ئىشچان ئانىلار،
چىلان،شاپتۇل قېقى ھەم گۆش تەييارلار ئاتىلار.
بوش كەلمەيدۇ سامساق ۋە سىركە،جىگدە،چوققىلار،
ئۇندا مەمنۇن،شادىمان،قىز-ئوغۇل ھەم بالىلار،
شۇ ۋەجىدىن قۇشلارمۇ بۇندا زوق-شوخ سايرىدى.

مانا بۈگۈن قىززىدى يۇرتتا «نەۋرۇز سەيلىسى»،
مەھەللىلەردە قاينىدى كاتتا«نەۋرۇز پەتىسى».
ئوغلاق تارتىپ ئاتىلار قىلدى«نەۋرۇز بەيگىسى،»
چىلىشچىلار  سەپ تۈزۈپ،چىقتى «نەۋرۇز سەركىسى.»
شۇ ۋەجىدىن قۇشلارمۇ بۇندا زوق-شوخ سايرىدى.

ئەلنەغمىچى نەۋرۇزلۇق نەغمە-ناۋا ئوقۇشتى،
داستانچىلار باھارغا بېيت-قوشاقلار توقۇشتى.
قوچقار،خوراز مەيداندا ھەۋەس بىلەن سوقۇشتى،
قىزلارمۇ بوش كەلمەستىن گۈل-كەشتىلەر توقۇشتى.
شۇ ۋەجىدىن قۇشلارمۇ بۇندا زوق-شوخ سايرىدى.

مەزمۇنى مول «نەۋرۇز»نىڭ،ئېيتسا ھەرگىز تۈگۈمەس،
«نەۋرۇز بۇلاق»كۈيلىرى ئەل ئىچىدە ئۆكسۈمەس.
ئىتتىپاقلىق،ئۆملۈكمۇ ئۇنىڭسىز ھېچ كۆكلۈمەس،
ئۇنىڭ بىلەن مول-ھوسۇل ئارمانلىرى تۈگۈمەس.
شۇ ۋەجىدىن قۇشلارمۇ بۇندا زوق-شوخ سايرىدى.

2014-يىلى 3-ئاينىڭ 5-كۈنى ئۈرۈمچى

6736101

ئەسسالامۇ ئالايكۇم، بۇ يىلقى نورۇزمۇ ياكى بۇلتۇقى نورۇزمۇ  بۇ ؟ سۈرەتلەرنى چىرايلىق تارتىپسىز...

sarwi

نەۋرۇز بايرىمى بەك بالدۇر باشلىۋەتتىڭىزمۇ نىمە ، ئەلى ئەپەندى ؟

سۈرەتلەر ئېسىل چىقىپتۇ ، تەشەككۈر !

نۇرزىيا

سىلە تەرەپتە نورۇز بالدۇر باشلىنىپتۇ -ھە؟

ئېلى

ئۆتكەن يىلقى نورۇز، بۇ دوسلار، رەھمەت.

ئېلى يوللىغان ۋاقتى  2015-3-13 16:48
ئۆتكەن يىلقى نورۇز، بۇ دوسلار، رەھمەت.

ياخشى سۈرەتلەرنى يوللاپسىز،ياخشى تىمىكەن.

mungdax

ئەسسالام ياخشى تۇرۋاتامسىز؟ سۈرەتلىرىڭىزنى كۆرۈپ سىز بىلەن يۈز كۆرۈشكەندەك بولدۇم. كەسپتە بىرلىكتە ئالغا باسايلى. قۇلىڭىزغا دەرت كەلمىسۇن.

سالام 1

سۈرەتلەر ياخشى تارتىلىپتۇ ،ئاپرىرىن!