ئاياللار ئازادجان ئىبراھىم
چىھرى ئىللىق، مىھرىبان بولىدىكەن ئاياللار. ھەممە ئىشقا كۆپ كۆڭۈل بۆلىدىكەن ئاياللار. بالىلارغا دىلىدىن كۆيىدىكەن ئاياللار. ئۆز ئۆيىنى شۇقەدەر سۆيىدىكەن ئاياللار.
ئەجىر قىلىپ ھالاۋەت كۆرىدىكەن ئاياللار.
ھاردىم ،ئاچتىم دېمەستىن ئىشلەپ جاپا چەكسىمۇ، ئىش قىلىدۇ تىرىشىپ كۈچ ماداردىن كەتسىمۇ، ۋايسىماستىن ھەرقاچان جاپا تارتىپ ئۆتسىمۇ،
زىنھار مىننەت قىلماستىن قان تەرىنى تۆكسىمۇ، ئېغىر ئىشنى ئۈستىگە ئالىدىكەن ئاياللار.
تاماق ئېتىپ ھەركۈنى بالىلارغا يىگۈزۈپ، يىغىپ ئورۇن كۆرپىنى كىيىمنى كىيگۈزۈپ،
تەلىم بېرىپ ھەركۈنى ئاق قارىنى بىلگۈزۈپ، گەپكە سېلىپ بالىنى دادا،ئانا دېگۈزىپ، بالىلارغا مىھرىنى بىرىدىكەن ئاياللار.
باش پاناھ بوپ ھەممىگە دەرمان بولۇپ دەردىگە،
باش ئەگمەستىن جاپاغا، مۇشەققەتكە، جەبرىگە، شېرىك قىلماي ئۆزگىنى تاپا-تەنە زەربىگە، چۆچەك ئېيتىپ ھەركۈنى بالىلارغا ،نەۋرىگە بالىلارنى ئەقللىق قىلىدىكەن ئاياللار.
ئۆيدە يوقنى تولۇقلاپ كەم قىلمەستىن بىرىنى ، ئاسىراپ ھەم قەدىرلەپ قولدىكى بېرىنى، ئېلىپ كېلىپ ھەردائىم بۇيۇملارنىڭ كېمىنى، پات-پات بېرىپ بازارغا ئېلىپ يەنە يېڭىنى،
توققۇزىنى تەل قىلىپ قويىدىكەن ئاياللار.
ئەتتىگەندىن كەچكىچە توختىماستىن يۈگۈرۈپ، يۈرۈشتۈرۈپ ئىشىنى ئۆزى يالغۇز ئۈلگىرىپ، قوشنىلارغا ،چوڭلارغا تاماق، ئىتىپ كىرگۈزۈپ،
كۈنلۈك ئىشنى بىر قوللۇق تەرتىپ بىلەن يۈرگۈزۈپ، خەۋەر ئېلىپ ھەممىدىن تۇرىدىكەن ئاياللار.
ئائىلىدە ئەركەكلەر توغرا يولنى تۇتۇڭلار، يول قويۇشۇپ ئۆزئارا ئېناق ئىجىل ئۆتۈڭلار،
ئاياللارنى رەنجتمەي پەرۋىش قىلىپ كۈتىڭلار، مىننەتدارلىق بىلدۈرۈپ قەدىرىگە يىتىڭلار، ئائىلىدىن خوشاللىق تاپىدىكەن ئاياللار.
ئاياللارنى چۈشەنسە ھۆرمەتلىسە ھەر كىشى،
تەسكەن ئۇنىڭ بىر يەرگە ئالدىراپلا بېرىشى، ئەجىر قىلىپ مىننەتسىز جاپا چەكىپ ياز،قىشى، بىرنى ئىشلەپ تۈگەتسە چىقىپ يەنە بىر ئىشى ، كۈندە شۇنداق ئالدىراش ئۆتىدىكەن ئاياللار. 2015-يىلى 8-مارت كۈنەس | 
يوللىغان ۋاقتى 2015-3-11 11:20:17