چۈشەنمىسەڭ سۆكمە ھەرگىز بىرىنى ئازادجان ئىبراھىم
بۇلغانمىسۇن ۋىژدانىڭ ھەم غورۇرۇڭ، بىرلىرىگە خوشامەت قىپ ئۆتمىگىن. ئادىمىلىك ،ساخاۋەتلەر باشقا گەپ، تاپتىن چىقىپ ئىناۋەتنى تۆكمىگىن.
بەزىلەر بار قەدىرلەيدۇ دوستلۇقنى، ئايىمايدۇ دوستتىن ھەتتا جېنىنى. بەزىلەر بار خوشامەت قىپ ياشايدۇ، تېپىپ بېرىپ بىرلىرنىڭ نېنىنى.
بەزىلەرنىڭ ئۆزى بىلەن كەتمەيدۇ، ئۆگىتىدۇ ئۆزگىگىمۇ ياماننى. خوشامەتتىن ئۆزلىرىگە نەپ ئالسا، ئويلمايدۇ زىنھار ئۇلار ئاۋامنى.
قوغلىشىدۇ خوشامەتچى بىر ئۆمۈر، كۆزلەپ پەقەت بىرلىرىنىڭ پۇلىنى . بەزىلەربار پەزىلەتلىك ،ئاق كۆڭۈل، ئۆگىتىدۇ ساڭا ئىشنىڭ يولىنى .
قىلغىن پەقەت ئەل يۇرتۇڭنىڭ غېمىنى، پەزىلەتسىز ،خوشامەتچى بولمىغىن. شەخسىيەتچى نا ئىنساپقا ئەگەشمەي، ساخاۋەتچى ،ئېسىللەرنى قوللىغىن.
يۈكسەلدۈرەر ئادەملەرنى پەقەتلا، تىرىشچانلىق،ئۈمۈتۋارلىق ،ئىزدىنىش. نابۇت قىلار سېنى ھامان ۋاقىتسىز، كۆرەلمەسلىك، ئىچىتارلىق قىزغىنىش.
دىلكەشلىرىڭ ياخشى بولسا ناۋادا، سېنى ئۇلار دائىم ئالغا باشلايدۇ. ئەگەشسەڭ گەر ناباپلارنىڭ كەينىدىن، كېرەكسىز قىپ سېنى بىركۈن تاشلايدۇ.
ئالدىراپلا باھابەرمە بىرىگە، بىلمەيتۇرۇپ ئۇنىڭ ئىچكى سىرىنى. ئېھتىيات قىل گەپ قىلغاندا ھەرقاچان، چۈشەنمىسەڭ سۆكمە ھەرگىز بىرىنى. 2015-يىلى 15-فېۋرال كۈنەس | 
يوللىغان ۋاقتى 2015-3-9 12:45:39