تۇغۇت دەم ئېلىشىنى ئۈچ يىلغا ئۇزارتىش كېرەك، دېگەن تەكلىپ ھەممىنى...
خەلق تورى، بېيجىڭ، 3-مارت تېلېگراممىسى: 3-مارتتىكى سانلىق مەلۇماتقا قارىغاندا، 2015-يىللىق ئىككى يىغىنغا سۇنۇلغان تەكلىپلەر ئىچىدە ئۈچەيلەن يەنىلا «تۇغۇت دەم ئېلىشىنى ئۈچ يىلغا ئۇزارتىش» نى ئوتتۇرىغا قويغان بولۇپ، بۇ تەكلىپ نۇرغۇن تورداشلارنىڭ دىققەت-ئېتىبارىنى قوزغىغان. «ئايال كادىرلار ۋە ئايال تېخنىكلارنىڭ پېنسىيەگە چىقىش يېشىنى ئۇزارتىش مەسىلىسى ئاياللار بىرلەشمىسى ساھەسىدە كۆپ يىللاردىن بۇيان ئوتتۇرىغا قويۇلۇۋاتقان مەسىلە». مەملىكەتلىك سىياسىي كېڭەش ئەزاسى، چۇڭچىڭ ئۇنىۋېرسىتېتى مۇزىكا ئىنىستىتۇتىنىڭ باشلىقى جاڭ لىخۇي مۇنداق دېدى: خوشاللىنارلىق يېرى شۇكى، بۇ سىياسەت ئەمەلىيلىشىپلا قالماستىن، «ئۇقتۇرۇش» تا بۇ بەلگىلىمە مۇقىملاشتۇرۇۋېتىلمىدى، ئەگەر پېنسىيەگە چىقىش ئىلتىماسى سۇنسىڭىز 55 ياشقا كىرگەندە ئوخشاشلا پېنسىيەگە چىقالايسىز. جاڭ لىخۇينىڭ ئېيتىشىچە، 50 ياش ئەتراپىدىكى ئاياللار ئالىي تېخنىك دەرىجىسىگە يېتىدىغان بولۇپ، ئۇلار خىزمەتتە نۇرغۇن تەجرىبە توپلاپلا قالماستىن، بالىلىرىنىمۇ چوڭ قىلىپ بولغان، ئىقتىدارىمۇ ئەڭ كۈچلۈك، ئۆز رولىنىمۇ ياخشى جارى قىلدۇرالايدىكەن. ئەگەر بۇنداق ۋاقىتتا ئايال كادىرلار، ئايال تېخنىكلارنى پېنسىيەگە چىقىرىۋەتسە بايلىقنى ئىسراپ قىلغانلىق بولىدىكەن. جاڭ لىخۇي يەنە مۇنداق دېدى: «ئاياللارنىڭ پېنسىيە يېشىنى ئۇزارتىش سىياسىتىگە ماس ھالدا ئاياللارنىڭ تۇغۇت دەم ئېلىشىنىمۇ ئۇزارتىش كېرەك. چەت ئەلنىڭ تەجرىبىسىگە ئاساسەن ئاياللارنىڭ تۇغۇت دەم ئېلىشىنى ئۈچ يىلغا ئۇزارتقاندا، بالىلارنى بىۋاستە يەسلىگە كىرگۈزۈپ خاتىرجەم خىزمەت قىلغىلى بولىدىكەن. تۇغۇت دەم ئېلىشىنى ئۇزارتىش بالىلار تەربىيەسى، بالىلارنىڭ پىسخىكىسىنى يېتىلدۈرۈشكە پايدىلىق بولۇپلا قالماستىن، بەلكى ئاياللارنىڭ پېنسىيە يېشىنى ئۇزارتىش بىلەن ماس ھالدا تولۇقلاش ئېلىپ بېرىلىدىكەن.
| 
يوللىغان ۋاقتى 2015-3-4 18:36:54
يوللىغان ۋاقتى 2015-3-4 19:30:26
:yahxi gap iken bu 
