ئەسقاتمىساڭ ئازادجان ئىبراھىم
پەرۋىش قىلىپ پەپىلەپ باققانلارغا، ئوتتا كۇيۈپ سۈيىڭدە ئاققانلارغا، پەقەت سەنلا كۆڭلىگە ياققانلارغا ، شۇنداق ئېغىر كېلىدۇ ئەسقاتمىساڭ.
سېنىڭ ئۈچۈن كۆپ ئەجىر قىلغانلارنىڭ، سەندىن دائىم ھال سوراپ تۇرغانلارنىڭ، ئىخلاسىنى ،مېھرىنى بەرگەنلەرنىڭ، كۆڭلى يېرىم بولىدۇ ئەسقاتمىساڭ.
ئۇرۇق تۇققان جان-جىگەر قېرىندىشىڭ، دىلكەشلىرىڭ، دوست-يارەن تەلەپدىشىڭ، كىچىكىڭدىن تەڭ ئۆسكەن قەلىبدېشىڭ، ھەسىرەتلەر چېكىدۇ ئەسقاتمىساڭ.
بىر چاغلاردا مۇڭدىشىپ تونۇشقانلار، ئېناق، ئېچىل دوستلاردىن بولۇشقانلار، دوستلۇق ئۈچۈن ئىمزالار قويۇشقانلار، شۇنداق ئاچچىق يۇتىدۇ ئەسقاتمىساڭ.
يېقىن كۆرۈپ سېنىلا قوللىغانلار، ساڭا قارشى پىكىردە بولمىغانلار، سېنى ياۋدىن جان تىكىپ قوغدىغانلار، ۋاي ئېسىت دەپ قالىدۇ ئەسقاتمىساڭ.
سېنى گۈزەل ئارمانغا يەتكۈزگەنلەر، تەربىيەلەپ سىناقتىن ئۆتكىزگەنلەر، ساڭا شەربەت ،زەمزەملەر ئىچكىزگەنلەر، كۆپ پۇشايمان قىلىدۇ ئەسقاتمىساڭ.
ئۆز ۋاختىدا ھالىڭغا يەتكەنلەرنىڭ ، سەندىن شۇنداق زور ئۈمۈت كۈتكەنلەرنىڭ، سىرداش بولۇپ سەن بىلەن ئۆتكەنلەرنىڭ، راھى يېنىپ كېتىدۇ ئەسقاتمىساڭ.
كۆيدۈم سۆيدۈم مەن ساڭا دىيىشكەنلەر، ئايرىلماسقا ۋەدىلەر بېرىشكەنلەر، يىراقلاردىن سېنى دەپ كېلىشكەنلەر، شۇنداق رەنجىپ كېتىدۇ ئەسقاتمىساڭ. 2015-يىلى 3-مارت كۈنەس
| 
يوللىغان ۋاقتى 2015-3-4 15:51:18
