ئېناق ئېجىل ئۆتەلەيدۇ ئادەملەر ئازادجان ئىبراھىم
لىللا بولسا ئۆزىنىلا ئاقلىماي،
ياخشى ئۆتسە ئۆچ ئاداۋەت ساقلىماي، ياخشى دېسە بىر-بىرىنى داتلىماي، ئېناق ئېجىل ئۆتەلەيدۇ ئادەملەر.
بىرلىرىنى بىرى يامان كۆرمىسە، بىرلىرىدىن بىرى رەنجپ يۈرمىسە، بىرلىرىگە بىرى قاپاق تۈرمىسە، ئېناق ئېجىل ئۆتەلەيدۇ ئادەملەر.
ھەممە يەردە بىر-بىرىنى قوللىسا، ھۆرمەتلىسە،ئىززەتلىسە قوغدىسا، بىرلىرىگە بىرى يامان بولمىسا، ئېناق ئېجىل ئۆتەلەيدۇ ئادەملەر.
بىر-بىرىگە قىلمىسىلا يامانلىق، بىر-بىرىگە تىلىسە ھەم ئامانلىق، بىر-بىرىنى قەدىرلىسە داۋاملىق، ئېناق ئېجىل ئۆتەلەيدۇ ئادەملەر.
تاپتىن چىقىپ يۈز ئابروينى تۆكمىسە، بىرلىرىنى بىرلىرىگە سۆكمىسە، ھەمكارلىشىپ ،راۋاجلىنىپ كۆكلىسە، ئېناق ئېجىل ئۆتەلەيدۇ ئادەملەر.
بىر-بىرىگە بولسا ھۆرمەت ئىززىتى، بولمىسىلا قىلچە يامان ئىللىتى، ئىش قىلغاندا بولمىسىلا مىننىتى، ئېناق ئېجىل ئۆتەلەيدۇ ئادەملەر.
ئىش ھەركىتى چەكتىن ئېشىپ كەتمىسە، بىر-بىرىنى ھەرگىز بوزەك ئەتمىسە، ئاقماق قىلىپ بىر-بىرىنى چەكمىسە، ئېناق ئېجىل ئۆتەلەيدۇ ئادەملەر.
بىر-بىرىنىڭ قەدىرىگە يەتكەندە، سېنىڭ مېنىڭ دېمەي ياخشى ئۆتكەندە، بىر-بىرىنىڭ گۇنايىدىن كەچكەندە ، ئېناق ئېجىل ئۆتەلەيدۇ ئادەملەر.
2015-يىلى 20-فېۋرال كۈنەس | 
يوللىغان ۋاقتى 2015-3-1 23:22:19
