چەرچەن ناھىيەسىدە تۇرسۇنگۈل ئەمەتنىڭ ‹‹شەرق كەشتىسى››گۈزەل سەنئەت بۇيۇملىرى كۆرگەزمە قىلىندى
2-ئاينىڭ 10-كۈنى چەرچەن ناھىيەسىدە ناھىيەلىك مۇزېيدا تۇرسۇنگۈل ئەمەتنىڭ ‹‹شەرق كەشتىسى››گۈزەل سەنئەت بۇيۇملىرى كۆرگەزمە قىلىندى.شەرىق كەشتىسى بولسا مەملىكىتىمىزدە بارلىققا كەلگەن ئۇزۇن يىللىق تارىخقا ئىگە ئەنئەنىۋى كەشتى بولۇپ ئۇ ئادەتتە 1.لىنتا كەشتسى ،2 .كەرەشنىۋاي كەشتىسى،3.مارجان كەشتىسى،4.ياقۇت كەشتسى،5.ئەتىرگۈل كەشتىسىدىن ئىبارەت تۈرلەرگە بۆلىنىدۇ . بۇ قېتىم تۇرسۇنگۈل ئەمەت مۇشۇ 5خىل تۈردىكى ھەر خىل گۈللەر،ئۇچار قۇشلار، تەبىئەت مەنزىرىلىرى كەشتىلەنگەن 55كەشتىنى كۆرگەزمە قىلغان بولۇپ كەشتىلەر ئىنتايىن نەپىس، گۈزەل ياسالغان،كۆرگەزمىگە كەلگەن 100دىن ئارتۇق كۆرۈرمەندە ياخشى تەسىرات قالدۇردى. تۇرسۇنگۈل ئەمەت 1974-يىلى 4-ئاينىڭ 11كۈنى چەرچەن بازىرىدا زىيالى ئائىلىسىدە دۇنياكەلگەن، تۇلۇق كۇرىس مەدەنىيەت سەۋىيىسىگە ئىگە، چەرچەن ناھىيەلىك مەدەنىيەت-تەنتەربىيە- رادىئو-كىنو-تېلېۋىزىيە ئىدارىسىدا مالىيە خىزمىتى ئىشلەيدۇ.ئۇ كىچىكىدىن باشلاپ قول ھۈنەرۋەن، گۈزەل-سەنئەت كەسپىگە ئىشتىياق باغلىغان بولۇپ بالىلىق دەۋرىدىن باشلاپ رەسىم سىزىشقا ئامراق ئىدى.ئۇنىڭ بۇ جەھەتتىكى قىززىقىشى تۇرمۇشنىڭ ھەر ساھەلىرىگە سىڭىپ كەتكەن بولۇپ ئۆي بىزەش ،سەھنە ياساش جەھەتتە ئۆزگىچە ئالاھىدىلىكى يارقىن جۇلالىنىپ تۇرىدۇ.ئۇ شەرق كەشتىسىنى 2013-يىلى ئۈرۈمچىدىكى بىر كەشتىچىلىك دۇككىنىنىڭ خوجايىنىدىن ئۆگەنگەن بولۇپ ئىشتىن سىرىتقى ۋاقىتلىرىدا تەكرار مەشىق قىلىش، تىرىشىپ ئىزدىنىش نەتىنجىسىدە يۇقىرى ماھارەت ئىگىسى بولۇپ يېتىشىپ چىققان.ئۇ شەرق كەشتىسىنى يەنىمۇ تەرەققى قىلدۇرش مەخسىتىدە2014-يىلى قۇراملىق يېزىسىدىكى چارۋىچىلارنى يېڭىدىن مۇقىم ئولتۇراقلاشتۇرۇش نوختىسى، باشكېچىك كەنتىدە چارۋىچى ئاياللارنى يىتەكلەپ ئۇلارغا چىقىش يولى تېپىپ بىرىپ ئىگىلىك تىكلىشىگە ياردەم بىرىش ئۈچۈن 2قارار ھەقسىز كۇرىس ئېچىپ 30دىن ئارتۇق ئايالنى تەربىيىلەپ 2مىڭ يۈەن قىممىتىدىكى كەشتە ماتىريالىنى ھەقسىز بەردى .بۇ قېتىمقى كۆرگەزمىگە تۇرسۇنگۈل 3ئايدىن ئارتۇق ۋاقىت سەرپ قىلىپ تەييارلىق قىلغان ،كۆرگەزمە كۈنىلا 33كەشتىسىنى 13200يۈەنگە ساتتى.ئۇ بۇنىڭدىن كېيىن چەرچەن ناھىيەسىدە شەرق كەشتىسىنى تەرەققى قىلدۇرۇپ تېخىمۇ كۆپ خانىم قىزنى مۇشۇ كەسىپ بىلەن ھەقسىز تەربىيلەپ ئۇلارنىڭ كەشتىچىلىك بىلەن ئائىلە ئىقتىسادىنى ياخشىلاشقا تۈرتكە بولىدىغانلىقىنى ئېيىتتى. -1سۈرەتتە:كۆزگەزمىنىڭ ئېچىلش مۇراسىمى -2سۈرەتتە: كۆزگەرمىنى كۆرۈۋاتقانلار. -3-4سۈرەتتە: تۇرسۇنگۇل كۆرۈرمەنلەرگە كەستىلەرنى چۈشەندۈرمەكتە. -5سۈرەتتە: تۇرسۇلگۈل دوستلىرى بىلەن خاتىرە سۈرەتكە چۈشمەكتە. 6-7-8-9-10سۈرەتلەردە: ئۇ ئىشلىگەن كەشتىلەر [
| 
يوللىغان ۋاقتى 2015-2-11 12:55:58
