مەخەت ئابدۇرېھىم:ئۆلۈم ۋە ھايات

baxkiram

ئۆلۈم ۋە ھايات         

  مەخەت ئابدۇرېھىم

ئۆلۈرمىز ئاقىبەت بىر كۈن بۇنىڭدىن بىز قاچالمايمىز،
ئېشىپ كەتسەكمۇ لوقماندىن ئاڭا چارە تاپالمايمىز.


ئۆلۈم ۋەھىمە، ئۆلۈم جاللات،ئۇنىڭدىن قايغۇرار ھەممە،
خېرىدار ئىزدىسەڭ بەلكىم ئۇنى نېسى ساتالمايمىز.


ھايات قىممەت ،ھايات تاتلىق بىراق ئۇنىڭ چىكى باردۇر،
كېتىپ قالسا ئەگەر قولدىن، بىرىپ ئالتۇن ئالالمايمىز.


ئەگەر مەرگەن دېسەك تەننى، ئۆمۈر مىلتىق، ۋاقىت ئوقتۇر.
ئۇلارسىز يوق جاھاندا بىز ، ئۇلارسىز     ئوۋ      قىلالمايمىز .


جاھانغا شۇ سىياق كەلدۇق بۇنىڭغا ھەممىمىز قايىل،
ھايات قەدىرىنى بىلسەكلا تېخى مەڭگۈ ياشالايمىز.


قېنى كىم ياشىدى مەڭگۈ ؟ دىگەن سۇئال سورالسا گەر،
ئېچىپ تارىخنى ۋاراقلاپ دەلىل-ئىسپات تاپالايمىز.


بوۋام مەھمۇد، فارابىدەك ئىجادكارلار مىسال بىزگە،
بۈيۈك ئىلھام بولۇر بەرھەق ، شۇڭا مەغرۇر ياشالايمىز.


ياشايلى ئەي ئېزىز دوستلار، ئىجاد-ئەمگەكنى يار ئەيلەپ،
ئۇنىڭ بىلەن گۆھەر قازساق شۇچاغ ئۆلمەس بولالايمىز.         


ئاپتۇرى: مەخەت ئابدۇرېھىم

halpambag

ئەگەر مەرگەن دېسەك تەننى، ئۆمۈر مىلتىق، ۋاقىت ئوقتۇر.
ئۇلارسىز يوق جاھاندا بىز ، ئۇلارسىز     ئوۋ      قىلالمايمىز .


بەك ياخشى چىقىپتۇ، ياقتۇرۇپ ئوقۇدۇم...

دەۋرانى

دولىنىپ تۇرسىمۇ بايلىق ئەجەلنى ھىچ توسالمىدى ،
كىيسىمۇ  شاھانە  تون  كىپەنگە  تەڭ  بولالمىدى .
ھوزورى سۇرگىنى قايدا يامانلىق بەرمىدى پايدا ،
سىلىپ خان سارايلانى ئىلىپ گورگە كىتەلمىدى  .

                                                  ياخشى يىزىپلا مەخەت مۇئەللىم ئولۇمنى ياد ئىتىپ تۇرغۇلۇق               

korlayexamaktapayxamsadir

ھايات قىممەت ،ھايات تاتلىق بىراق ئۇنىڭ چىكى باردۇر،
كېتىپ قالسا ئەگەر قولدىن، بىرىپ ئالتۇن ئالالمايمىز.
........

قېنى كىم ياشىدى مەڭگۈ ؟ دىگەن سۇئال سورالسا گەر،
ئېچىپ تارىخنى ۋاراقلاپ دەلىل-ئىسپات تاپالايمىز.
راست بەك ياخشى يىزىپسىز جۇمۇڭ

ئاق قار

مەخەتكا ، سىزنى بۇ مۇنبەردە ئۇچراتقىنىمدىن خۇشال بولدۇم ،  تۇمارىس بۇ مۇنبەرگە يېڭىدىن ئەزا بولغانتى ، سىزنى كۆرۈپ خوش بولدۇم .

努尔艾力江

ماڭىمۇ بەك يارىدى، مەخەت مۇئەللىم... مۇنبەرگە يوللىغان ئېسىل تىمىللىرىڭىزغا رەھمەت!