بوۋامنىڭ ساندۇقىدىكى ھېكمەتلەر(ئارمانى)

ئارمانى

بوۋامنىڭ ساندۇقىدىكى ھېكمەتلەر

1.يامانلىقنىڭ كىرلىرىنى يۇيۇشنىڭ ئەڭ ياخشى ئۇسۇلى ياخشىلىق سۈيىدۈر.

2.باشقا كۈن چۈشكەندە قىلىنغان ياخشىلىق مەڭگۈلۈكتۈر.

3.داۋاملىق يامان ئىشلارنى قىلىپ، بېشىغا كۈن چۈشكەندە قۇتقۇزۇشنى تەلەپ قىلغان كىشى، يىيىشنى يەۋېلىپ چىقىرالمىغان بالىغا ئوخشايدۇ.

4.سەن ياخشىلىق بىلەن يامانلىقنىڭ ئوتتۇرسىدا تۇرىۋاتىسەن، قايسىسىغا تەۋە بولىشىڭ قايسى تەرەپكە قەدەم ئېلىشىڭ بىلەن باغلىقتۇر.

5.ۋاقىتلىق ئەيىبىڭنى يېپىش ئۈچۈن تاپقان باھانەڭ، سېنى ھالاكەت يولىغا باشلاپ بارىدۇ.

6.راستچىللىق كىشىلەرنى ئەڭ چوڭ ھالاك بولۇشتىن ساقلايدىغان تايانچى كۈچتۈر.

7.بىرەر خاتالىق ئۆتكۈزۈپ قويۇپ، چەكسىز پۇشايماندا قېلىپ، توغرا يولغا ماڭغان كىشىنىڭ قەلبى ئەڭگۈزەل بولىدۇ.

8.ئادەملەركىيىم-كېچەكلىرىنى كۈندە ئۆزگەرتكىنى بىلەن ئۆزىدىكى ئەيىپ-نوقسانلارنى كۈندە ئۆزگەرتەلمەيدۇ.

9.ئادەمنىڭ نەپسى شۇنچىلىك ئاچ نەرسىكى قەدىمدىن ھازىرغىچە بىرەر كىشىنىڭ نەپسى پۇل-مالغا تويغان ئەمەس.

10.ئۆزىنى ئۆزى باشقۇرالىغان ئەركەكلا ھەقىقى ئەركەكتۇر.

دەۋرانى

               ھىكمەت .

قەدرىنى بىلگەنگە تۇگىمەس بايلىق ،
نادانلار ئۇچۇن كوز يەتمەس سايلىق .
ھىكمەتتىن دۇردانە يوللىغان ئارمان ،
تاپقۇسى تەشەككۇر ساقلىقى ھەرئان .

baxkiram

ھېكمەتلەرنى ساندۇقتىن چىقىرىپ بىزنى تەمىنلىگەنلىرىگە رەھمەت.

دېھقانى

بوۋىڭىزنىڭ ساندۇقىنى يەنە بەكرەك ئېچىڭ.... بۇنىڭدىنمۇ ئېسىل ھېكمەتلەر چىقامدۇ تېخى؟ يوللىغىنىڭىزغا رەھمەت..

بۇژغۇن

ئارمانىنىڭ بوۋىسىدىن ئۇدۇم ئەنە شۇ خىسلەتلىك ساندۇقتىن پارقىراپ نۇر تاراتقان بىر يۈرۈش قىممەتلىق
ئەخلاق دۇردانىلىرىنى ئوقۇپ بەكمۇ سۆيۈندۈم.......بارىكاللا...!

努尔艾力江

4- ھېكمەتنىڭ مەزمۇنى ماڭا بەك ياقتى، دەرس ئۆتكەندە پايدىلانسام ئۈنۈمى ناھايتى ياخشى بولغىدەك........