ھەسرەت بىلەن تۆكتۈم يېشىمنى
گۈلمىھرە
مۇدھىش چۈشتىن ئويغانغان كەبى ،
سىڭمەكتىمەن ھەسرەت قوينىغا .
لەختە - لەختە بولغان يۈرىكىم ،
ئازاپ ئىچرە ئېڭرايدۇ ئاستا .
كۆز ياشلىرىم تۆكۈلمەكتىغۇ ،
ئاچچىققىنا سۆيۈپ يۈزۈمنى .
سەرسان بولغان روھلىرىم ئارا ،
يۈتتۈرۈپلا قويدۇم ئۆزۈمنى .
ئاي يۈزىگە چۈشكەن داغلاردەك ،
دىلىمدا بار ساقايماس يارا .
ئاھ ! يۈرىكىم بولدى مىڭ پارە ،
يۈرمەكتىمەن تۇمانلار ئارا .
تاتارغانچە تىكىلدىم ئۇزاق ،
ياپراقسىزلا قالغان چېچەككە .
ھەسرەت بىلەن تۆكتۈم يېشىمنى ،
قايتالمىغاچ گۈزەل ئۆتمۈشكە !
| 
يوللىغان ۋاقتى 2015-1-30 14:33:06
