تاشلىغىن ئاقنى

HIRISTAL

قەلبىنۇر ئۇبۇل ھەسەن

ھەمراھ قىلىپ ‹ئاق ›نى ئۆزۈڭگە،
زار يىغلاتتىڭ بىزنى جان ئاكا.
زەپىرىڭدەك رەڭگىڭگە قاراپ،
ئاھ چېكىدۇ ھەر كۈنى ئانا.

نەدىن يۇقتى بۇ كېسەل ساڭا،
ئەسلىدە بىر قىران يىگىتتىڭ.
سەندىن نۇرغۇن ئۈمىتلەر كۈتكەن،
جان ئاتاڭنىڭ يۈرىگى ئىدىڭ.

ھەسرەت بىلەن ياش تۆكۈپ ئاتاڭ،
بۇ دۇنيادىن ۋاقىتسىز كەتتى.
قەددى پۈكۈلۈپ بىچارە ئاناڭ،
كۆزلىرىنىڭ خۇنىمۇ كەتتى.

بىر چاغلاردا سەن تۇغۇلغاندا،
زور خۇشاللىق قاپلىغان ئۆينى.
مانا بۈگۈن زىمىستان قىشتەك،
مۇڭ قاپلىدى پەگا ۋە تۆرنى.

ئەللەي ئېتىپ باغرىدا ئاناڭ،
تىلىگەنتى چوڭ بولسىدى دەپ،
پاك خىسلەتلىك جۆرىنى تېپىپ،
بىزگە نەۋرە كۆرسەتسىكەن دەپ.

ئەمما بۈگۈن ئاتاڭنىڭ روھى،
تەلپۈنمەكتە بالام قالدى دەپ.
ئازادە ئۆي بازاردا قالماي،
قارا پەنجىردىن ماراپ قالدى دەپ.

ئاناڭ ھەر كۈن جەيناماز سېلىپ،
تىلىمەكتە ئامانلىقىڭنى.
مارجان كەبى تۆكۈلۈپ ياشلار،
دەر خۇداغا ‹بەرگىن ئوغلۇمنى ›.

جانى-جانىم قەدىردان ئاكا،
ئەمدى تۆكمە ئانام يېشىنى.
ئەسلىڭگە كەل ئادەم بولغىن تېز،
ئاقلا ئانام بەرگەن سۈتىنى.

2014.  قاراماي.

983308830

بەك ياخشى يىزىپسىز سىزگەئااپىرىن  خۇدايىم ھەر قانداق بەندىلىرىنىڭ .ئنساۋىنى بەرگەي

WOLKANI 1

قەلەملىرىڭىز مەڭگۈ ئۆكسىمىگەي ! مۇبارەك بولسۇن ياخشى چىقىپتۇ !

xipayi

ياخشى چىقىپتۇ

كۇل قىز

زەھەر دىگەن نەرسنى قانداق ئادەم ئىجات قىلغان بولغتتى،چۇقۇم ياخشى ئاقىۋەتكە قالمايدۇ،ناھايتى ياخشى يىزىپسىز

WOLKANI 1

ئاپىرىن !

HIRISTAL

ئەسىرىمنى ياقتۇرغان ئەزىزلەرگە رەھمەت.

تۇردى ئەبەيدۇللا

  ياخشى چىقىپتۇ.

hokumran

زەھەردىن ئىبارەت بۇ ئاپەت دۆلىتىمىزگە، خەلقىمىزگە ئىنتايىن چوڭ زىيانلارنى ئېلىپ كەلدى. بىز ھەر بىر پۇخرا قانۇن ئورگانلىرىنىڭ خىزمىتىگە زىچ ماسلىشىپ، زەھەر ئەتكەسچىلىرىنىڭ ئېلىمىزگە، خەلقىمىز ئارىسىغا سىڭىپ كىرىشىگە بارلىق كۈچىمىز بىلەن قارشى تۇرۇشىمىز كېرەك.
  ھەممىمىز زەھەردىن يىراق تۇرايلى!!!!

korlayexamaktapayxamsadir

ئەقلىڭىزگە بارىكاللا!! يارايسىز سىڭلىم.