ئىللىق قۇرۇتۇش ئۇسكىنىسى مۇۋاپىقىيەتلىك ياسىلىپ چىقىلدى
ئەلدوست شېركىتى تەتقىقات گۇرۇپپىسىدىكى ئۈچ ئەزمەت بىر ئاي جاپالىق تىرىشىش نەتىجىسىدە
ئۆزى لايھەلەپ ئۆزى قول سېلىپ ئىشلەپ ئىللىق قۇرۇتۇش ئۈسكىنىسىنى مۇۋاپىقىيەتلىك ياساپ چىقتى.
ئەلدوست شېركىتىنىڭ ئوزۇقلۇق نەزىريىسى ۋە مىخاينىزىمى، ئىشلەپچىقىرىش ئۇسۇللىرى، تۈرلىك مەھسۇلاتلىرى ئۆزىگە خاس ئالاھىدىلىككە ئىگە بولۇپ، بۇخىل مەھسۇلاتلارنى يۈرۈشلەشكەن ھالەتتىكى ئىشلەپ چىقىرىشقا ئىشلىتىدىغان ۋە ماس كىلىدىغان تەييار ئۈسكىنىلەرنى تېپىش تەس، ياكى يوق دىيەرلىك بولۇپ،
ئىلگىرى ئىشلەپچىقىرلغان مەھسۇلاتلار يەككە ھالدىكى ئۈسكىنىلەرنىڭ پارچە ئىشلەپچىقىرىشى نەتىجىسىدە ۋۇجۇتقا چىقىرىلاتتىكەندۇق. تەتقىقات گۇرۇپپىمىزدىكى جۇرئەت ئەنۋەر، رەخمۇتىللا كېرەم، ھۇسەنجان شەمشىلەر بۇ خىل ھالەتنى ئۆزگەرتىپ، يۈرۈشلەشكەن، ئاپتوماتلاشقان، زامانىۋى زاۋۇت قۇرۇلمىسىنى قۇرۇپ چىقىش ئۈچۈن دەسلەپكى قەدەمدە پۇتۇن ئاپتوماتلاشقان ئىللىق قۇرۇتۇش ماشىنىسىنى ياساپ چىقتى.
ئەمدى بۇ ئۈسكىنە نىمە ئۈچۈن ئىللىق قۇرۇتۇش ئۈسكىنىسى دەپ ئاتىلىپ قالدى؟
ئادەتتە كۆپ ئىشلىتىلىۋاتقان قۇرۇتۇش ئۈسكىنىلىرى يوقۇرى تېمپۇراتۇرا ئاستىدا قۇرتىدىغان بولۇپ، بۇنداق ئۇسۇل بىلەن قۇرۇتۇلغان ئوزۇقلۇقلار تېز، ئۇنىمى يوقۇرى تېجەشلىك بولسىمۇ، ئەمما ئوزۇقلۇقنىڭ يوقۇرى تېمپۇراتۇرىدا ھەرخىل ئېنىزىم، زەمبۇرۇغ، مىكرو-ئورگانىزىم ، تۈرلۈك ۋېتامىن ۋە مىنىرال ماددىلارنىڭ ئادەم بەدىنىگە پايدىلىق بولغان تەركىپلىرىنىڭ ئازلاپ ياكى يوقۇلۇپ زىيانغا ئۇچراپ كىتىشىدىن ساقلانغىلى بولمايدۇ. شۇڭا بىز ئەڭ يوقۇرى بولغاندا تېمپۇراتۇرسى 40 سېلتسىيە گىرادۇستىن ئاشۇرمىغان شارائىت ئاستىدا ئۈنۈملىك ھالدا تولۇق ئاپتوماتىك قۇرىتىدىغان يەككە ئۈسكىنىنى مۇۋاپىقىيەتلىك ياساپ چىقىپ، ئوزۇقلۇقنىڭ يوقۇرىدا دىيىلگەن تەركىپلىرىنىڭ زىيانغا ئۇچرىشىنىڭ ئالدىنى ئېلىپ، كىيىنكى چوڭ تىپتىكى يۈرۈشلەشكەن ئاپتوماتلاشقان زاۋۇت قۇرۇپ چىقىشنىڭ بىر تولۇقلىما ئۈسكىنىسىنى پۇتتۇردۇق. بىزنىڭ نىشانىمىز، يەنە داۋاملىق تەتقىقات، ياساش ئىشلىرىنى تېخىمۇ چوڭقۇر،كەڭ، دائىرىدە ئېلىپ بېرىپ دىيارىمىزدا زامانىۋىلاشقان سانائەت نوقتىلىرىنى قۇرۇپ چىقىشقا ئاساس سېلىش ۋە تەدىرىجى ئەمەلگە ئاشۇرۇش.
قېنى، كەشپىياتقا، ئۇسكىنە لايھەلەش، مىخاينىكا، توكچىلىق، سۇۋاركىچىلىق، قاتارلىق كەسىپلەردىن خەۋىرى بولغان، مۇشۇ ساھەلەردىكى تۈرگە قىزىقىدىغان، مەلۇم سەۋىيىگە ئىگە بولغان، ئەخلاقى ياخشى، بىز بىلەن بىر سەپتە قولنى قولغا تۇتۇشۇپ تېخىمۇ چوڭ نەتىجىلەرنى قولغا كەلتۇرۇشكە بەل باغلىغان يىگىتلەر مەيدانغا چىقمامسىلەر، بىرلىكتە قول تۇتۇشۇپ مۇرىنى مورىگە تىرەپ دىيارىمىزنىڭ سانائەتلىشىش يولىغا بىرلىكتە ئاتلانمامدۇق.
| 
نامسىز يوللىغان ۋاقتى 2014-6-22 14:17:53
