گۆھەر ئابلا: ساداقەت

گۆھەر

ساداقەت

سەھەردە قۇياشتەك پارلاپ ئۆيۈمدە،
ئاشخانا ئۆيۈمگە تۆكۈلەر مېھرىم.
چاقىرىپ سۆيگۈنىڭ ئۆتتەك تەپتىدە،
يىغىدۇ مۇھەببەت بىر چىنە چېيىم.


ناۋادا بىر كۈنلۈك چىقساڭ سەپەرگە،
قارايمەن يولۇڭغا ئەسىر ئۆتكەندەك.
كېچىنىڭ لېۋىگە قونغۇم يوق تەنھا،
كۈتىمەن تەخىرسىز باھار كۈتكەندەك.

تىۋىشىڭ يوللارغا چېچىلغان دەمدە،
بەختتىن كۈلىمەن، كۈلىدۇ ھەممە.
ئۆزەمنى ئۆزەمگە ئوخشاتقىنىم راس،
ئاھ! كىچىك ۋەتىنىم سەن بولغان يەردە...

مەڭلىسا

سەھەردە قۇياشتەك پارلاپ ئۆيۈمدە،
ئاشخانا ئۆيۈمگە تۆكۈلەر مېھرىم.
چاقىرىپ سۆيگۈنىڭ ئۆتتەك تەپتىدە،
يىغىدۇ مۇھەببەت بىر چىنە چېيىم.
    بۇ مىسرانى ئوقۇپ دىلىم يورۇپ كەتتى

تۇردى ئەبەيدۇللا

ياخشىى يېزىپسىز.

imangul

دەيدۇ دانا خەلقىم مېنىڭ ،
ئائىلىنى كىچىك ۋەتەن .
ئاڭا  ئائىلىنى قوغداڭ
چىن مۇھەببەت مېھىر بىلەن .   

ھۇزۇر ئالدىم ساداقەتتىن ،
سۆيۈندۈم چىن مۇھەببەتتىن .
ئىناقلىقتىن  ئاۋام  خەلقىم ،
ياشنىسۇن سەمىمىيەتتىن .   

قەلەملىرى توختىماي يورغۇلاپ تۇرسۇن .   

imangul

ساقلىۋالدىم ، ئەيىپكە بويرىمىغايسىز .

sarwi

گۆھەر(  ئىسمىڭىزنى ئاتىغۇم كەلدى ، گەرچە سىزنى تونۇمىساممۇ ، توغرا چۈشەنسىكەن دېگەن ئۈمىدتىمەن ) ، گۆھەردەك مىسرالارنى تىزىپسىز ، ھەر بىر مىسرادا   پەخىرلىك ھېسلىرىم جەۋلان قىلدىغۇ !؟

ئۆتكۈر قەلىمىڭىزدىن تېخىمۇ گۈزەل مىسرالار ئاپىرىدە بولغۇسى ! كىچىك ۋەتىنىڭىز سىزگە تېخىمۇ كۆپ خۇشاللىقلارنى بەخش  ئەتكۈسى !

hokumran

بىر ئايالنىڭ ئائىلىدىكى ئاياللىق بۇرچىنى ئادا قىلىش جەھەتتىكى ھېس-تۇيغۇلىرىنى، ئارمانلىرىنى ناھايىتى ياخشى ئىپادىلەپسىز.
ئاياللار بالىلارنىڭ ئانىسى، شۇنداقلا دۇنيانىڭ ئانىسى.

نەمرۇل

شائىرەلەر باركەنغۇ بۇيەردە !  

-مېھرى

گۆھەرىم...

1989514637

«ساداقەت»ھەقىقەتەن ياخشى ئىپادىلىنىپتۇ،ساداقەت-« گۆھەر»نىڭ قىممىتىنى تېخىمۇ ئاشۇرغىسى!!