قانۇن: ئاقسۆڭەك تەربىيىسى

ئاقسۆڭەك تەربىيىسى
     
باينى پەيدا قىلماق ئاسان،ئەمما ئاقسۆڭەككە ئۈچ ئەۋلات كىتىدۇ.
—        ئابدىقادىر جالالىدىن

تۇققانلار بالىلارنى ئېلىپ ئۇلامبايدىكى ئات مىنىشنى مەشىق قىلىش مەيدانىگە بارغان  ئىكەن،كەچتە كىلىپ ماڭا مۇنداق تەپسىلاتلارنى سۆزلەپ بەردى: ئات مىنىش مەيدانىنى مەزى بېزىگە گىرىپتار بولۇپ قالغان خەن كىشىسى،دوختۇرنىڭ“ئات مىنىپ بەرسەڭ ساقىيىسەن”دىگەن گىپى بىلەن ئات مىنىشكە ئامراق بولۇپ قىلىپ قۇرغان ئىكەن.ئاتنىڭ ئالدى ئەنگىلىيەدىن ئەكەلتۈرۈلگەن ئىسىل نەسىللىك ئاتلار بولۇپ،بۇلارنىڭ ئىچىدە بىزنىڭ غۇلجا ئاتلىرىمۇ باركەن. ئەنگىلىيەدىن كەلتۈرۈلگەن ئات بەك قۇۋۇل چىرايلىق بولۇپ، ئاتلارنى قازاق بالىلار گەپ ئاڭلايدىغان قىلىۋىتىپتىمىش.ئەنگىلىيە ئېتى قامچىدىن بەك قورقۇدىكەن،چۇنكى ئۇ زوراۋانلىق كۆرمىگەن بولغاچقا، قامچىنى كۆرۈپ قالسىلا چۈچۈپ يېقىن كەلگىلى ئۇنىماي تىركىشىپ تۇرامىش. ئۇيەرگە بارغانلار ئىچىدە بىزدىن باشقا ئۇيغۇر يوق ئىكەن ،ھەر بىر سائەتلىك مەشىق ھەققى 200يۇەن ئىكەن.غۇلجىنىڭ ئاتلىرى ئەنگىلىيە ئېتىغا قارىغاندا جۇغى كىچىك ،ئەنگىلىيە ئېتىدەك ئويناقشىمايدىكەن ۋە قامچىدىن ئانچە قورقۇپ كەتمەيدىكەن...
ئەينى ۋاقىتلاردا دۇنياغا يۈگۈرەكلىگى بىلەن داڭقى كەتكەن غۇلجا ئاتلىرى،ئەمدى زاماننىڭ ئارقىسىدا قالغانمىدۇ؟ “ئىشتانسىزغا ئىش تەگسە،كىچىنى قويۇپ كۈندۈزى چىراق يېقىپتۇ”دىگەندەك،زامانىۋىلاشتۇق دەپ موتو-ماشىنىلارغا چىقىۋېلىپ ئاتلارنى تاشلاپ قويغان ئىكەنمىزدە.ئاتلار  تاللىنىش-شاللىنىش بولمىغانلىغى ئۈچۈن پەرۋىش قىلىشتىن قالغان گۈلدەك سولىشىپ،ھارۋىغا –قوشقا قېتىلغاچقا كالا-ئىشەكنىڭ خۇيىنى ئېلىپ قېلىپ، ئاتا-بوۋىسىنىڭ ئەسلىنى يوقاتقان چېغى! باشقىلار بۇرۇنلا زامانىۋىلىشىپ بولغان بولۇپ،ئورتاق گۈللىنىشتىن ئاتلىرىنىمۇ تەڭ بەھرىمان قىلغان،ئەيسا پەيغەمبەرنىڭ مىھرى-مۇھەببىتىنى  ھەممىگە تەڭ، ھەتتا ئات-ئىشەكلەرگىچە قوياش نۇرىدەك چاچقان ئىكەن.ئەجەپ دەيمەن،يەھۇدى ماركىس لۇندۇن كۈتۈپخانىسىدا ئولتۇرغان ئورنىدىكى پولغا پۇتىنى سۈركەۋىرىپ، ئويمان قىلىۋەتكىچە ئىجتىھات قىلىپمۇ ئەيسانىڭ مۇرتلىرىنى كومۇنىست قىلالماي،بىزدەك “يىراقتىكى موللام دا موللام”دەيدىغان،لۇندۇندىن يىراق ئوتتۇرا ئاسىيادىكى مۇسۇلمان ئۈممەتلىرىنى تەسىرلەندۈرۈۋېتىپتىكىنا!بۇنىڭ ئىككى ئاتنىڭ ھازىرقى پەرقى بىلەن، قانداق مۇناسىۋىتى باردۇ؟
كومىنىزىم ياۋرۇپادا مەيدانغا كىلىپ،ئاسىيادا بازار تاپقىنى قىزىق!باشقىلار ياخشى بولسا ئۆزى ئېلىپ قالماي بىزگە بىرىۋىتەرمىدى؟ ھېلىقى گىتلىر دىگەن يالماۋۇز 《مىنىڭ كۆرەشلىرىم》دىگەن  كىتابىدا:“كومىنىزىملىق يەھۇدى ئىلمى تەبىئەتتىكى ئاقسۆڭەكلىكنى پاك-پاكىز يوقىتىدۇ،ئۇ قەيەرگە بارسا شۇيەرنى چۆل-جەزىرىگە ئايلاندۇرۇپ ئۆت-چۆپ يېشىللىق دىدارى قويمايدۇ،ئۇ ئالەمگە تەدبىقلانسا ئالەمنىڭ ھەركىتى قالايمىقان بولۇپ خاراپ بولىدۇ،مەن تەڭرى ئۈچۈن ئۇنى يەرشارىدىن يوقىتىمەن. ”دەپ ئازكەم 100يىل ئىلگىرى يازغانكەن.ئاخىرىدا يوقىتىش ئۇياقتا تۇرسۇن ئۆزىنى ھالاك قىلىپ يوقىدى،تەڭرىگە ئۇنىڭ ياردىمى كىرەك ئەمەس بولسا كىرەك.تەڭرى خالىغىنىنى قىلاركەن،كىچە-بىلەن كۈندۈز ئالماشقاندەك،ياخشى بىلەن يامانغا ئۆز تەغدىرىنى ئاتا قىلاركەن.
تەڭرىنىڭ يارىتىشىدا، 78:22 لىك نىسپەت قانۇن قىلىنغان ئىدى.شۇڭا،قۇرۇقلۇق22،دېڭىز78؛ ھاۋا دىكى ئوكسىگىن 22،نىتروگىن 78؛ ئادەم بەدىنىدىكى باشقا ماددىلار 22، سۇ 78؛ دۇنيادىكى بايلار 22نىسپەتنى،نامراتلار 78نى ئىگەللەيدىكەن.ئادەم بەدىنىڭ سۇسىزلىققا بەرداشلىق بىرىش كۈچى 7 كۈن بولۇپ،ئېغىر سۇسىراپ ھاياتى ئاخىرلىشىدىكەن.دىمەك بۇ نىسپەت ئۆزگەرمەس تەڭرى قانۇنى بولۇپ،مۇشۇ 22%ئادەم دۇنيا ئىقتىسادىنى قولىدا تۇتۇپ تۇرىدۇ دىگەنلىك بولىدىكەن. بومبۇر ساقال ماركىس خىيالىدا نامراتلارغا كۆڭۈل بولىمەن دەپ، بۇ نىسپەتنى بۇزۇپ دۇنيا تەرتىۋىنى قايتا تۈزۈپ چىقماقچى بولسا كىرەك.تەڭرى ماركىسنىمۇ قېنى قىلىپ باقە قانداق قىلىسەنكىن دىدى، ئاخىرى ئۇنىڭغىمۇ تەڭرىنىڭ ئالدىدا ئاتىكاچىلىق قىلغىلى بولمايدىغانلىغىنى كۆرسىتىپ قويغان ئىدى.
تازا چاپ-چىپ تۇرغان جەڭ ئېتىنى قوتانغا سولاپ قويۇپ،ئىككى كۈنلا ھارۋا بىلەن قوشقا قاتسا ئۇنىڭ روھى تۈگەشتى دىگەنشۇ،ئۇ جەڭگە قايتا يارىماسلىغى تۇرغانگەپ ئىدى.ئەر-ئايال باراۋەر دەپ شۇئار توۋلاپ تەڭ ھەمنەپەس بولدۇق ،ئاخىرى ئەر بىلەن ئايالنى بىر-بىرىگە پەرقلەندۈرگىلى بولمايدىغان دەرىجىدە ئارلاشتۇرىۋىتىپ،ئاخىرى يەنە بولمىدى “دۇنيا ئەردەپ يىغلايدۇ”دەپ نىدا قىلىشقا مۇجبۇرلاندۇق!  يەر مەيدانى ئۇيغۇرنىڭ بىر ۋىلايىتىگە ئاران تەڭ كىلىدىغان ياپۇن پاكارلىرى،نىمىگە بۇنچىلىك چوڭچىلىق قىلىدىكىن دىسەم، ئەسلى ئالدى بىلەن ئاياللىرىغا ھۆكۈمىرانكەن ئەمەسمۇ؟!ئۇلارنىڭ تۈزىمى شۇنداق ئىكەن،قىزلارنى كامالىغا يەتكۈزۈپ تەربىلەپ،تۇرمۇش قۇرغاندىن كىيىن ئاساسەن ئائىلىدە بالا تەربىلەشكە سالىدىكەن.بالا ئاتا-ئانا مىھىرىگە قېنىپ چوڭ بولىدىكەن،ھەم ئانىنىڭ ئالى مەلۇماتى كەلگۈسى ئەۋلاتلىرىدا نامايەن بولىدىكەن.ئېرى خىزمەتتىن قايتىپ ئۆيگە كىرگەن ھامان، يېنىغا ئۇششاق-سىلىق يورغىلاپ كىلىپ، خۇش تەبەسسۇم بىلەن تازىم قىلىپ قارشى ئالاركەن.دىمەك،ئەرنىڭ دۇنيا ھوكىمىرانلىغى،مۇشۇنداق ئائىلىدىن باشلىناركەن!
شۇڭا غۇلجا ئېتىنىڭ بۈگۈنىگە، ئانچە ھايران قالغىلىمۇ بولمايدىكەن!

سەدەف

ياپونلار: <<ئەركەكلەر دۇنيانى بىنا قىلغۇچىلاردۇر>>--ئەقىدىسىدە چىڭ تۇرۇۋاتىدۇ.