سايرام قېتىقى

مۇزات0997

سايرام قېتىقى

باي ناھيە سايرام بازىرنىڭ قېتىقى داڭلىق بۇلۇپ، قېتىقىنىڭ ئۇزۇقلۇق ۋە داۋالاش قىممتى يۇقىرى،تەمى ئالاھىدە ئۇيۇتۇش تېخنىكىسى ئۆزگىچە بۇلۇپ ئاپتۇنۇم رايۇنىمىز ئىچىدە داڭلىق.بۇ قېتىق يېقىنقى يىللاردىن بۇيان‹سايرام قېتىقى›دىگەن تاۋار ماركىسى بىلەن ئەنگەئېلىنىپ ،ناھىيىمىز ئىچى-سىرتىدا بارغانسىرى كىشلەرنىڭ قارشى ئىلىشغا ئىرشپ كەلدى.
     1.قېتىقنىڭ ئاساسلىق خام ماتىريالى:يېڭى كالا سۈتى، كالا سۈتى ئاقسىل، لاكتوزا، ۋىتامىن ۋە مول مېنىرال ماددىلاردىن تەركىب تاپقان. تەييارلانغان يېڭى كالا سۈتى داكا ئارقىلىق سۈزۈلىدۇ.
    2.سۈزىۋېلىنغان كالا سۈتىنى قۇرۇق قازانغا قۇيۇپ سۇس ئوتتا 10مىنۇتتىن 15 مىنۇتقىچە قاينىتىلىدۇ، قاينىتىش جەريانىدا توختىماي سورۇيمىز.قايناتقاندا سۈت تەركىبدىكى مىكروبلار  يوقىلدۇ.
   3.قاينىغان سۈتنى قاچىغا قۇيۇپ℃42-43 گىچە سوۋۇتىلدۇ، تېمپۇراتۇرسى يۇقۇرى بۇلۇپ كەتسە سۈت كىسلاتا باكتېرىيسىنىڭ ئاكتىپچانلىقى يوقاپ كېتىدۇ-دە،قېتىقنىڭ سۈپەتلىك ئۇيىشىغا تەسىر يېتىدۇ.
   4. چىنىدىكى سوۋۇتۇلغان سۈتكە بىر قوشۇقتىن كۇنەگە سېلىنىدۇ، كۇنەگە تەركىبىدىكى سۈت كىسلاتا باكتىريىسى سۈت كىسلاتاسىنىڭ ئېچىشىنى ئىلگىرى سۈرىدۇ.
   5.كۇنەگگە سېلىنغان سۈتنىڭ ئاغزىنى يېپىپ ھىم ئەدىيالغا  ئوراپ قويسىمىز بۇنداق قىلىشتىكى مەقسەت سۈت تېمپۇراتۇرسىنى مۇقىم ھالەتتە ساقلاش ،ھەمدە ئېچىش ئۈچۈن سۈت كىسىلاتا باكتېرىيسىنى ئوكسىگىنسىز شارائىت بىلەن تەمىنلەشتىن ئىبارەت.مۇشۇ ھالەتتەتىنىچ قويساق ،سۈت 8-10 سائەتكىچە ئېچىپ ئۇيغان ھالەتكە كېلىدۇ.يەنى سۈت قەنتى ئالدى بىلەن لاكتوزا ئېنزىمىنىڭ تەسىتى ئاستىدا ئاددى قەنتكە پارچىلىندۇ،ئۇندىن كېيىن ئاددى قەنتلەر سۈت كىسىلاتا باكتېرىيسىنىڭ تەسىرى ئاستىدا مۇرەككەاپ ئۆزگىرىش جاريانى ئارقىلق ئۇيىغان ھالاتتىكى قېتىق شاكىللىنىدۇ.
سۈتنىڭ قېتىققا ئايلىنىش جاريانى تۆۋاندىكىچە:
   سۈت قانىتى +سۈت كىسلاتاباكتېرىيسى مۇقىم تېمپۇراتۇرا   ئۇيىغان قېتىق                                 
شارائىت  ئوكسىگنىسىز
ئۇيىغان قېتىقنىڭ راڭگى ئاق، پارقىراق بولىدۇ. قېتىقنىڭ تەركىبىدە سۇ، ئاقسىل، سۈت كىسلاتاسى، ۋىتامىن، فوسفات كىسلاتاسى، يۇپۇرماق كىسلاتاسى، كاربۇن-سۇ بىرىكمىلىرى ۋە مول مىقداردا مېنىرال ماددىلار بۇلۇپ، سۆڭەك شالاڭشىشنىڭ ئالدىنى ئېلىش، قان بېسىمنى چۇشۇرۇش، ئىممونتىت كۈچىنى ئاشۇرۇش، ئىشتىھانى ئېچىش قاتارلىق رولى بار.

BUHRA

تولۇق يىللىق تاللانما1-كىتاپىدا بىئو-تەخنىكا دىگەن كىتاپتا قېتىق ئۇيۇتۇش تەخنىكىسى سۇزلىندۇ،بوسا بىزنىڭ ئەننەۋې بىئو-تەخنىكا ئۇسۇلىمىزدىن پايدىلىنىپ نەنداغا ئۇخشاش داڭلىق زاۋۇت،مەسۇلات يارتايلى،ئۇغۇز قېتىقلىرى بۇغراياكى بۇغدا قېتىقلىرى،

باھاردا

مەن قىتتىق ئىچىشكە ئامراق

مەن قېتىق ئېچىشنى بەك - بەك ياخشى كۆرىمەن  ...

مەڭلىسا

بايغا بېرىپ  سايرام قېتىقىنى ئىچمەي كەلسىڭىز  خۇددى بايغا بارمىغاندەكلا  

Jackie

بۇرۇننىڭ بۇرۇنىسىدا مەلۇم بىر قوشۇن مەلۇم سەۋەپلەر تۈپەيلىدىن بايغا كېلىپ سايرام ئەتىراپىغا چۈشكۈن قىلىپتۇ. ئۇلار سايرام قېتىقىنىڭ داڭقىنى بۇرۇنلا ئاڭلىغان بولغاچقا ھەر كۈنى ئاھالىگە قېتىق ئالۋىڭى سېلىپ بەكلا تويغۇزىۋېتىپتۇ، خەلىق بۇ قوشۇننىڭ قېتىق ئالۋېڭىدىن بەكمۇ زېرىكىپتۇ. بىر كۈنى بىر ئەقىللىق ئايال بىر ئامال ئويلاپ تېپىپتۇ ۋە بۇ ئامالنى ئۆيىدىكىلەر بىلەن مەسلىھەتلىشىپ ماقۇللۇقتىن ئۆتكۈزۈپتۇ.
ئەتىسى قېتىق يىغىشقا مەسئۇل لەشكەرلەر ئۇ ئايالنىڭ ئۆيىگە كەلگەندە ئايال نان، چاي قېتىق بىلەن ياخشى كۈتىۋاپتۇ، لەشكەرلەر قېتىق ئىچىپ ئولتۇرسا ئۇ ئايالنىڭ كىچىك ئوغلى يۈگۈرۈپ كىرىپ:
_ئاپا چاتاق بولدى، تەخەي ئانىسىنى ئېمىۋالدى-دەپتۇ، ئۇ ئايال يالغاندىن ئاچچىقلاپ:
_ھۇ بەدبەخ، مەن ساڭا تەخەينى ياخشى باغلا دېگەنغۇ، ئەمدى تەخەي ئانىسىنى ئېمىۋالغان بولسا مەن قايسسى سۈتنى سېغىپ قېتىق ئۇيۇتىمەن-دەپتۇ. بۇنى ئاڭلىغان لەشكەرلەر ئايالدىن:
_بۇ نېمە گەپ-دەپ سورىسا، ئۇ ئايال لەشكەرلەرگە:
_بەگلىرىم، ئۆيىمىزدە سېغىن كالا يوق، ئۇنىڭ ئۈستىگە سېغىن كالا بولسۇن بولمىسۇن چوقۇم سىلەرگە قېتىق ئۇيۇتۇپ بەرمىسەك بولمايدۇ. بۇ مەزگىلدە ئۆيىمىزدىكى ئىشەك تەخەيلىدى، شۇڭا ئامال يوق......-دەپ يەرگە قاراپ تۇرۇپتۇ. لەشكەرلەر بولسا:
_ساڭا لەنەتلەر بولسۇن- دەپ تىللىغىنىچە چىنە-تاۋاقلارنى سۇندۇرۇپ چىقىپ كېتىپتۇ، باي خەلقىمۇ قېتىق ئالۋىڭىدىن قۇتۇلۇپتۇ.
شۇنىڭدىن كېيىن بايغا ‹ئىشەك قېتىقى› دېگەن لەقەم سىڭىپ قالغانكەن.
مەنمۇ بايغا بېرىپ قالسا سورۇنغا چىققان قېتىقنى ‹كالىنىڭ قېتىقىدۇ-ھە؟!› (چاقچاق قىلىپ) دەپ قويىمەن، ئاغىينىلىرىممۇ جاۋابەن ‹ھازىر بايدا سېغىن كالا قالمىدى ئاداش، سورىماي ئىچىۋەرگىن› دەپ چاقچاقلىشىپ قويىمىز.
_