بۇ يازمىنى ئاخىرىدا 1989514637 تەھرىرلىگەن. ۋاقتى 2014-6-6 16:54
ئايرۇپىلانغا ئولتۇرغاندا نىمىلەرگە دىققەت قىلىش كېرەك؟ ئىقتىزاتنىڭ ئۇچقاندەك تەرەققىي قىلىشى، دۆلەتلەر،رايۇنلار ۋە كىشىلەر ئارا بولغان ئىجتىمائىي ئالاقىنىڭ ئۆزلۈكسىز كۈپۈيىشىگە ئەگىشىپ، كىشىلەر مەيلى كاماندۇروپكا،ساياھەت،تۇققان يوقلاش،ئۈگۈنۈشكە بېرىپ- كېلىشلەدە بولمۇسۇن، ئايرۇپىلاندىن ئىبارەت زامانىۋېي قاتناش قورالىنى تاللايدىغان بولدى.بىراق،ئۇلار دىققەت قىلىشقا ۋە بىلىۋېلىشقا تىگىشلىك ئاددىي ساۋاتلاردىن تولۇق خەۋرى بولمىغاچقا،ئايرۇوپىلانغا ئولتۇرۇش ۋە يۈك-تاق توشۇش جەريانىدا،زۆرۈر بولمىغان ئاۋارىچىلىق ۋە ئورۇنسىز چىقىملارنى تارماقتا.شوڭا،يولۇچى دوسلارنىڭ ئايرۇوپىلانغا ئولتۇرۇش ۋە يۈك-تاق توشۇش جەريانىدا تۆۋەندىكى بىر قانچە نوقتىغا ئالاھىدە دىققەت قىلىشىنى سەمىيمى ئەسكەرتىپ ئۆتۈمەن: (1) ئايرۇپىلان بېلىتىنى چوقۇم ئېناۋەتلىك گۇۋانامە،ئىسپاتقا ئاساسەن سېتىۋېلىش،بېلەت ئۇچۇرىنى مۇناسىۋەتلىك گۇۋانامە-ئىسپاتلاردىكى مەزمۇن بىلەن ئېنچىكە سېلىشتۇرۇش،قىلچە مەسىلە يوقلىقى موقۇمدالغاندىن كىيىن،ئاندىن پۇل تۆلەش كېرەك.ئەگەر ۋاقتى ئۆتكەن،ئېناۋەتسىز گوۋانامە-ئىسپات بىلەن بېلەت سېتىۋالغاندا ،ئايرۇپىلانغا ئولتۇرۇش رەمىيىتىنى بىجىرەلمەسلىكىڭىز ياكى بىخەتەرلىك تەشۈرۈشتىن ئۆتەلمەي،ۋاقىت ۋە ئىقتىزادىي جەھەتتىن زىيان تارتىشىڭىز مۇمكىن؛ (2)ئولتۇرماچى بولغان ئايرۇپىلاننىڭ قايسى شىركەتنىڭ،قانچىنچى نۆۋەتلىك ئايرۇپىلان،قايەر (قايسى ئايرۇدۇرۇم،قانچىنچى بىنا،قانچىنچى ئېشىك) دىن،قايسى كۈنى،سائەت نەچچىدە ئۇچۇپ،قايسى ئايرۇدۇرۇمنىڭ قانچىنىچى كۈتۈش بىناسى ئالدىغا قونۇدىغانلىغىنى ئېنىق بىلىۋېلىش كېرەك،ئامال بار ئىككى سائەت بالدۇر ئايرۇپورتقا يېتىپ بېرىپ،مۇناسىۋەتلىك رەسمىيەتلەرنى بىجىرىپ،يۈك-تاقلارنى ئۆتكۈزۈپ،ۋاختىدا بىخەتەرلىك تەكشۈرۈشتىن ئۆتۈش كېرەك. ئەگەر،يول توسۇلۇپ قېلىش،ماشىنا بۇزۇلۇپ قېلىش، ئايرۇپورتقا،كۈتۈش بىناسى ياكى ئايرۇپىلانغا چىقىش ئېشىككە خاتا بېرىپ قېلىش سەۋەبىدىن ۋاختىدا رەسمىيەت بىجىرمىسە ياكى ئايرۇپىلانغا ۋاقتىدا چىقمىسا،بۇنىڭغا ئاۋياتسىيە شىركەتلىرى ياكى ئايرۇدۇرۇم مەسئۇل بولمايدۇ. (3) نۆۋەتچى ئايروپىلانلار مەملىكەت ئېچىدە بىردەك بېيجىڭ ۋاختى قولىنىدۇ،كېچە سائەت 24تە(ئۈرۈمچى ۋاقتى 10دا) ،يەنى 0دىن كېيىن چىسلانىڭ ئالمىشىدۇ ،خەلقارالىق نۆۋەتچى ئايروپىلانلار قايسى دۆلەتتىن ئۇچقان بولسا شۇ رايۇننىڭ ۋاقتىنى ئاساس قىلىدۇ،شۇڭا يولۇچىلار ۋاقىتقا،ۋاقىت پەرقىگە ئالاھىدە دىققەت قىلىش كېرەك،ئەگەر چىسلانىڭ ئالمىشىش ياكى رايۇنلارنىڭ ۋاقىت پەرقىنى خاتا چۈشۈنىش سەۋەبىدىن كېچىككەنلەرگە قارتا،ئاۋياتسىيە شىركەتلىرى ياكى ئايرۇدۇرۇم مەسئۇل بولمايدۇ. (4)يولىچىلارنىڭ ئىناۋەتلىك دەرىيجىسى ، سېتىۋالغان بېلەت باھاسى ، مەملىكەت ئىچى ياكى خەلقارالىق نۆۋەتچى ئايروپىلارنىڭ ئوخشىماسلىقىغا قاراپ،ئۇلارنىڭ ھەقسىز توشۇشقا ھاۋالە قىلىدىغان يۈك-تاق ئېغىرلىقى ئوخشىاش بولمايدۇ،ئادەتتە ئۆلچەمدىن ئېشىپ كەتكەن قىسمىغا ئېلىنىدىغان ھەق بىر قەدەر يوقۇرى بولۇدۇ،يەنى ئۇچۇش ئارلىقىنىڭ ئۇزۇن-قىسقىلىقىغا قاراپ،ھەر كىلوگىرامىغا نەچچە ئون يۈئەندىن- نەچچە يۈز يۈئەنگىچە ھەق ئېلىنىدۇ.شۇڭا،بىرگە ئېلىپ ماڭىدىغان يۈك-تاقنىڭ ئېغىرلىغىنى ئىمكان بار كونتۇرول قىلىش،ئېلىشنىڭ زۈرۈريىتى بولمىغان نەرسىلەرنى ئىمكان بار ئالماسلىق ياكى باشقا قاتناش ۋاستىلىرىدا توشۇشقا ھاۋالە قىلىش كېرەك.ئۇندىن باشقا،توشۇشقا ھاۋالە قىلىغان يۈك-تاقنىڭ ھەجىمى 100:60:40س م،بىرگە ئېلىپ ماڭىدىغىنىڭ ھەجىمى55:40:20س م دىن چوڭ بولۇپ كەتمەسلىكى ھەم پۇقتا ئوراپ قاچىلاش كېرەك. (5) ئايرۇپىلانغا ئولتۇرغاندا دۆلەتنىڭ بىخەتەرلىك بەگۈلىمىلىرىگە ئالاھىدە دىققەت قىلىش كېرەك.توشۇش چەكلەنگەن نەرسىلەر يەنى قۇرال ،ئوق-دورا،ھەربى-ساقچى ئۈسكىنىلىرى ھەم ئۇنىڭ پارچە سايمانلىرى،پىچاق ۋە باشقا تىغلىق ئەسۋاپلار،پارتىلاتقۇچ بۇيۇملار،زەھەرلىك بۇيۇملار،رادىيوئاكتىپلىق ماددىلار،چىرىتكۈچى ماددىلار،ئاسان ئوت ئالىدىغان،يېنىشچان ماددىلار ۋە خېروئىن،نەشە،ئەپيۇن قاتارلىق زەھەلىق چىكىملىك قاتارلىقلارنى تۇشۇشقا ھاۋالە قىلىش ياكى ئايرۇپىلانغا بىرگە ئېلىپ چىقىش مەنئى قىلىنىدۇ،خىلاپلىق قىلغۇچىلارنىڭ قىلمىشىنىڭ ئېغىر-يېنىكلىكىگە قاراپ،شۇ مال-مۈلكى مۇسادىرە قىلىنىش بىلەن بىرگە شۇ ېتىملىق نۆۋەتچى ئايرۇپىلانغا ئولتۇرۇشى چەكلنىدۇ ياكى جاۋاپكارلىقىنى سۈرۈشتۈرۈش ئۈچۈن مۇناسىۋەتلىك ئورونلارغا ئۆتكۈزۈپ بىرىلىدۇ. (6) سەپەرگە چىقىشتىن بۇرۇن ئامال بار ھاراق ئېچمەسلىك،ئىچكەندىمۇ مۇئاپىق مىقتاردا ئىچىش كېرەك،كۆپ ئىچىپ قويغاندا ،بەلكىم ۋاقىتنى توغرا مولچەرلىمەسلىك ياكى كۈتۈش بىناسى،چىقىش ئىشىگە خاتا بېرىپ قېلىش سەۋەبىدىن كېچىكىپ قېلىشى مۇمكىن،ئۇندىن باشقا خۇدىنى يۇقاتقان،ئۆز ھەركىتىنى كونتۇرول قىلالمايدىغان ئېغىر مەسلەرنىڭ ئايرۇپىلانغا ئوتۇرۇشىغا يول قويۇلمايدۇ. (7)قىممەت باھالىق(كىلوسى100.00يۇەندىن يوقىرى)بويۇملار يەنى قاشتېشى، ئالتۇن-كۈمۈش،ئۈنچە-مەرۋايىت، قول تېلپۇنى ، رېسىم ئاپىراتى، خاتىرە كومپىيوتىر ۋە تۈرلۈك ئېلىكتىرمايلار ياكى زەرەتلىنىدىغان تېلپۇن مېيى قاتارلىق بۇيۇملارنى ھەم تىرىك ھايۋان،ئۆي قۇشلىرى، ياۋايى قۇشلارنى ھاۋالە قىلىپ توشۇشقا تاپشۇرۇشقا بولمايدۇ،ئەگەر تاپشۇرۇشقا توغرا كەلسە چوقۇم مۇناسىۋەتلىك ئورۇن ۋە خادىملارنىڭ روخسىتىنى ئېلىپ،رەسمىيەت بىجىرىش لازىم.ئۇندىن باشقا،مىقتارى 100م ل دىن كۆپ بولغان سويۇق،مەلھەم شەكلىدىكى تۈرلۈك گېرىم بويۇملىرى،دورا،ئېچىملىك ياكى سۇيۇقلاندۇرۇلغان گازدىن ئېشلەنگەن،بېسىم بىلەن قاچىلانغان تۇرمۇش بۇيۇملىرى،چاقماق،ئۆتكۈر پوراقلىق يېمەكلىكلەرنى ئايرۇپىلانغا ئېلىپ چىقىشقا يول قويۇلمايدۇ. (8)ئېغىر،خەتەرلىك كېسەللەرنىڭ ئايرۇپىلانغا ئولتۇرۇشىغا چەك قويۇلىدۇ،ئەگەر ئايرۇپىلاندا ئولتۇرۇشىقا توغرا كەلگەندە،چوقۇم ناھىيە دەرىيجىلىكتىن يوقىرى دۇختۇرخانىنىڭ ئىسپاتى بىلەن،بەلگۈلەنگەن بېلەت سېتىش ئورنىغا بېرىپ،بېلەت سېتىۋېلىشى كېرەك. شىنجاڭ ئايرۇپورت گۇروھى خۇتەن تارماق شىركېتىدىن ئاينۇر مەمەتئېيسا | 
يوللىغان ۋاقتى 2014-6-6 16:52:21
