توي قىلغان كۈنۈم

ئازادجان ئىبراھىم

توي قىلغان كۈنۈم

ئازادجان ئىبراھىم

كۆرەلمەس دۈشمەنلىرىم ئوسال بولۇپ،

ئەزىز دوستلار ئاجايىپ خوشال بولۇپ،

ياخشىلىقتىن كۆپچىلىك خۇرسەن بولۇپ،

قىزغىن ساما سالغان ئىدى توي قىلغان كۈنۈم.

مۇبارەكلەپ قۇتلۇق كۈننى  قارشى ئېلىپ،

ناخشا ئېيىتىپ ئۇسۇل ئويناپ سازلار چېلىپ،

كۆڭۈل ئىزدەپ ئۇزۇن-ئۇزۇن يوللار مېڭىپ،

دوستلىرىم كەلگەن ئىدى توي قىلغان كۈنۈم.

ئاتا-ئانام،ئۇرۇقتۇققان قېرىنداشلىرىم،

ئەل- جامائەت، قۇلۇم- قوشنا يۇرتداشلىرىم،

ئەل-ئاغىنەم، سۆيۈملۈك ساۋاقداشلىرىم،

نەغمە –ناۋا قىلغان ئىدى توي قىلغان كۈنۈم.

ھۆسۈن قوشۇپ مېنىڭ شۇ قۇتلۇق كۈنۈمگە،

جۆر بولۇپ مۇڭلار قېتىپ  شادلىق كۈيۈمگە،

ھەر تەرەپتىن يىغىلىپ ئاۋام  ئۆيۈمگە،

ئىخلاسىنى بەرگەن ئىدى توي قىلغان كۈنۈم.

2014-يىلى 2-ئاينىڭ 17كۈنى ئۈرۈمچى

غۇرۇر

تەشەككۈر،  كۈندە ئۆيىڭىزدە توي  خۇشاللىغى ئۈزۈلمىسۇن.

ئازادجان ئىبراھىم

رەخمەت !تىلەكلىرىڭىز خوش بولدۇم.سىزگىمۇ ،بەخىت ئامەت ،خوشاللىق  مەڭگۈ يار بولسۇن!!!

ئازادجان ئىبراھىم

قالغان كۆڭۈل كەلمەس ئاسان ئەسلىگە
ئازادجان ئىبراھىم
نىمە يەتسۇن ئېناقلىققا،ئۆملۈككە،
ئېناقسىزلىق قىسقارتىدۇ ئۆمرۈڭنى.
ئۆچەكەشمە ئۆزگى بىلەن ئېناق ئۆت،
ئىتتىپاقلىق ئۆستۈرىدۇ كۆڭلۈڭنى.

  ئادەم دېگەن  بولمايدىكەن نۇخسانسىز،
نۇخسانسىزلار تېپىلمايدۇ ئىزدىسەڭ.
سەنچە قايىل بولامدىكەن ئۆزگىلەر،
مانا بارغۇ نۇخسانسىزلار بىز دېسەڭ.

كىبىرلىكتىن تەمەننادىن يىراق بول،
كىچىك بولساڭ چوڭغا بولسۇن ھۆرمىتىڭ.
كىچىكلەرنى كۆزگە ئىلماي كەمسىتمە،
كىچىككىمۇ بولسۇن يۈكسەك ئىززىتىڭ.

ئۆزۈڭنىمۇ ،ئۆزگىنىمۇ ھۆرمەتلە،
ھۆرمەتلەنسەڭ ئاشار سېنىڭ شۆھرىتىڭ.
بالا بولۇر ھامان ئالتۇن بېشىڭغا،
ئۆزگىلەرگە قىلىپ يۈرگەن تۆھمىتىڭ.

يۇمۇلغۇچە كۆزۈڭ مۇشۇ دۇنيادىن،
ئۇچىرايدۇ ئادەملەرنىڭ ھەرخىلى.
قان يۇتقۇزسا ساڭا دائىم بىرلىرى،
ئىلھام مەدەت ، بىرىدىكەن سەرخىلى.

بولسۇن سەندە ئەدەپ، ئەخلاق ،پەزىلەت،
كەڭ قۇرساق بول ئەلدىن ئورۇن تالاشما.
ئادەم تۇرۇپ ئۆزۈڭ شۇنداق ئەقىللىق ،
ئىتنى دوراپ  ئىت بىلەن تەڭ  قاۋاشما.

يېقىشلىق بول ئوخشاش كۆرۈپ ھەممىنى،
بانا تېپىپ  تەتۇر قاراپ يۈرمىگىن.
ئوچۇق چىراي نۇرلاندۇرار ئادەمنى،
ئېچىلماستىن ئەلگە  قاپاق تۇرمىگىن.

راۋاج تاپماي ئۆتىدىكەن دۇنيادىن ،
جىدەل قىلىپ سېنىڭ –مېنىڭ دېگەنلەر.
ئاز ئەمەسقۇ قىلىپ ئەلگە يامانلىق،
ئۆزگۆشىنى ئۆزى چىشلەپ يىگەنلەر.



گۈللىنىسەن روناق تېپىپ كۈنسىرى،
قىلىپ تۇرساڭ ئاز بولسىمۇ ساخاۋەت.
ئۆزگىلەرنى ھاقارەتلەپ تىللىساڭ،
تۈگۈمەيدۇ مەڭگۈ ئاغرىق ئەداۋەت.

كىم بىرىدۇ ساڭا شۇنداق ياخشىنى ،
بىرلىرىنى بىرلىرىگە داتلىساڭ.
كىلەر پەقەت  بەخىت،ئامەت،خوشاللىق ،
ياخشىلىقتا قوياش كەبى چاقنىساڭ.

ئۆتىۋالماي ھەممە ئىشتا ئالدىغا ،
چەتتە تۈرۈپ  ئۆزگىلەرگە يول بەرسەڭ،
ھۆرمەتلەيدۇ  ئەلمۇسېنى بىر ئۆمۈر.
سالام-سائەت  قىلىپ چوڭغا قول بەرسەڭ،

ئازاربەرسەڭ ئۆزگىلەرگە ئورۇنسىز،
سەنمۇ قالىسەن بىر كۈنلەردە خارلىنىپ.
چۈشۈنىسەن ھامان بىركۈن ياخشىنى،
قالغىنىڭدا يامانلارغا ئالدىنىپ.



نۇرلاندۇراي دېسەڭ ئەگەر ئىچىڭنى،
بىلىم –ھېكمەت ئۆگىنىشتىن ئېرىنمە.
ياخشى ھەركەت ،ياخشى ئىشقا يېقىن بول،
يامان ئىشقا ،يامانلىققا بېرىلمە.

يامانلىقنى قىلىۋالدىم  دېمىگىن،
كىم قىلسىمۇ قىلىدىكەن ئۆزىگە،
ياخشىلارنى دائىم يامان دېگەننىڭ،
تىكەن كىرىپ كور بولىدۇ كۆزىگە.

بولسىمۇگەر تاجۇ تەختىڭ ئەمىلىڭ،
ھاقارەتلەپ ئالما چوڭنىڭ يۈزىدىن.
كەمتەر بولغىن چەكتىن ئېشىپ كەتمىگىن،
تەلىم ئالغىن دەنالارنىڭ سۆزىدىن.

ھايات دېگەن نىمە ئۇنى بىلىپ قوي،
ئوخشار ھايات خۇددى باھار پەسلىگە.
ئۆزگىلەرنى خوشال قىلغىن ،رەنجىتمە،
قالغان كۆڭۈل كەلمەس ئاسان  ئەسلىگە.