2014-يىللىق جۇڭگو شىنجاڭ تەكلىماكاننى ئايلىنىش راللى مۇسابىقىسى باش...

جانان

2014-يىللىق جۇڭگو شىنجاڭ تەكلىماكاننى ئايلىنىش راللى مۇسابىقىسى باشلاندى

     مەملىكەتلىك تەنتەربىيە ئىدارىسى ئاپتوموبىل-موتوسكلىت ھەرىكىتىنى باشقۇرۇش مەركىزى تەستىقلىغان ، جۇڭگو ئاپتوموبىل ھەرىكىتى بىرلەشمىسى ۋە شىنجاڭ ئۇيغۇر ئاپتونوم رايونلۇق خەلق ھۆكۈمىتى بىرلىكتە ئۆتكۈزگەن 2014-يىللىق جۇڭگو شىنجاڭ تەكلىماكاننى ئايلىنىش (خەلقئارا) راللى مۇسابىقىسى 25-ماي چۆچەك شەھىرىدە باشلاندى .
    ئىگىلىنىشىچە ، بۇ نۆۋەتلىك مۇسابىقىگە 120 ئاپتوموبىل ، 28 موتوسكلىت ۋە دۆلەت ئىچىدىكى داڭلىق ئاپتوموبىل ئەترەتلىرى قاتناشقان . بۇ يىللىق مۇسابىقە داۋاملىق تۈردە شىمالىي شىنجاڭ ۋە شەرقىي شىنجاڭ رايونىدا ئېلىپ بېرىلىدىغان بولۇپ ، ئاپتوموبىللار چۆچەكتىن يولغا چىقىپ ، ئورقۇ رايونى ، رەڭدى كىرىش (ۋۇسەيۋەن)، پىچاندىن ئۆتۈپ قومۇلغا كېلىپ توختايدىكەن . مۇسابىقىنىڭ ئومۇمىي مۇساپىسى تەخمىنەن 4300 كىلومېتىر ، بۇنىڭ ئىچىدە ئالاھىدە مۇسابىقە رايونى 2609 كىلومېتىر. مۇسابىقە مەزگىلىدە ئۈچ كۈنلۈك دەم ئېلىش ۋاقتى ئورۇنلاشتۇرۇلىدىكەن .
  
  بۇ يىل تەكلىماكاننى ئايلىنىش مۇسابىقىسى ئېلىپ بېرىلىۋاتقانغا ئون يىل بولغان يىل ، ھەمدە بۇ نۆۋەتلىك مۇسابىقە جۇڭگو دالا مۇسابىقىسى تارىخىدىكى مۇسابىقە مۇساپىسى ئەڭ ئۇزۇن مۇسابىقە ھېسابلىنىدۇ .
    تەكلىماكاننى ئايلىنىش راللى مۇسابىقىسى ئۇزۇندىن بۇيان ، ‹‹ شەرقتىكى داكار ›› دەپ ئاتىلىپ كەلمەكتە . بۇ يىلنىڭ بېشىدا تەكلىماكاننى ئايلىنىش راللى مۇسابىقىسى تەشكىلىي كومىتېتى جۇڭگو-ئاسىيا تونۇشتۇرۇش يىغىنى ئېچىپ ، تەكلىماكاننى ئايلىنىش مۇسابىقىسىنى ئوتتۇرا ئاسىيادىكى دۆلەتلەر ، رۇسىيە ، قازاقىستان قاتارلىق دۆلەتلەرگە تونۇشتۇردى . ‹‹شەرقتىكى داكار ›› نى ‹‹ دۇنيا تەكلىماكاننى ئايلىنىش مۇسابىقىسى ›› غا ئايلاندۇرۇش جۇڭگو شىنجاڭ تەكلىماكاننى ئايلىنىش مۇسابىقىسىنىڭ كېيىنكى ئون يىللىق نىشانى .

983308830

شىنجاڭلىق ئەزىمەتلەرمۇ تۇرغاندەك قىلامدۇ نىمە

tuman

شىنجاڭلىق ئەزىمەتلەرمۇ بار ئىكەن