ئۈرۈمچىدە يۈز بەرگەن پارتلىتىش ۋەقەسى نېمىنى چۈشەندۈرىدۇ؟

admin

ئۈرۈمچى شەھەرلىك مەدەنىيەت سارىيى تەرەپتىكى ئەتىگەنلىك بازاردا يۈز بەرگەن پارتلىتىش ۋەقەسى نېمىنى چۈشەندۈرىدۇ؟

بۈگۈن ئەتىگەن ئۈرۈمچى شەھىرى مەدەنىيەت سارىيى ئەتراپىدىكى ئەتىگەنلىك بازاردا گۇمانلىق زوراۋانلىق پارتلىتىش ۋەقەسى يۈز بەردى ، ئاڭلاشلارغا قارىغاندا يارىلىنىش ئەھۋالى ئېغىر بولغان . يېقىندىن بۇيان مۇشۇنداق ۋەقەلەرنىڭ كۆپلەپ يۈز بېرىشى شىنجاڭدىكى زوراۋانلىق ، تېروررلۇق كۈچلىرىنىڭ ئاللىقاچان تەشكىلات خاراكتېرىنى ئالغانلىقىنى چۈشەندۈرىدۇ . ئەمما يەنە بىر جەھەتتىن ، بۇ بۆلگۈنچى تېررورچىلارنىڭ كۈچلۈك ھايات-ماماتلىق كىرىزىسىغا دۇچ كەلگەنلىكىنىمۇ چۈشەندۈرۈشى مۇمكىن ، شۇڭا ئۇلار زوراۋانلىق پائالىيەتلىرى ئارقىلىق شىنجاڭنىڭ ۋەزىيىتىنى جىددىيلەشتۈرۈپ، ھۆكۈمەتنىڭ يېقىنقى مەزگىلدە قوللانغان ئۈنۈملۈك ئىدارە قىلىش تەدبىرلىرىنى قالايمىقان قىلىپ ، مىللەتلەر ئوتتۇرىسىغا غەزەپ-نەپرەت ئۇرۇقىنى چېچىپ ، ئۆزلىرىنىڭ كۈنسايىن تارىيىۋاتقان مەۋجۇتلۇق بوشلۇقىنى كېڭەيتمەكچى بولۇۋاتىدۇ .
     بۇنداق دېيىشتىكى سەۋەب ، ھۆكۈمەت بۇ بىر نەچچە يىلدا ئىلگىرىكىدەك نوقۇل ھالدىكى يۇقىرى بېسىم ۋە كونترول قىلىش ئۇسۇلىنى ئۆزگەرتىپ ، خەلق تۇرمۇشى ، بولۇپمۇ جەنۇبىي شىنجاڭدىكى يېزا–كەنتلەردىكى خەلقنىڭ تۇرمۇشىغا ياردەم بېرىش سالمىقىنى كۈچەيتتى ؛ يەنە بىر تەرەپتىن ، نۇرغۇنلىغان كادىرلار يېزا – كەنتلەرگە كىرىپ ، يېزا–كەنتلەرنىڭ ھەر قايسى تەرەپلەردىكى قۇرۇلۇشلىرى ، بولۇپمۇ جەنۇبىي شىنجاڭدىكى يېزا–كەنتلەردە كەمچىل بولغان مەدەنىيەت قۇرۇلۇشىنى جانلاندۇرۇشقا ئەھمىيەت بەردى ، ئۇنىڭ ئۈستىگە بۇ خىل قۇرۇلۇش كۆرۈنەرلىك ھالدا ئۇيغۇر مەدەنىيىتىدىكى ئۆرپ – ئادەت ، خۇشاللىقلارنى نامايان قىلىشقا ئەھمىيەت بەردى ؛ ئەل ئىچى خاراكتېرىدىكى جامائەت پىكرى بوشلۇقىدا تېخىمۇ كۆپ بولغان ئۇيغۇر قېرىنداشلار ، بولۇپمۇ ئۇيغۇر زىيالىيلىرى ئوتتۇرىغا چىقىپ ئىجابىي ئاۋازلارنى ياڭراتتى . شۇنىڭ بىلەن ، مۇقىملىقنى ساقلاپ ، تېررورلۇققا قارشى تۇرۇشنى يۇقىرى ئۆلچەمدە قاتتىق كونترول قىلىش ، خەلق تۇرمۇشىغا ئۈنۈملۈك ياردەم بېرىش ، بىرقەدەر ياخشى بولغان مەدەنىيەت قۇرۇلۇشى ئېلىپ بېرىش ، ئۇيغۇر–خەنزۇ خەلقى ئارىسىدىكى قاتلاملىق جامائەت پىكرىنىڭ دەسلەپكى قەدەمدە ياخشى راۋاجلىنىشىنىڭ تۈرتكىسىدە ، شىنجاڭدا ، بولۇپمۇ جەنۇبىي شىنجاڭ رايونلىرىدا بۇ بىر قانچە يىللاردىن بېرى ئەزەلدىن كۆرۈلۈپ باقمىغان ياخشى بولغان ئۇنىۋېرسال قۇرۇلۇش ، تەرەققىياتلار بارلىققا كەلدى . بۇنىڭ بىلەن رادىكال كۈچلەرنىڭ ھاياتلىق بوشلۇقى زور دەرىجىدە تارىيىپ ، غالجىرلاشقان زوراۋانلىق ، تېررورلۇق ھەرىكەتلىرىنى ئېلىپ بېرىشنى كۈچەيتتى .
    شۇڭا ، گەرچە شىنجاڭدا تېررورلۇققا قارشى كۈرەش قارىماققا كۈنسايىن كۈچىيىۋاتقان بولسىمۇ ، لېكىن ئاۋام خەلق بەك ئالاقىزادە بولۇپ كەتمەسلىكى كېرەك ، دۆلەت ، ھۆكۈمەتمۇ دىلخەستىلىكتە بولماي ، نۆۋەتتىكى شىنجاڭ قۇرۇلۇشى ئاساسىي ئىدىيەسىنىڭ توغرىلىقىغا ئىشىنىشى كېرەك ، بىزگە لازىملىقى ۋاقىت . پەقەت ھازىرقى توغرا بولغان باشقۇرۇش ، قۇرۇلۇش ئەندىزىسىنى بويلاپ ئالغا باسقاندىلا ، شۇنداقلا ئاساسىي قاتلام دېموكراتىك قانۇن–تۈزۈم قۇرۇلۇشى ۋە باشقۇرۇشنى تەرتىپكە سېلىشنى ئاكتىپلىق بىلەن كۈچەيتىپ ، دىننىڭ توغرا ئېنېرگىيەسى ۋە ئاساسىي قاتلام خەلق ئاممىسىنىڭ كۈچىنى جارى قىلدۇرۇشقا ئەھمىيەت بەرسەكلا ، رادىكال تېررورچى كۈچلەرنىڭ ھاياتلىق بوشلۇقى تېخىمۇ تارىيىدۇ . بۇ خۇددى بىز بېلىق تورىنى يىغقاندا ، بېلىق سەكرەپ چىقىدىغان قائىدە بىلەن ئوخشاش .

جىمجىت

ھەممە ئادەمىنىڭ ياشاش ھۇقۇقى بولىدۇ، بىگۇناھلارنى خالىغانچە قەسلىسە قانداق بولىدۇ ، نىمىدىگەن قەبىھ بۇلار

كىچىك

توغرا، ئالاقزادە بولماي، تېرورلۇققا تەڭ قارشى تۇرۇش لازىم.

626262

  بىرلىكتە ئىناق ئائىلە قۇرايلى!!!

626262

بىرلىكتە ئىناق ئائىلە قۇرايلى!!!

بىغەرەز

بىز ھەر مىللەت خەلقى ئىناق بىر ئائىلە كىشىلىرى،بىز جۇڭگونى سۆيىمىز، شىنجاڭنى سۆيىمىز،تېنىچلىقنى سۆيىمىز، زوراۋان تېرورچى كۈچلەرگە ئاخىرغىچە قارشى تۇرىمىز.
مەڭگۈ يوقالسۇن تېرورچى كۈچلەر !!!

ھۆپۆپ

بۈگۈن ئەتىگەن ئۈرۈمچى شەھىرى مەدەنىيەت سارىيى ئەتراپىدىكى ئەتىگەنلىك بازاردا گۇمانلىق زوراۋانلىق پارتلىتىش ۋەقەسى يۈز بەردى
بۇ خەۋەرنى ئاڭلىغاندىن كىيىن كۆڭلۇم بەك يېرىم بولدى،بىزنىڭ ھازىرقى تۇرمۇشىمىز ناھايتى ياخشى، بۇنداق ۋەقەلەرنىڭ يۇز بېرىشى ئەقىلگە پەقەتلا ئۇيغۇن ئەمەس، مەن بۇنداق ۋەقەلەرگە قارىشى تۇرىمەن.

لەگلەك

ئەمدىلا ئوقۇش پۈتتۈرگەن بىر ياش ستودېنت بولۇش سۈپىتىم بىلەن شۇنى ھېس قىلدىمكى: بۇ تېرورلۇق ۋەقەسى كۆپلىگەن بىگۇناھ خەلق ئاممىسىنىڭ جېنىغا زامىن بولدى ۋە  جەمئىيتىمىزنىڭ تنچ ئامانلىقىغا ئېغىر دەرىجىدە تەسىر يەتكۈزدى، شۇنىڭ بىلەن بىرگە بىزنىڭ روھىي تۇرمۇشىمىزغا ئاز بولمىغان پاسسىپ پىسخىك توسالغۇلارنى ئېلىپ كەلدى.
بىزياشلار بۇ قېتىمقى ۋەقەدىن يەنە بىر قەدەم ئىلگىرلىگەن ھالدا دۆلەت ئىچى سىرتىدىكى <ئۈچ خىل كۈچ >نىڭ قەبىھ ئەپتى-بەشىرسىنى كۆرۈپ يەتتۇق. «جۇڭگو ئارزۇسى»نى ئەمەلگە ئاشۇرۇش ئۈچۈن كۈرەش قىلىۋاتقان بۈگۈنكى كۈندە ،بۇ خىل ئەھۋالنىڭ يۈز بېرىشى بىزنى تولىمۇ ئەپسۇسلاندۇردى. دېمەك، بۇ قېتىمىقى جىنايى زوراۋان قىلمىشقا نىسبەتەن بىز يېڭى دەۋىر ياشلىرى چوقۇم سەگەك،ھۇشىيار بولۇپ ،ئېنتىرنىت تورىدىكى پىتنە ئېغۋالارغا ئىشەنمەسلىكىمىز،تارقاتماسلىقىمىز لازىم كۆز ئالدىمىزدىكى مۇقۇملۇق ۋە ئىناقلىقىنى قەدىرلەپ،تېخىمۇ مۇستەھكەم ئىرادە بىلەن يۇرت ماكانىمىزنىڭ مۇقۇملۇقىنى قوغداش ئىدىيىمىزنى كۈچەيتىشىمىز ۋە ھەر مىللەت خەلقى ئىتتىپاق بولغاندا مۇقۇملۇق،مۇقۇملۇق بولغاندىلا تەرەققىيات بولىدىغانلىقىدەك تۈپكى قانۇنىيەتنى ماھىيتىدىن تونۇپ يېتىشىمىز كېرەك.     

لەگلەك

ئەمدىلا ئوقۇش پۈتتۈرگەن بىر ياش ستودېنت بولۇش سۈپىتىم بىلەن شۇنى ھېس قىلدىمكى: بۇ تېرورلۇق ۋەقەسى كۆپلىگەن بىگۇناھ خەلق ئاممىسىنىڭ جېنىغا زامىن بولدى ۋە  جەمئىيتىمىزنىڭ تنچ ئامانلىقىغا ئېغىر دەرىجىدە تەسىر يەتكۈزدى، شۇنىڭ بىلەن بىرگە بىزنىڭ روھىي تۇرمۇشىمىزغا ئاز بولمىغان پاسسىپ پىسخىك توسالغۇلارنى ئېلىپ كەلدى.
بىزياشلار بۇ قېتىمقى ۋەقەدىن يەنە بىر قەدەم ئىلگىرلىگەن ھالدا دۆلەت ئىچى سىرتىدىكى <ئۈچ خىل كۈچ >نىڭ قەبىھ ئەپتى-بەشىرسىنى كۆرۈپ يەتتۇق. «جۇڭگو ئارزۇسى»نى ئەمەلگە ئاشۇرۇش ئۈچۈن كۈرەش قىلىۋاتقان بۈگۈنكى كۈندە ،بۇ خىل ئەھۋالنىڭ يۈز بېرىشى بىزنى تولىمۇ ئەپسۇسلاندۇردى. دېمەك، بۇ قېتىمىقى جىنايى زوراۋان قىلمىشقا نىسبەتەن بىز يېڭى دەۋىر ياشلىرى چوقۇم سەگەك،ھۇشىيار بولۇپ ،ئېنتىرنىت تورىدىكى پىتنە ئېغۋالارغا ئىشەنمەسلىكىمىز،تارقاتماسلىقىمىز لازىم كۆز ئالدىمىزدىكى مۇقۇملۇق ۋە ئىناقلىقىنى قەدىرلەپ،تېخىمۇ مۇستەھكەم ئىرادە بىلەن يۇرت ماكانىمىزنىڭ مۇقۇملۇقىنى قوغداش ئىدىيىمىزنى كۈچەيتىشىمىز ۋە ھەر مىللەت خەلقى ئىتتىپاق بولغاندا مۇقۇملۇق،مۇقۇملۇق بولغاندىلا تەرەققىيات بولىدىغانلىقىدەك تۈپكى قانۇنىيەتنى ماھىيتىدىن تونۇپ يېتىشىمىز كېرەك.     

ھس110

كونىلارنىڭ ‹ئىش بىرلىكتە كۈچ ئۆملۈكتە› دىگىنىدەك بىز ھەر مىللەت خەلق ئاممىسى ئىتىپاقلىشىپ بىر نىيەت بىر مەقسەتتە بۇلۇپ دۈشمەننىڭ بىزنىڭ ئەمىن تۇرمىشىمىزنى بۇزۈش ئارزۇيىنى بىتچىت قىلىشىمىز كىرەك.