بۇنداق ئۆگىنىشنىڭ ئۈنۈمى بارمىدۇ؟

تەڭرىتاغ

     مەلۇم بىر تورداش، ئۈرۈمچى شەھىرىنىڭ داۋاندىن پويىز ئىستانىسىغا قاتنايدىغان 10- يول ئاپتوبۇسىدا كېتىۋېتىپ، بىر قىزچاقنىڭ ئاپتوبۇستا تاپشۇرۇق ئىشلەۋاتقانلىقىنى كۆرگەن ۋە دەرھاللا بۇ قىزنى سۈرەتكە تارتىپ، تورغا چىقارغان. نۇرغۇنلىغان تورداشلار بۇ قىز ئۈستىدە ئىككى خىل مۇلاھىزىدە بولغان. بەزى تورداشلار بۇ قىزنى ناھايىتى تىرىشچان ئىكەن دېگەن، بەزى تورداشلار بۇنداق ئۆگىنىش قىلىشنىڭ ھېچقانداق ئۈنۈمى بولمايدۇ دېگەن. قېنى تورداشلارنىڭ بۇ قىز ئۈستىدە ئەركىن مۇلاھىزە قىلىپ بېقىشىنى ئۈمىد قىلىمەن.

marbiya

مېنىڭچە بۇ قىز مەكتەپتىن بېرىلگەن تاپشۇرۇقنىڭ كۆپلىكىدە تېزراق ئىشلەپ بولۇپ دەرىستىن سىرتقى كۇرسقا بېرىشقا ئالدىراۋاتقان بولسا كېرەك.
بۇ رەسىمدىن بەزىبىر مەكتەپلەرنىڭ بالىلارغا تاپشۇرۇقنى ھەددىدىن زىيادە كۆپ بېرىۋاتقانلىقىنى، ئوقۇتقۇچىلارنىڭ بالىلارغا ئېلىپ كېلىدىغان  بېسىمىنىڭ قانچىلىق ئېغىرلىقىنى كۆزدىن ساقىت قىلىۋاتقانلىقىنى كۆرۈۋالغىلى بولىدۇ.
ئۆگىنىش ئۈنۈمىگە كەلسەك بالىنىڭ ئۆزىدىكى تىرىشچانلىققا باغلىق. بەزى بالىلار تېنچ مۇھىتتا زېھنىنى يىغىۋالالايدۇ،بەزى بالىلار مۇھىت قانچە شاۋقۇن - سۈرەن بولسىمۇ زېھنىنى يىغىۋېلىشىغا تەسىر كۆرسەتمەسلىكى مۇمكىن.  ئاپتوبۇسنىڭ بىر توختاپ، بىر قوزغىلىپ مېڭىپ ئادەملەرنى سىلكىپ  ئاپتوبۇستا ئولتۇرۇشمۇ خېلى تەسكە توختايدىغان شارائىتتا بۇ قىزچاقنىڭ شۇنچىلىك بېرىلىپ تاپشۇرۇق ئىشلەۋاتقان كۆرۈنۈشىدىن قارىغاندا بۇ قىزچاقنىڭ زېھنى شۇنداق ئوچۇق بولسا كېرەك.
بۇنىڭدىن ئون نەچچە كۈن ئىلگىرىكى تور خەۋىرىدە خېنەنلىك 9 ياشلىق بىر قىزچاقنىڭ دادىسىغا ياردەملىشىپ ئاقبالداق سېتىپ، كوچا چىرىغىنىڭ يورۇقىدا تاپشۇرۇق ئىشلەپ نۇرغۇنلىغان تورداشلارنىڭ بەس - مۇنازىرىسىنى قوزغىغان ئىدى.

sarwi

بۇ قىزچاق بەلكىم ئائىلىدە ئىشلەپ بولالمىغان تاپشۇرۇقنىڭ ئاخىرىنى ئىشلەۋاتقان بولىشىمۇ مۈمكىن ، چۈنكى بەزى مەكتەپلەردە تاپشۇرۇق بەك كۆپ ، ئەگەر بالىلار ۋاقىتنى چىڭ تۇتمىسا ئىشلەپ بولالمايدۇ . مەيلى نىمە بولىشىدىن قەتئىنەزەر ، تاپشۇرۇقنىڭ كۆپىيىپ ھەتتا بالىلارنى كوچا ئاپتوبۇسىدىمۇ ئەركىن - ئازادە ، خاتىرجەم ئولتۇرغۇلى قويماسلىقنىڭ ئۆزى كىشىنى ناھايىتىمۇ ئەپسۇسلاندۇرىدىغان ئىش ! ھازىرقى بالىلارنىڭ ئۆگىنىش بېسىمىنىڭ ئېغىرلىقى ، ھەتتا تەتىل ۋاقىتلىرىدىمۇ ئارام - خۇدا دەم ئالالماي تۈگىمەس كۇرسلارغا قاتنىشىپ ھېرىپ - چارچاپ ئۆتۈۋاتقانلىقى ھەممىمىزگە ئايان . ئەگەر مەكتەپلەردە بالىلار ئۈچۈن ئەركىن - ئازادە ئۆگىنىش مۇھىتى يارىتىپ بېرىلسە ، دەرستىن سىرتقى پائالىيەتلەر جانلىق بولۇش بىلەن بىللە كۆپلەپ ئېلىپ بېرىلسا ، ئۆگىنىش بېسىمى يەڭگىللىتىلسە ، بالىلار ساغلاملىققا ئېرىشىپلا قالماي ، ھەممىلا تەرەپتىن ئەتراپلىق يېتىلگەن بولاتتى .
مەكتەپلەرمۇ بالىلار تولۇپ - تاشقان ئىشەنچ ۋە شاد - خوراملىق بىلەن ھەر خىل بىلىملەرنى ئۆگىنىدىغان ھەقىقى بىلىم كانىغا ئايلانغان بولاتتى .

بۇغداي

بالىلارنىڭ ئاممىۋى سورۇنلاردا تاپشۇرۇق ئىشلى ،بالىلارنىڭ  ئۈگۈنۈش بېسىمىنىڭ نەقەدەر ئىشىپ كىتىۋاتقانلىقىنى كۆرسىتىدۇ.
تولۇق بىر كۈن مەكتەپتە ئوقۇپ ، ئۆيىگە قايتقاندىمۇ تۈگىمەس تاپشۇرۇق ، ھەر خىل كۇرۇسلاردىكى ئوقۇشلار بالىلارنى بەكلا چارچىتىپ قويىۋاتىدۇ، بالىلار  دوستلىرى بىلەن ئەركىن ئويناپ، ئويۇندىن تاپىدىغان تەبىئەتنى تونۇشى، ساغلاملىق، ھەرخل بىلىملەردىن مەھرۇم بولغان ھالدا چوڭ بولىۋاتىدۇ. ... ..

كۆرەشچان

يولداش مەربىيە دىگەندەك ھەممە ئوقۇغۇچىنىڭ دەرىس ئۆزلەشتۇرىشى ئوخشاش بولمايدۇ، بەزى ئوقۇغۇچىلار ئازراقلا كۆرۈپ قويسا كاللىسىغا چۈشۈپ قالىدۇ.لېكىن بەزى ئوقۇغۇچىلار شۇنداق بىرىلىپ ئۈگەنگەندەك قىلسىمۇ بىلەلمەيدۇ بەزىلىرى مەكتەپتىلا ئىشلەپ بۇلىدۇ بەزىلىرى ئويگە قاتتقاندىن كېيىنمۇ ئويناپ دەرىس تەكرارلاشنى ئۇنتۇپ قالىدۇ.بۇ ئوقۇغۇچى زادى قايسى خىلدىكىسىگە تەۋە؟ بۇنىڭغا بىر پارچە رەسىمگە قاراپلا باھا بىرىش توغرائەمەس!
ئوقۇغۇچىلارنىڭ بېسىمى ئېشىپ كېتىش مەسىلىسىگە كەلسەك بۇ ھەقىقەتەن مەۋجۇت بولغان مەسىلە بۇنىڭغا كۆز يۇمۇشقا بولمايدۇ.مۇشۇ پۇرسەتتىن پايدىلىنىپ ئوقۇتقۇچىلارغا دەپ قۇيماقچى بولغىنىم دەرىسنى ئوقۇغۇچىلارغا ھەقىقى ئۆزلەشتۇرىۋاتقانلىرىمىز زادى قانچىلىك؟ بەزى ئوقۇتقۇچىلار ئوقۇغۇچىلارنى تاپشۇرۇققىلا زورلاپ دەرىس ۋاقتىدىكى ئۆزلەشتۈرۈش مەسىلىسىگە سەل قارايدىغان مەسىلىلەر مەۋجۇت.

ئۇيغۇن

بۇ ئۆگۈنۈش ئەمەس، ۋەزىپە تۈگۈتۈش.

كىچىك گۈرۈچ

مەكتەپلەرنىڭ تاپشۇرۇقى ئېغىر ئۈنۈمى يوق

بەلكىم ئويدە ئىشلەشكە ۋاختى يەتمىگەن بولىشى مۇمكىن

gulpira

راس مەكتەپلەرنىڭ تاپشۇرقى بەك تۇلا

تۇردى ئەبەيدۇللا

  ئوقۇغۇچىلارنىڭ تاپشۇرۇقلىرى ھەقىقىتەن كۆپ. قىشلىق،يازلىق تەتىللىك تاپشۇرۇق بېرىش نۇرمالنى ئىش. ئەمما بەزى مەكتەپلەردە كەچلىك تاپشۇرۇق بەرگەندىن سىرىت ، چۇشلۇك تاپشۇرۇقمۇ ئورۇنلاشتۇرۇدۇ. تاپشۇرۇقنىڭ كۆپلىگىدىن ئوقۇغۇچىلارنىڭ كاللىسى ئايلىنىپ كېتىدۇ.  ئاپتوۋۇزدىكى قىزغا كەلسەك ، تاپشۇرۇقنىڭ كۆپلىگىدىن شۇنداق قىلىۋاتقان بولسا كېرەك .تاپشۇرۇقنى نەدە ئىشلەش مەسلىسى ئانچە مۇھىم ئەمەس، مۇھىمى ئۇنۇمى بولسا بولۇدۇ ، بۇ قىز بىر بولسا بەك تىرىشچان ، ۋاقىتنى چىڭ تۇتۇدىغان قىز ئوقۇغۇچى بولسا كېرەك.