ئونسۇ ناھىيەسىدە 4 مۈڭگۈزلۈك قوچقار بايقالدى
ئىختىيارى مۇخبىرلىرىمىز مۇنىردىن تۇنياز، تۇردى راخمان،ئامانگۇل خەۋەرى ،فوتوسى
24-مارت ئونسۇ ناھيەسىنىڭ ساۋاپچى فېرمىسىدىكى بىر پادىچىنىڭ قوتىنىدا تۆت مۈڭگۈزلۈك غەلىتە بىر قوي بايقالدى.
بۇ غەلىتە قوي پادىچى ئابلىمىت مەمەتنىڭ قوتىنىغا باغلاپ قۇيۇلغان بولۇپ، ئادەتتىكى قويغان ئوخشاش چوققىسىدا ئىككى مۈڭگۈزى بولغاندىن سىرت يەنە قۇلىقىنىڭ ئۈستىدە سەل كىچىكرەك يەنە ئىككى مۈڭگۈزى بار ئىكەن. ھەر بىر مۈڭگۈزنىڭ ئۇزۇنلۇقى 40 سانتىمېتىر ئەتراپىدا بولۇپ، يىراقتىن قارىغاندا ئۆز ئارا كېسىشكەن 4 دانە پىچاققا ئوخشايدىكەن. بۇ يەرلىك قوشقا بولسىمۇ قارىماققا ناھايىتى ھەيۋەتلىك كۆرۈنىدىكەن.
ساۋاپچى فېرمىسىدىن پادىچى ئابلىمىت مەمەت مۇنداق دېدى: بۇ قوچقار ناھايىتى ئۈسۈشكەك ھەم باھاسى قىممەت بولغاچقا باشقىلارنى يارىلاندۇرۇپ قۇيۇش ياكى يوقاپ كېتىشىدىن ئەنسىرەپ دائىم ئېغىلغا باغلاپ قۇيىمەن. ئىگەلىنىشلەرگە قارغاندا ساۋاپچى فېرمىسىدا 35 مىڭ تۇياقتىن ئارتۇق تىۋىت ئۆچكىسى، يەرلىك قوي ۋە گۆش قۇيى بار بولۇپ، يىلدا 15 مىڭ تۇياقتىن ئارتۇق تاۋار قوي سېتىلىپ چىقىلىدىغان بولسىمۇ، بىراق بۇنىڭغا ئوخشاش تۆت مۈڭگۈزلۈك غەلىتە قوينىڭ تۇنجى قېتىم بايقىلىشى ئىكەن.
| 
نامسىز يوللىغان ۋاقتى 2014-4-4 00:01:52
