ئاتۇشقا مۇھاببەت ...2

rustorahbar

ئاتۇشقا مۇھاببەت

مەن ئاتۇشتا قىران بويىدا،

يۇرتۇمنىڭكى ھەر بىر تويىدا.

ئانا يۇرتنىڭ باغرىغا قانماي،

ياشاتىمەن گۈلدەك قوينىدا.

چاقماق دەريا ئاقىدۇ سىرلىق،

كۆكتە قۇياش باقىدۇ ئىللىق.

سۇتۇق بۇغرا يۇرتى بۇ ئاتۇش،

تارىخ ياتار نەچچە مىڭ يىللىق.

ئانا يۇرتۇم مېھرىبان شۇنچە،

باغلىرىدا ئېچىلغان غۇنچە.

تەۋپىق ئۆتكەن تۇنجى دەرسنى،

ئانا تىلدا ھەم ساپ ئۇيغۇرچە.

ئاسمان-زىمىن شاھىد تارىخقا،

بۇغرا خاقان قىلغان ئۇرۇشقا.

ئاشىقتۇرمەن ئەزەلدىن-ئەزەل،

كىندىك قېنىم تامغان ئاتۇشقا.

رۇستەم قاراسۇ...ئاتۇشتا يېزىلدى

983308830

ياخشى  يىزىلىپتۇ ئاپىرىن

rustorahbar

ئەزمەتلىرمىز
رۇستەم قاراسۇ
بىزدىن بالدۇر خوشلۇشۇپ كەتكەن،
بىر مەشقاۋۇل ئابلىكىم ئاتلىق.
يىتۈشتۈرگەن تالاي ئەزمەتنى،
قالقان كەبى مۇشتلىرى قاتتىق.

قۇيۇپ كەتتى ياراملىق شاگىرت،
بۈگۈن ئۇلار زەپەرلەر قۇچتى.
ۋارىسلىرى ئەلنىڭ كۆكىدە،
قاناتلىنىپ بۈركۈتتەك ئۇچتى.

مۇھاممەد چوڭ شەرەپ قازاندى،
توختى چوڭمۇ قالمىدى چەتتە.
پالۋانلارنىڭ باتۇرلىقىنى،
تەسۋىرلەش تەس تىل بىلەن خەتتە.

ئابدۇرىھىم ،سېرىك قازاقمۇ،
شۇ ئۇستازدىن تەلىمنى ئالغان.
يەر چىشلەتتى رەقىبلىرىنى،
مۇش ئاتالدى يۇمۇلغاچ ئالقان.

تەڭرىتاغنىڭ قوينىدىن چىقىپ،
يەتتە ئىقلىم كىزىپ ئۇچۇڭلار.
ھەي ئەزمەتلەر سىلەر پەخرىمىز،
ۋەتەن ئۈچۈن شەرەپ قۇچۇڭلار.
رۇستەم قاراسۇ 2014.يىل6.ئاي28.كۈنى