ئەزىز خەلقىم دۇئاسى بەلكىم،
سەھنىلەردە پەرۋاز قىلدۇرغان.
سۈيى ئەلۋاك دەريا ناخشىڭىز،
چاڭقاپ كەتكەن دىلنى قاندۇرغان.
پايتەختتىكى يىغىن زالىدا،
مەيدىڭىزگە تاقاپسىز گۈلنى.
توختىمىدى ئالقىش سادالار،
‹‹شىنجاڭ قىزى›› دېگەندە سىزنى .
تېلېۋىزوردىن كۆرۈپ ئولتۇرۇپ،
ئامراقلىقىم كەپ كەتتى سىزگە.
ئىزھار قىلدىم يۈرەك سۆزۈمنى ،
مۇراجەت قىپ قەلەم قەغەزگە.
تەڭرى بەرگەن تەلەي ئېھتىمال،
ئايدەك چىراي گۈلدەك بەستىڭىز.
مىزانىڭىز بولغاچ دىيانەت،
كەسپىڭىزدىن شەرەپ قۇچتىڭىز.
ئالقىشلايدۇ خەلقىم بىر ئۆمۈر،
خەلقىگە يۈز كېلەلىگەننى.
كەشتىلەيدۇ تارىخ بېتىگە،
ئۆز كەسپىنى سۆيەلىگەننى.
سۆيگەچكە سىز كەسىپنى جان دەپ،
بولالىدىڭىز شاھدەك بەخىتلىك.
ئاققۇ مىسال پەرۋازىڭىزغا،
مىڭ داستانمۇ قىلىدۇ كەملىك.
ئارىمىزنى دېمەيمەن يىراق،
سىز قەلبىمدە كۆكلىگەن چىنار.
ئائىلىڭىزگە تىلەيمەن بەخىت،
ئامان بولۇڭ سۆيۈملۈك دىلنار.
2012-
| 
نامسىز يوللىغان ۋاقتى 5 كۈن ئالدىدا
سىزنىڭ شىېرىڭىزنى مەن بەك ياخـتۇرمەن شۇڭلاشقا يانا ئوقۇۋالدىم !!!!!!!!!!
