بىلگىيە سەپىرىدىن خاتىرىلەر ( 1 )

ئۇيغارى

            بىزنىڭ ياۋروپادىكى ساياھىتىمىز يالغۇز گېرمانىيە بىلەنلا چەكلىنىپ قالمىدى . ياۋروپا ئىتتىپاقىغا ئەزا  بىر  دۆلەتنىڭ  ۋىزىسى  بىلەن  باشقا ئەزا دۆلەتلەرگىمۇ بىمالال بارغىلى بولىدىغانلىقى ئۈچۈن ، بىز بۇ ياخشى  پۇرسەتنى  قولدىن  بەرمەي ، گېرمانىيەنىڭ ئەتراپىدىكى بىر نەچچە قوشنا  دۆلەتكىمۇ  ساياھەتكە باردۇق . بۇ سەپىرىمىزنىڭ تۇنجى بېكىتى بىلگىيە بولدى .
            بىلگىيە كىچىك دۆلەت بولغىنىغا قارىماي ، ياۋروپادىكى تەرەققى تاپقان دۆلەتلەر قاتارىدىن ئورۇن ئالغانىكەن . بىريۇسسىل شەھىرى بىلگىيە پادىشاھلىقىنىڭ پايتەختى بولۇش بىلەنلا قالماستىن ، يەنە ياۋروپا ئىتتىپاقىنىڭمۇ پايتەختى ھېساپلىنىدىكەن . شىمالىي ئاتلانتىك ئەھدى تەشكىلاتىنىڭ كاتىبات باشقارمىسى، ياۋروپا ئىتتىپاقىنىڭ باش ئىشتابى ، ياۋروپا پارلامېنتى قاتارلىق يۈزگە يېقىن خەلقئارالىق ئاپپارات مۇشۇ شەھەرگە  جايلاشقان  ئىكەن .  بۇ شەھەردە  قەدىمىيلىككە  ۋەكىللىك  قىلىدىغان  بىناكارلىق  قۇرۇلۇشلىرى ، قەدىمىي كوچىلار بولغاندىن تاشقىرى ، يەنە ھازىرقى زامانغا ۋەكىللىك قىلىدىغان كۆپ قەۋەتلىك زامانىۋىي بىناكارلىق  قۇرۇلۇشلىرى ، ئازادە ، كەڭ  كوچىلارمۇ  بار  ئىكەن .  ھېچقانداق  بۇزغۇنچىلىققا  ئۇچرىمىغان تەبىئىي ئورمان باغچىلىرىدىكى بۈك-باراقسان ئورمانلار ، ھەممىلا يەردە كۆزگە تاشلىنىپ تۇرىدىغان ياپ- يېشىل  چىمەنزارلىقلار  بۇ قەدىمىي  شەھەرنىڭ  ھۆسنىگە ھۆسىن قوشۇپ ، ئۇنىڭغا ئۆزگىچە گۈزەللىك ئاتا قىپتۇ .  بىريۇسسىل  شەھىرى  ئۆز نۆۋىتىدە يەنە ساياھەت مەنزىرە نۇقتىسى بولۇپ ، دۇنيانىڭ ھەر قايسى جايلىرىدىن  بۇ شەھەرگە  ساياھەتكە  كېلىدىغانلارمۇ ناھايتى كۆپ ئىكەن . ئاتوم مولىكۇلاسى شەكلىدە ياسالغان ئاتوميۇم مۇنارى بىلەن 1905-يىلى ياسالغان مۇستەقىللىق دەرۋازىسى بۇ شەھەرنىڭ سېمۋولى ھېساپلىنىدىكەن . بۇ جايغا ساياھەتچىلەرمۇ  ئۈزۈلمەي  كېلىپ  تۇرىدىكەن .  بىزمۇ ئەشۇ ساياھەتچىلەر قاتارىدا  بىر يۇسسىل  شەھىرىنىڭ بىر قىسىم مەنزىرە رايونلىرىنى ساياھەت قىلىپ ، بۇ داڭلىق شەھەرنىڭ ئۆزگىچە گۈزەللىكلىرىدىن ھوزۇرلاندۇق .
             تۆۋەندىكى سۈرەتلەر ياۋروپانىڭ مەركىزى بولغان بۇ شەھەرنىڭ بىر قىسىم كۆرۈنۈشلىرى .

sarwi

   سۈرەتلىرىڭىزگە  ئەگىشىپ گېرمانىيىنىڭ مەنزىرىسىدىن ھوزۇرلانغان ئىدۇق ، ئەمدى بېلگىيەنىڭ مەنزىرىسدىن ھوزۇرلىنىش پۇرستىگە ئېرىشىپتىمىز ، بېلگىيىنىڭ كوچىلىرى ماڭا بىر خىل جىمجىتلىق تۇيغۇسى بەخش ئەتتى ، ئاۋات كوچىلاردا دانلاپ يۈرگەن كەپتەرلەر ، چىرايلىق بېزەلگەن گۈللەر ، دەل - دەرەخلەر كىشىنىڭ دىل بەھرىنى ئاچىدۇ .

ئەجرىڭىزگە رەھمەت ئۇستاز ، سالامەت بولغايسىز !

ئېلى

سەپىرىڭىزنىڭ كۆڭۈللۈك بولغانلىغىدىن مەنمۇ بەك خۇشال بولدۇم، خانىمىڭىزمۇ بىرگە بارغان ئوخشىمامدۇ.

ئۇيغارى

ئېلى يوللىغان ۋاقتى  2013-1-14 11:17
سەپىرىڭىزنىڭ كۆڭۈللۈك بولغانلىغىدىن مەنمۇ بەك خۇشال ب ...

        شۇنداق ، رەھمەت .

ئۇيغارى

sarwi يوللىغان ۋاقتى  2013-1-14 10:41
سۈرەتلىرىڭىزگە  ئەگىشىپ گېرمانىيىنىڭ مەنزىرىسىدىن  ...

     دىگىنىڭىز كەلسۇن ، سىزگىمۇ رەھمەت .

تۇردى ئەبەيدۇللا

  ئامىتىڭلار كەپتۇ،  ئارمىنىڭلارغا يېتىپسىلەر، ياۋروپا ئىتتىپاقىغا ئەزا  بىلگىيە قاتارلىق بىرنەچچە دۆلەتتە سەيلى-ساياھەتتە بولغىنىڭلار ھاياتىڭلاردىكى ئەڭ چوڭ خۇشاللىق ئىش . بۇ ئاسان قولغا كەلمەيدىغان پۇرسەت، بەزىلەرگە بىرەر دۆلەتكە ساياھەتكە بېرىش پۇرسىتى نىسىپ بولمايۋاتقان ئەھۋالدا سىلەرنىڭ بىر نەچچە دۆلەتتە ساياھەتتە  بولغىنىڭلار  بۇ  بىر مۆجىزە خاراكتىرلىك چوڭ خۇشاللىق ئىش.  سۇپ-سۇزۇك تارتىلغان سۇرەتلەرنى كۆرۇپ بىزمۇ سىلەر بىلەن بىللە ساياھەتكە بارغاندەك  ھۆزۇرلاندۇق.  شارائىت يار بەرسە ئادەم دىگەن مانا سىلەردەك ياشىغانغا يەتمەيدۇ
بەخت سىلەرگە مەڭگۇ يار بولسۇن.

ئۇيغارى

تۇردى ئەبەيدۇللا يوللىغان ۋاقتى  2013-1-14 13:08
ئامىتىڭلار كەپتۇ،  ئارمىنىڭلارغا يېتىپسىلەر، ياۋروپ ...

          رەھمەت .

harsan

مول بولغان ساياھەت مەزمۇنلىرى ۋە سۈرەتلەر بىلەن تەمىنلەپ تۇرىۋاتىسىز رەھمەت!

ئەخمەتجان ھوشۇر

سۆرەتتىن كۆرۈنۈپ تۇرۇپتۇكى گىرمانىيەدىكى ساياھىتىڭلار ناھايىتىمۇ كۆڭۈللۈك بوپتۇ. بۇ سۆرەتلىرىڭىزنى كۆرۈپ مەنمۇ بارغاندەك ھېس قىلىپ قالدىم

بۇغداي

تەرەققىي قىلغان دۆلەتلەرنىڭ كۆپ جايلىرىنى سۈرەتلەر ئارقىلىق يۈز كۆرۈشتۈرگىنىڭىزگە كۆپ رەھمەت !
بېلگىيەدە تارتىلغان سۈرەتلەردىن،قەدىمىيلىك بىلەن تەرەققىياتنىڭ بىرلىشىپ كەتكەنلىگىنى ھېس قىلغىلى بولىدىكەن.  سۈرەتلەرنىڭ ئاخىرىغا ئىنتىزارمىز!!