مىليونلىغان ئابۇنت بىرلىشىپ تور ئالدامچىلىقىغا قارشى تۇردى
يېقىندا، چەت ئەلدە ئوقۇۋاتقان ئىستۇدېنتلار ئاتا – ئانىلىرىنىڭ ئالدامچىلىققا ئۇچراش ۋەقەلىرى توختىماي يۈز بېرىپ، ئاتا – ئانىلار ئوخشاش بولمىغان دەرىجىدە زىيانغا ئۇچرىدى، زىيان سوممىسى ھەممىسى دېگۈدەك 10 مىڭ يۈەندىن ئاشتى. قانۇنسىز ئۇنسۇرلار ئادەتتە چەت ئەلدە ئوقۇۋاتقانلارنىڭ QQ نومۇرىنى ئوغرىلاپ، دوستى ۋە ئاتا – ئانىلىرى بىلەن سۆزلەشكەن، ياكى ئاۋۋال تەييارلاپ قويغان زىيانكەشلىككە ئۇچرىغۇچىنىڭ مىدىيا ھۆججىتى ئارقىلىق قارشى تەرەپنىڭ ئىشەنچىسىگە ئېرىشىپ، ئاندىن پۇل – مال قاقتى – سوقتى قىلىشقا ئۇرۇنغان.
QQ نومۇرىنى ئوغرىلاش ئالدامچىلىق قىلمىشىنىڭ ئالدىنچى شەرتى، شۇڭا چەت ئەللەردە ئوقۇۋاتقان ئوقۇغۇچىلار ئادەتتە تور ئالاقىسىدە تور بەتلەردە ئاسانلىقچە QQ نومۇرى ۋە كودىنى كىرگۈزمەسلىكى كېرەك. تور بېكىتىنىڭ بىخەتەرلىكىنى جەزىملەشتۈرەلمىگەن ئەھۋال ئاستىدا تىڭشۈن تورىدىكى تور بېكەتلەرنىڭ بىخەتەرلىكىنى تەكشۈرۈش سىستېمىسىغا كىرىپ تەكشۈرۈپ باقسا بولىدۇ. ئەگەر QQ نومۇرى يۈتۈپ كەتكەن بولسا، QQ بىخەتەرلىك مەركىزىگە كىرىپ ئەرز قىلىسا بولىدۇ. ئەرز قىلغاندا ئامال بار سىستېما ئېھتىياجلىق ئۇچۇرلارنى تولۇق كىرگۈزۈش كېرەك، شۇنىڭ بىلەن بىرگە، ئۈچتىن بەشكىچە بۇرۇندىن بار بولغان، داۋاملىق ئالاقىلىشىپ تۇرىدىغان دوستىنى ياردەمگە چاقىرىشى كېرەك. ئەگەر تىزىملاپ كىرىش ئادرېسى ئادەتتە كۆپ ئىشلىتىلگەن ئادرېس بولسا تەستىقتىن ئۆتۈشكە پايدىسى بار.
چەت ئەلدە ئوقۇۋاتقان ئوقۇغۇچىلارنىڭ ئاتا – ئانىسى ياكى دوستلىرى ئۈچۈن ئېيتقاندا، ئالدامچىلارنى پەرقلەندۈرۈش ئەمەلىيەتتە ناھايىتى ئاسان! ئالدامچىلارنىڭ مەقسىتى پۇل – مال قاقتى – سوقتى قىلىش، شۇڭا پاراڭ مەزمۇنى مال – مۈلۈككە ئالاقىدار بولغاندا دەرھال تېلېفون قىلىپ سۈرۈشتۈرۈش كېرەك! ئەگەر تېلېفون ئۇرۇپ ئالغىلى بولمىغان ئەھۋال ئاستىدا، بەزى مەخپىي ئۇچۇرلار ياكى مەخپىي بەلگىلەر ئارقىلىق قارشى تەرەپنىڭ كىملىكىنى سۈرۈشتۈرسە بولىدۇ.
بىر ئايدىن بېرى، QQ بىخەتەرلىك مەركىزى پاراڭ كۆزنىكىگە نەچچە ئون مىليوندىن ئارتۇق ئەسكەرتمە چىقىرىپ، چەت ئەلدە ئوقۇۋاتقان ئوقۇغۇچىلارنى ئاتا – ئانىلىرى ۋە دوستلىرى بىلەن پاراڭلاشقاندا ئالدامچىلىقتىن ساقلىدى، شۇنداقلا نەچچە ئون مىڭ ئابۇنت يوللىغان ئالدامچىلىق قىلمىشلىرىنىڭ ئەرزىنى ئوڭۇشلۇق ھالدا بىر تەرەپ قىلدى؛ شۇنىڭ بىلەن بىرگە، نەچچە مىليون ئابۇنت QQ بىخەتەرلىك مەركىزى ئاچقان بىخەتەرلىك دەرسخانىسىدا ئالدامچىلىقتىن ساقلىنىش بىخەتەرلىك بىلىملىرىنى ئۆگەندى، شۇنداقلا شەخسىي بوشلۇقىغا ۋە مىكروبىلوگىغا، دوستلىرىغا ھەمبەھرلەپ بەردى. بۇ ئۇچۇرنى ھەممەيلەن تەڭ تارقىتىپ، بىرلىشىپ تور ئالدامچىلىقىغا زەربە بېرەيلى!!! | 
يوللىغان ۋاقتى 2013-1-11 12:09:55
يوللىغان ۋاقتى 2013-1-11 12:22:26